اپاتتان ساقتانىپ، مالدى قورعادى
شينجياڭداعى مال شارۋاشىلىق تاراۋلارى سۋىق اعىسقا بەلسەنە توتەپ بەردى
2024.02.18 15:25 كەلۋ قاينارى : حالىق تورابى
شينجياڭ گازەتىنىڭ حابارى. سۋىق اعىسقا توتەپ بەرۋ ءۇشىن، شينجياڭ ۇيعۇر اۆتونوميالى رايوندىق مال شارۋاشىلىعى، مال شيپاگەرلىگى مەكەمەسى الدىن الا ورنالاستىرۋ جاساپ، مال شارۋاشىلىعىنىڭ اپاتقا ۇشىراۋىنان ساقتاندى.
تانىستىرۋعا قاراعاندا، شينجياڭ ۇيعۇر اۆتونوميالى رايوندىق مال شارۋاشىلىعى، مال شيپاگەرلىگى مەكەمەسى بەلسەنە شارا قولدانىپ، ساقتاندىرۋ ينفورماتسيالارىن دەر كەزىندە جاريالاپ، ىلە قازاق اۆتونوميالى وبلىسىنا، تارباعاتاي ايماعىنا، التاي ايماعىنا قار جاۋىپ، تەمپەراتۋرا تومەندەۋ بارىسىنان الدىن الا ساقتانۋدى ءتۇيىندى تۇردە ەسكەرتىپ، تاۋلى وڭىرلەردە كوشكىن تۇسۋدەن ءتۇيىندى تۇردە ساقتانىپ، قىستاۋلىقتارداعى مالشىلاردىڭ قارلى بوراندى كۇندەرى ورىستە مال باعۋىنا قاتاڭ تيىم سالعان. 2 – ايدىڭ 15 – كۇنىنەن باستاپ 24 ساعات بويى كەزەكشى ورنالاستىرىپ، اۋا رايى جاعدايىنا قاداعالاي نازار اۋدارىپ، مال شارۋاشىلىق ءوندىرىس جاعدايىن كۇن سايىن مالىمدەۋ ءتۇزىمىن قاتاڭ اتقارعان.
قازىرگە دەيىن شينجياڭنىڭ مال شارۋاشىلىق ءوندىرىسى جالپى جاقتان ورنىقتى بولعان. ىلە قازاق اۆتونوميالى وبلىسى، تارباعاتاي ايماعى، التاي ايماعى، اقسۋ ايماعى قاتارلى جەرلەردىڭ مال شارۋاشىلىق، مال دارىگەرلىك باسقارۋ تاراۋلارى 24 ساعات كەزەكشىلىك ىستەۋ ءتۇزىمىن قاتاڭ اتقاردى ءارى قىستاۋلىقتارداعى مال باعىلاتىن وڭىرلەر مەن مال سانىن ەگجەي - تەگجەيلى تەكسەرىپ، ءارقايسى مال شارۋاشىلىق تۇيىندەرىنە سۋىق اعىس مەزگىلىندە مال جايۋدى توقتاتۋدى ۇقتىردى، قىزمەتكەرلەردى ءبىرىنشى شەپكە ىشكەرىلەي بارىپ، ەگىنشى ـ مالشىلاردىڭ سۋىقتان ساقتانىپ، جىلۋ ساقتاۋ، مالعا جەم - ءشوپ بەرۋ، قورا ـ قالتقىنىڭ قارىن تازالاۋ، جەم - ءشوپ تاسۋ، كوش جولىن اشۋ سياقتى قىزمەتتەردى ويداعىداي ىستەۋىنە جەتەكشىلىك ەتۋگە ۇيىمداستىردى.
التاي ايماعى 200 دەن استام كاسىپتىك ـ تەحنيكالىق قىزمەتكەردى تاڭداپ جىبەرىپ، تەحنيكالىق قىزمەت وتەۋ قىزمەتىن ورىستەتىپ، حاۋىپ ـ قاتەر كوپ تۋىلاتىن، وڭاي تۋىلاتىن ورىندارعا حاۋىپسىزدىك كومەسكى قاتەرىن ءبىر ـ بىرلەپ تەكسەرىپ، ەگىنشى ـ مالشىلاردىڭ 378 قوراسىن جوندەۋىنە، بەكەمدەۋىنە جەتەكشىلىك ەتتى. قازىر جەرگىلىكتى اۋىل ـ قالاشىق، قىستاقتار شۇعىل جاعدايعا توتەپ بەرۋ اۆتوكولىكتەرىن ورنالاستىرىپ، زاتتىق ماتەريالداردى تاسىمالداۋدىڭ دەر كەزىندە، ىركىلىسسىز جۇرۋىنە بار كۇشپەن كەپىلدىك ەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
