شي جينپيڭ ازاتتىق ارميا جانە قارۋلى ساقشى بولىمدەرى ۋاكىلدەر ۇيىرمەسىنىڭ جالپى ماجىلىسىنە قاتىناسقاندا بىلاي دەپ دارىپتەدى
بورىش ارقالاۋدى كۇشەيتىپ، رەفورما جاساپ، جاڭالىق اشۋدى تەرەڭدەتىپ، جاڭادان گۇلدەنگەن سالالارداعى ستراتەگيالىق قابىلەتتى جاپپاي جوعارىلاتۋ كەرەك
2024.03.09 08:51 كەلۋ قاينارى : حالىق تورابى
 |
3 - ايدىڭ 7 - كۇنى تۇستەن كەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 14 - كەزەكتى مەملەكەتتىك حالىق قۇرىلتايىنىڭ 2 – ماجىلىسىنە قاتىناسىپ قاتقان ازاتتىق ارميا مەن قارۋلى ساقشى بولىمدەرى ۋاكىلدەر ۇيىرمەسىنىڭ جالپى ماجىلىسىنە قاتىناستى ءارى ماڭىزدى ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
|
شينحۋا اگەنتتىگى، 3 – ايدىڭ 7 – كۇنى، بەيجيڭ (تىلشىلەر جاڭ ميمي، مەي چاڭۋەي). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 7 - كۇنى تۇستەن كەيىن 14 - كەزەكتى مەملەكەتتىك حالىق قۇرىلتايىنىڭ 2 – ماجىلىسىنە قاتىناسىپ جاتقان ازاتتىق ارميا مەن قارۋلى ساقشى بولىمدەرى ۋاكىلدەر ۇيىرمەسىنىڭ جالپى ماجىلىسىنە قاتىناسقاندا بىلاي دەپ دارىپتەدى: جاڭادان گۇلدەنگەن سالالارداعى ستراتەگيالىق قابىلەت − مەملەكەتتىڭ ستراتەگيالىق جۇيەسى مەن قابىلەتىنىڭ ماڭىزدى قۇرامداس بولەگى، ەلىمىزدىڭ ەكونوميكاسى مەن قوعامىنىڭ ساپالى دامۋىنا، مەملەكەتتىڭ حاۋىپسىزدىگى مەن اسكەري ىستەر كۇرەسىنىڭ ىرىقتىلىعىنا سايادى، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدە ماڭىزدى مانگە يە. بورىش ارقالاۋدى كۇشەيتىپ، رەفورما جاساپ، جاڭالىق اشۋدى تەرەڭدەتىپ، جاڭادان گۇلدەنگەن سالالاردىڭ ستراتەگيالىق قابىلەتىن جاپپاي جوعارىلاتۋ كەرەك.
ماجىلىستە تەڭىز ارمياسىنان كەلگەن ۋاكىل اي يىڭچۇن، ستراتەگيالىق جاقتا كومەكتەسەتىن قوسىنىنان كەلگەن ۋاكىل ۋ شىڭيان، وڭتۇستىك بولىك سوعىس رايونىنان كەلگەن ۋاكىل چياۋ شاشا، ستراتەگيالىق جاقتان كومەكتەسەتىن قوسىنىنان كەلگەن ۋاكىل حى يۇيفان، اسكەري ىستەر عىلىم اكادەمياسىنان كەلگەن ۋاكىل ياۋ داڭناي، قۇرلىق ارمياسىنان كەلگەن ۋاكىل جىڭ جين قاتارلىلار رەت بويىنشا ءسوز سويلەپ، تەڭىز - مۇحيت جاعدايىن يگەرۋ قابىلەتى قۇرىلىسىن ىلگەرىلەتۋ، توراپ كەڭىستىگى جاعىنداعى ساقتانۋ قابىلەتىن جوعارىلاتۋ، جاساندى زەردەنىڭ قولدانىلۋىن ىلگەرىلەتۋ، عارىش بايلىعىن ءبىر تۇتاس جوسپارلاپ باسقارۋ جانە ودان پايدالانۋدى كۇشەيتۋ، جاڭادان گۇلدەنگەن سالالارداعى ولشەمدى جاپپاي قولدانۋ قۇرىلىسىن كۇشەيتۋ، ادامسىز سوعىس جۇرگىزۋ كۇشى قۇرىلىسى مەن ونى قولدانۋدا جاڭالىق جاراتۋ سياقتى جاقتارداعى ماسەلەلەر جونىندە پىكىر - ۇسىنىستارىن العا قويدى.
شي جينپيڭ ءاربىر ۋاكىلدىڭ لەبىزىن مۇقيات تىڭداپ، ولارمەن ءالسىن - ءالى پىكىر اۋىستىردى. 6 ۋاكىلدىڭ سوزىنەن كەيىن شي جينپيڭ ماڭىزدى ءسوز سويلەپ، جاڭادان گۇلدەنگەن سالالاردىڭ ستراتەگيالىق قابىلەتىن جوعارىلاتۋدى ءتۇيىندى تۇردە ارقاۋ ەتە وتىرىپ تالاپتار قويدى. ول بىلاي دەپ اتاپ كورسەتتى: پارتيانىڭ 18 - قۇرىلتايىنان بەرى ءبىز ستراتەگيالىق جاڭادان گۇلدەنگەن كاسىپتەر مەن جاڭاشا سوعىس كۇشتەرىنىڭ دامۋىن ءبىر تۇتاس ىلگەرىلەتىپ، ءبىرقىدىرۋ كەلەلى تابىستارعا قول جەتكىزدىك. پارتيا 20 - قۇرىلتايىنان كەيىن پارتيا ورتالىق كوميتەتى ساپالى دامۋدى ىلگەرىلەتۋ جالپى جاعدايىن شىعار ءتۇيىن ەتىپ، جاڭا ساپالى وندىرگىش كۇشتەردى جەدەل دامىتۋدى ايقىن العا قويدى. بۇل − جاڭادان گۇلدەنگەن سالالارداعى ستراتەگيالىق قابىلەت قۇرىلىسى جونىنەن تاپتىرماس وراي. اۋقىمعا قاراي العا ۇمتىلىپ، جاڭادان گۇلدەنگەن سالالاردىڭ دامۋ ەرەكشەلىگى مەن زاڭدىلىعىن يگەرىپ، جاڭا ساپالى وندىرگىش كۇشتەردىڭ جاڭا ساپالى جاۋىنگەرلىك قۋاتپەن جوعارى ونىمدىلىكپەن توعىسۋىن، ءبىرىن ءبىرى جەبەۋىن ىلگەرىلەتۋ كەرەك.
شي جينپيڭ بىلاي دەپ دارىپتەدى: دامۋدىڭ ماڭىزدى ءتۇيىنىن كورنەكتىلەندىرىپ، جاڭادان گۇلدەنگەن سالالارداعى ستراتەگيالىق قابىلەت قۇرىلىسىنا قاتىستى ستراتەگيالار مەن جوبالاردىڭ تياناقتانۋىن مىقتى يگەرۋ كەرەك. تەڭىزدەگى اسكەري كۇرەس دايىندىعىن، تەڭىز - مۇحيت ۇقىق - مۇددەسىن قورعاۋدى جانە تەڭىز - مۇحيت ەكونوميكاسىنىڭ دامۋىن ءبىر تۇتاس جوسپارلاپ، تەڭىز - مۇحيتتى مەڭگەرۋ قابىلەتىن جوعارىلاتۋ كەرەك. عارىش ىستەرىن ورنالاستىرۋدى ساپالىلاندىرىپ، ەلىمىزدىڭ عارىش جۇيەسى قۇرىلىسىن ىلگەرىلەتۋ كەرەك. توراپ كەڭىستىگى جاعىنداعى قورعانىس جۇيەسىن ورناتىپ، مەملەكەتتىڭ توراپ حاۋىپسىزدىگىن قورعاۋ قابىلەتىن جوعارىلاتۋ كەرەك. زەردەلى عىلىم - تەحنيكالىق كەلەلى نىسانداردى ءبىر تۇتاس جوسپارلاپ اتقارۋدى كۇشەيتىپ، وزىق جەتىستىكتەردى قولدانۋ سەرپىنىن ارتتىرۋ كەرەك.
شي جينپيڭ بىلاي دەپ اتاپ كورسەتتى: جاڭادان گۇلدەنگەن سالالاردىڭ دامۋى، تۇپتەپ كەلگەندە، عىلىم - تەحنيكادا جاڭالىق اشۋدان جانە ونى قولدانۋدان باستاۋ الادى. جاڭالىق اشۋ سەنىمىن كۇشەيتىپ، ءوزىمىزدى نەگىز ەتۋدە تاباندى بولىپ، ءىس جۇزىندىكتى شىعار ءتۇيىن ەتىپ، دەربەس جاڭالىق اشۋدى، ءتول جاسامپازدىقتى كۇش سالا ىلگەرىلەتىپ، جاڭا ساپالى وندىرگىش كۇش پەن جاڭا ساپالى جاۋىنگەرلىك قۋاتتىڭ ارتۋ ۇيەگىن قالىپتاستىرۋ كەرەك. جاڭادان گۇلدەنگەن سالالاردىڭ توعىسپالى دامۋ ەرەكشەلىگىن يگەرىپ، شوعىرلى جاڭالىق اشۋدى جانە جان - جاقتى قولدانۋدى كۇشەيتىپ، كوپ تۇيىندە قامال الاتىن، شوعىرلى تاسقىنداعان جاندى دا جالىندى جاعدايدىڭ قالىپتاسۋىن ىلگەرىلەتۋ كەرەك.
شي جينپيڭ بىلاي دەپ دارىپتەدى: جاڭادان گۇلدەنگەن سالالارداعى رەفورمانى رەفورمانى جاپپاي اناعۇرلىم تەرەڭدەتۋدىڭ ماڭىزدى ءتۇيىنى رەتىندە كورنەكتىلەندىرىپ، دەربەس ءوزىن الۋەتتەندىرەتىن، اشىق، توعىسقان، ومىرشەڭدىككە تولى جاڭالىق اشۋ ەكولوگياسىن قالىپتاستىرىپ، جاڭادان گۇلدەنگەن سالالارداعى ستراتەگيالىق قابىلەت قۇرىلىسىن اناعۇرلىم ويداعىداي ىلگەرىلەتۋ كەرەك. سۇرانىسپەن ۇشتاستىرۋ، جوبامەن ۇشتاستىرۋ، بايلىقتان بىرگە يگىلىكتەنۋ سياقتى جاقتارداعى ءتۇزىم مەحانيزمىن اقاۋسىزداندىرىپ، كەمەلدەندىرىپ، ولشەمدى جاپپاي قولدانۋ جولىمەن ويداعىداي ءجۇرىپ، جاڭادان گۇلدەنگەن سالالار دامۋىنىڭ جالپى تۇلعالىق ونىمدىلىگىن جوعارىلاتۋ كەرەك. جاڭا ساپالى جاۋىنگەرلىك قۋاتپەن قامداۋدى جەدەلدەتۋدى جەتەكشى ەتىپ، مەملەكەت قورعانىسى عىلىم - تەحنيكا ونەركاسىبىنىڭ ءتۇزىلىس رەفورماسىن تەرەڭدەتىپ، مەملەكەت قورعانىسى عىلىم - تەحنيكا ونەركاسىبىنىڭ ورنالاسۋىن ساپالىلاندىرىپ، وزىق تەحنيكالارعا سەرگەكتىكپەن ءۇن قوسۋ، جەدەل كادەگە جاراتۋ مەحانيزمىن اقاۋسىزداندىرىپ، جاڭادان گۇلدەنگەن سالالاردىڭ دامۋىنا ۇيلەسەتىن جاڭالىق اشۋ تىزبەگىن، كاسىپ تىزبەگىن، قۇن تىزبەگىن ورناتۋ كەرەك. يدەيالىق كوزقاراستى جاڭالاپ، جاڭاشا سوعىس جۇرگىزۋ كۇشتەرىن كوركەيتىپ جانە ودان پايدالانۋ ۇلگىسىندە باتىلدىقپەن جاڭالىق اشىپ، ىزدەنىس جاساپ، جاڭا ساپالى جاۋىنگەرلىك قۋاتتى تولىق ازات ەتۋ جانە دامىتۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارى جاڭ يوۋشيا ءماجىلىستى باسقاردى، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارى حى ۋەيدۇڭ، ورتالىق اسكەري ىستەر كوميتەتىنىڭ مۇشەلەرى ليۋ جىنلي، جاڭ شىڭمين ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
