2 – كەزەكتى ورتالىقتىڭ ەكولوگيالىق ورتانى قورعاۋدى باقىلاۋ ـ تەكسەرۋ، رەتتەۋ ـ تۇزەتۋ مىندەتىنىڭ %80كە جۋىعى ورىندالدى
2024.02.18 15:34 كەلۋ قاينارى : حالىق تورابى
شينحۋا اگەنتتىگىنىڭ 2 – ايدىڭ 14 – كۇنى بەيجيڭنەن بەرگەن حابارى. ءتىلشىنىڭ بىرنەشە كۇننىڭ الدىندا ەكولوگيالىق ورتا مينيسترلىگىنەن ۇعىسۋىنشا، 2023 - جىلدىڭ سوڭىنا دەيىن ورتالىقتىڭ 2 - كەزەكتى ەكولوگيالىق ورتانى قورعاۋدى باقىلاۋ - تەكسەرۋ بويىنشا رەتتەۋ - تۇزەتۋ جوباسىندا ايقىن بەلگىلەنگەن 2164 رەتتەۋ - تۇزەتۋ مىندەتىنىڭ جالپى ورىندالۋ مولشەرى %79 كە جەتكەن.
2023 ـ جىلى پارتيا ورتالىق كوميتەتىنىڭ، مەملەكەتتىك كەڭەستىڭ بەكىتۋىمەن باقىلاۋ ـ تەكسەرۋ گرۋپپاسى فۋجيان، حىنان، حاينان، گانسۋ، چيڭحاي سىندى 5 ولكەدە ورتالىقتىڭ 1 ـ توپتاعى ەكولوگيالىق ورتانى قورعاۋدى باقىلاۋ ـ تەكسەرۋىن 3 ـ رەت ورىستەتىپ، ءبىر توپ جالپىلىق ماسەلەنى بايقادى ءارى تيپتىك دەلولاردى حابارلاندىردى. سونىمەن بىرگە، 2 ـ كەزەكتى باقىلاۋ ـ تەكسەرۋدە ايقىندالعان رەتتەۋ ـ تۇزەتۋ قىزمەتى دە تىڭعىلىقتى ىلگەرىلەتىلىپ، ءبىر توپ كەلەلى ەكولوگيالىق ورتا ماسەلەلەرىن رەتتەۋ ـ تۇزەتۋ كورنەكتى ىلگەرىلەۋشىلىككە قول جەتكىزدى.
ۇعىسۋعا قاراعاندا، 2024 ـ جىلى ورتالىقتىڭ ەكولوگيالىق ورتانى قورعاۋدى باقىلاۋ ـ تەكسەرۋى ىشكەرىلەي ىلگەرلەتىلەدى. ورتالىقتىڭ 3 ـ رەتكى ەكولوگيالىق ورتانى قورعاۋدى باقىلاۋ ـ تەكسەرۋىن ىشكەرىلەي ورىستەتەدى ءارى ولكە وڭىرىندە ءبىرتۇتاس باقىلاۋ ـ تەكسەرۋ جۇرگىزەدى. چاڭجياڭ وزەنى الابى، حۋاڭحى وزەنى الابى بولاشاقتاعى باقىلاۋ ـ تەكسەرۋدىڭ ءتۇيىنى بولادى. بيىل باقىلاۋ ـ تەكسەرۋدى، رەتتەۋ ـ تۇزەتۋدى تىڭعىلىقتى ىلگەرىلەتىپ، ورنالاستىرۋ، قۋزاۋ جانە قاداعالاپ، ۇلگى الىپ تەكسەرۋدى كۇشەيتىپ، باسقارۋدىڭ تۇيىق اينالىمىن قالىپتاستىرۋدى ىلگەرىلەتەدى. بۇدان سىرت ، باقىلاۋ – تەكسەرۋ ءتۇزىمى ولشەمىن ونان ارى كەمەلدەندىرەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved