ەرەكشە كۇشتى سۋىق اعىس بولدى
شينجياڭداعى 31 اۋا رايىن باقىلاۋ پۋنكتىندە قالىڭ قاردىڭ بولاتىندىعى مەجەلەندى
ەڭ تومەنگى تەمپەراتۋراسى نولدەن تومەن 41 سەلتسي گرادۋسقا ءتۇستى
2024.02.18 15:33 كەلۋ قاينارى : حالىق تورابى
ءتىلشىنىڭ شينجياڭ اۋا رايى ستانسياسىنان ۇعىسۋىنشا، 2 – ايدىڭ 17 – كۇنى ساعات 8 گە دەيىن قاتتى سۋىق اعىستىڭ نەمەسە ەرەكشە كۇشتى سۋىق اعىستىڭ ىقپالىنان شينجياڭداعى 31 اۋا رايىن باقىلاۋ پۋنكتىندە قالىڭ قار جاۋىپ، بۇكىل شينجياڭنىڭ ەڭ تومەنگى تەمپەراتۋراسى نولدەن تومەن 41 سەلتسي گرادۋسقا تۇسكەن، بۇل ەڭ تومەنگى اۋا تەمپەراتۋراسى التاي ايماعى كوكتوعاي اۋدانىنىڭ تۇرعىن اۋىلىندا جارىققا شىققان.
ساندى مالىمەتتە كورسەتىلۋىنشە، 2 ـ ايدىڭ 16 ـ كۇنى ساعات 8 دەن 2 ـ ايدىڭ 17 ـ كۇنى ساعات 8 گە دەيىن، سولتۇستىك شينجياڭنىڭ باسىم كوپ جەرىندە، تيانشان تاۋلى ءوڭىرى جانە قىزىلسۋ قىرعىز اۆتونوميالى وبلىسىنىڭ تاۋلى ءوڭىرى، قۇمىل قالاسىنىڭ سولتۇستىك بولىگى قاتارلى جەرلەردىڭ كەي جەرلەرىندە جاڭبىر سوڭى قارعا اينالعان نەمەسە قار جاۋعان، ىلە قازاق اۆتونوميالى وبلىسىنىڭ ءىشىنارا وڭىرلەرىندە ورتاشادان قالىڭ جاڭبىرعا دەيىن جاۋىپ سوڭى قارعا اينالعان، نىلقى اۋدانى سۇپتاي اۋىلىندا قالىڭ جاڭبىر جاۋىپ سوڭى قارعا اينالعان؛ مۇنىڭ ىشىندە سولتۇستىك شينجياڭنىڭ باتىس سولتۇستىك بولەگى، تيانشان تاۋلى رايونى جانە سولتۇستىك بەتكەيى، قىزىلسۋ قىرعىز اۆتونوميالى وبلىسىنىڭ تاۋلى رايونى، قۇمىل قالاسىنىڭ سولتۇستىگىندە ورتاشادان قالىڭ قارعا دەيىن جاۋعان، ىلە وبلىسىنىڭ تاۋلى رايونى، التاي ايماعىنىڭ شىعىس بولەگىندەگى تاۋلى رايون، سولتۇستىك بولەكتەگى تاۋلى رايونداعى 31 اۋا رايىن باقىلاۋ پۋنكتىندە قالىڭ قار جاۋاتىندىعى مەجەلەنگەن، قاردى ەڭ قالىڭ جاۋاتىن ٴتۇيىنى ىلە قازاق اۆتونوميالى وبلىسىنىڭ موڭعۇلكۇرە اۋدانى قاراسۋ قالاشىعى پۋنكتى بولىپ، قار مولشەرى 27.8 ميلليمەترگە جەتتى؛ ىلە وبلىسى، تارباعاتاي ايماعىنىڭ سولتۇستىگى، تيانشاننىڭ سولتۇستىك بەتكەيى، قىزىلسۋ قىرعىز اۆتونوميالى وبلىسىنىڭ تاۋلى رايوندارىندا جاڭادان جاۋعان قاردىڭ قالىڭىعى 3 تە 9 سانتيمەتر بولعان، التاي ايماعىنىڭ شىعىس بولەگىندە جاڭادان جاعان قاردىڭ قالىڭدىعى 4 تە 24 سانتيمەتر بولعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
