بيىل قازىنا جوعارى ولشەمدى ەگىنجاي قۇرىلىسىنا كۇش سالا كومەك قاراجات بەرەدى

2024.02.18 15:23 كەلۋ قاينارى : حالىق تورابى

　　2024 – جىلى، ورتالىق قازىنا جوعارى ولشەمدى ەگىنجاي قۇرىلىسىنا ورتالىق پەن ولكە دارەجەلى قوسىلاتىن قارجى كومەك قاراجاتىنىڭ دەڭگەيىن لايىقتى جوعارىلاتىپ، تۇقىم شارۋاشىلىعىن گۇلدەندىرۋ ارەكەتىن، اۋىل شارۋاشىلىق ماشينالارى جابدىقتارىنداعى ولقىلىقتاردى تولىقتاۋ ارەكەتىن جانە اۋىل شارۋاشىلىعىنا قوعامدانعان قىزمەت وتەۋدى ۇزدىكسىز قولداپ، استىق وندىرەتىن، ساتاتىن رايوندارداعى ولكەلەر ارا ەندىك باعىتتا ءوزارا مۇددە تولەم مەحانيزمىن ورناتۋ جونىندە ىزدەنىس جاساپ، كوپ نەگىزدى قوسىلىم مەحانيزمىن كەمەلدەندىرەدى.

　　قازىنا مينيسترلىگى مەملەكەت قازىناسى مەڭگەرمەسىنىڭ باستىعى لي شيانجۇڭ تاياۋدا قازىنانىڭ استىق ءوندىرىسىن قولداۋ، قامتاماسىز ەتۋ جاعىنداعى جاعدايلاردى تانىستىردى. لي شيانجۇڭ بىلاي دەدى: 2023 - جىلى ورتالىق قازىنا مەملەكەتتىڭ استىق حاۋىپسىزدىگىن قامتاماسىز ەتۋدى باستان ـ اياق قازىنا ارقىلى اۋىل شارۋاشىلىعىن قولداۋ ساياساتىنىڭ ەڭ ماڭىزدى ءتۇيىنى ەتتى. ءبىر جاعىنان، استىق حاۋىپسىزدىگىنىڭ نەگىزىن بەكەمدەۋدى ارقاۋ ەتىپ، ساياساتتىق قامداۋدى ساپالىلاندىردى؛ ەندى ءبىر جاعىنان، استىق ءوندىرىسىنىڭ شەشۋشى تۇيىندەرىن ارقاۋ ەتىپ، قارجى جاعىنان قولداۋدى كۇشەيتتى.

　　مۇنىڭ ىشىندە قازىنالىق قارجىنىڭ نەگىزگى ارنالىق رولىن شىنايى ساۋلەلەندىرىپ، ”ەگىستىك جەردىڭ ساپاسىن جوعارىلاتۋ، استىقتى عىلىمي جولمەن ەگۋ“ ستراتەگياسىن ىشكەرىلەي تياناقتاندىرىپ، 2023 ـ جىلى 92 ميلليارد يۋان ورنالاستىرىپ، 80 ميلليون مۋ جوعارى ولشەمدى ەگىس اتىزىن جاڭادان سالۋعا جانە جاڭالاپ، دارەجەسىن جوعارىلاتۋعا قولداۋ كورسەتىپ، قارا توپىراقتى قورعاۋدى، پايدالانۋدى بەلسەنە ىلگەرىلەتىپ، سورتاڭ جەرلەردى جان ـ جاقتى پايدالانۋدى تۇيىندە سىناق ەتۋدى باستادى.

　　لي شيانجۇڭ بىلاي دەدى: 2024 ـ جىلى قازىنالىق قارجىنىڭ پايدالانىلۋى مەن ساياساتتىڭ تياناقتانۋىن باقىلاۋدى كۇشەيتىپ، مەملەكەتتىڭ استىق حاۋىپسىزدىگىن اناعۇرلىم ويداعىداي قامتاماسىز ەتەمىز.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved