لي چياڭ سەررا - لەوننىڭ زۇڭتۇڭى بيومەن، امەريكا ساۋدا قوعامىنىڭ جۇڭگوعا ساپارلاۋ ۇيىرمەسىندەگىلەرمەن جەكە - جەكە كەزدەستى
2024.02.29 17:06 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 28 – كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 2 - ايدىڭ 28 - كۇنى تۇستەن بۇرىن حالىق سارايىندا جۇڭگوعا مەملەكەتتىك ساپارمەن كەلگەن سەررا - لەوننىڭ زۇڭتۇڭى بيومەن كەزدەستى.
لي چياڭ مىنانى ءبىلدىردى: جۇڭگو مەن سەررا - لەون ديپلوماتيالىق قارىم - قاتىناس ورناتقان 50 نەشە جىلدان بەرى باستان - اياق ءوزارا قۇرمەت ەتىپ، تەڭ تۇرعىدا مامىلە جاساپ، شىنايى سەلبەسىپ، تار جول، تايعاق كەشۋلەردى بىرگە وتكەرگەن، جاپا - ماشاقاتتى بىرگە باستان كەشىرگەن جاقسى دوس، جاقسى سەرىك، جاقسى باۋىرلاس بولىپ كەلەدى. تاياۋ جىلداردان بەرى ءتوراعا شي جينپيڭ مەن زۇڭتۇڭ مىرزانىڭ ستراتەگيالىق جەتەكشىلىگىندە، جۇڭگو مەن سەررا - لەوننىڭ ساياسي ءوزارا سەنىمدىلىگى ۇزدىكسىز كۇشەيىپ، ءار سالاداعى سەلبەستىگى سۇبەلى تابىستارعا قول جەتكىزىپ، حالىقارالىق ىستەردە تىعىز سايكەسۋدى ساقتاپ، وڭتۇستىك - وڭتۇستىك سەلبەستىگىنىڭ جاڭا ۇلگىسىن ورناتتى. جۇڭگو جاق سەررا – لەون جاقپەن بىرگە ەكى ەل مەملەكەت باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، ءداستۇرلى دوستىقتى ساۋلەلەندىرىپ، ءوزارا ءتيىمدى سەلبەستىكتى تەرەڭدەتىپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن - ءبىرى تاباندىلىقپەن قولداپ، اناعۇرلىم كوپ تەڭ يگىلىككە كەنەلۋ جەتىستىكتەرىنە ۇزدىكسىز قول جەتكىزىپ، ەكى ەل حالىقتارىنىڭ ىرىس – قۇتىن ۇزدىكسىز ارتتىرۋدى قالايدى.
لي چياڭ بىلاي دەپ اتاپ كورسەتتى: جۇڭگو جاق سەررا – لەون جاقپەن دامۋ ستراتەگياسىن ۇشتاستىرۋدى كۇشەيتىپ، ناقتى دا جوعارى ءونىمدى سەلبەستىك ورىستەتىپ، ءتۇيىندى نىساندار مەن حالىق تۇرمىسى ينجەنەرياسى قۇرىلىسىن تارتىپپەن ىلگەرىلەتىپ، سەررا - لەوننىڭ ەكونوميكالىق، قوعامدىق دامۋىنا شاماسىنىڭ كەلىسىنشە قولداۋ كورسەتۋدى قالايدى. جۇڭگو جاق اۋىل شارۋاشىلىق تەحنيكاسى ماماندارىن ۇزدىكسىز جىبەرىپ، سەررا - لەوننىڭ ساپالى داقىلداردى جەتىلدىرۋىنە، تەحنيكا دارىندىلارىن جەتىلدىرۋىنە كومەكتەسىپ، سەررا – لەون جاقپەن اۋىل شارۋاشىلىق ساياساتى، جوباسى تاجىريبەلەرىن اۋىستىرۋدى، ءبولىسۋدى كۇشەيتىپ، ەكى ەلدىڭ اۋىل شارۋاشىلىق سەلبەستىگىنىڭ ونان ارى تەرەڭدەۋىن، ناقتىلانۋىن ىلگەرىلەتۋدى قالايدى. جۇڭگو جاق سەررا – لەون جاقتىڭ اناعۇرلىم كوپ ساپالى ونىمدەرىن يمپورت ەتۋدى قالايدى، جۇڭگو كاسىپورىندارىن سەررا - لەونعا قارجى قوسۋدى كەڭەيتۋگە شابىتتاندىرادى، سەررا - لەوننىڭ جۇڭگو كاسىپورىندارىنا ۇزدىكسىز تاماشا ساۋدا ورتاسىن ازىرلەۋىن ءۇمىت ەتەمىز. جۇڭگو جاق سەررا – لەون جاقپەن جاستار، تاربيەلەۋ، ەمدەۋ، دەنساۋلىق ساقتاۋ سياقتى گۋمانيتارلىق اۋىس - كۇيىستى ونان ارى كۇشەيتىپ، ەكى ەل دوستىعىنىڭ حالىق رايى نەگىزىن بەكەمدەۋدى قالايدى.
بيو مىنانى ءبىلدىردى: سەررا - لەون جۇڭگونى سەنىمدى دامۋ سەرىگى دەپ قارايدى، ەكى ەلدىڭ ءداستۇرلى دوستىعى تەرەڭ، ءوزارا ءتيىمدى سەلبەستىگى تىعىز. جۇڭگو جاقتىڭ ۇزاقتان بەرى سەررا - لەونعا قالتقىسىز كومەك بەرگەنىنە العىس ايتامىن. سەررا - لەون جاق ءبىر جۇڭگو پرينسيبىندە تاباندى بولادى، جۇڭگو جاقپەن ءبىر - ءبىرىنىڭ وزەكتى مۇددەسىن قورعاۋىن باتىل قولداپ، ”ءبىر بەلدەۋ، ءبىر جولدى“ بىرگە قۇرۋ جانە جۇڭگو - افريكا سەلبەستىك تالقى مىنبەسى جۇلگەسىندە نەگىزدىك قۇرىلعى قۇرىلىسى، اۋىل شارۋاشىلىعى، ەكونوميكا - ساۋدا، وقۋ - اعارتۋ، دەنساۋلىق ساقتاۋ، كەدەيلىكتى ازايتۋ سياقتى سالالارداعى سەلبەستىكتى تەرەڭدەتىپ، سەررا - لەون مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى. سەررا - لەون جاق جۇڭگو جاقپەن حالىقارالىق جانە وڭىرلىك ىستەردەگى سايكەسۋدى، سەلبەسۋدى كۇشەيتىپ، دۇنيە ءجۇزىنىڭ بەيبىت دامۋىن بىرگە جەبەۋدى قالايدى.
ۋ جىڭلۇڭ كەزدەسۋدە بىرگە بولدى.
شينحۋا اگەنتتىگى، 2 - ايدىڭ 28 – كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 2 - ايدىڭ 28 - كۇنى تۇستەن بۇرىن حالىق سارايىندا امەريكا ساۋدا قوعامىنىڭ باستىعى، قوسىمشا باس اتقارۋشى ءمانساپتىسى كلارك باستاعان امەريكا ساۋدا قوعامىنىڭ جۇڭگوعا ساپارلاۋ ۇيىرمەسىندەگىلەرمەن كەزدەستى.
لي چياڭ مىنانى ءبىلدىردى: بىلتىر 11 - ايدا جۇڭگو مەن امەريكانىڭ مەملەكەت باسشىلارى سان - فرانسيسكودا ديدارلاسقاننان بەرى ەكى جاق ءبىر قىدىرۋ سۇحپات، پىكىرلەسۋ ورىستەتىپ، ەكى ەلدىڭ ناقتى سەلبەستىگىن ىلگەرىلەتتى. بيىل − جۇڭگو مەن امەريكانىڭ ديپلوماتيالىق قارىم - قاتىناس ورناتقانىنىڭ 45 جىلدىعى، ءتوراعا شي جينپيڭ مەن بايدەن زۇڭتۇڭ ءوزارا قۇتتىقتاۋ حاتىن جولداپ، جۇڭگو – امەريكا قارىم - قاتىناسىن ورنىقتىرۋعا جانە دامىتۋعا ۇزدىكسىز كۇش سالىپ، ەكى ەلگە باقىت جاراتىپ، دۇنيە جۇزىنە تيىمدىلىك جاساۋدى دارىپتەدى. 45 جىلدىق اماليات جۇڭگو مەن امەريكا سەلبەسسە ەكى جاققا دا ءتيىمدى بولاتىنىن، تىرەسسە ەكى جاققا دا زيان جەتكىزەتىنىن، سەلبەستىك بىردەن - ءبىر دۇرىس تالعام ەكەنىن قايتا - قايتا دالەلدەدى. جۇڭگو جاق ءوزارا قۇرمەت ەتۋ، بەيبىت قاتار تۇرۋ، سەلبەسىپ تەڭ يگىلىككە كەنەلۋ پرينسيبى بويىنشا، امەريكامەن بىرگە ەكى ەل مەملەكەت باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، ەكى ەل قارىم - قاتىناسىنىڭ اقاۋسىز، ورنىقتى دامۋىن ىلگەرىلەتۋدى قالايدى.
لي چياڭ بىلاي دەپ اتاپ كورسەتتى: جۇڭگو مەن امەريكانىڭ ەكونوميكاسى جوعارى دارەجەدە ءبىرىن - ءبىرى تولىقتاپ، مۇددەسى ىشكەرىلەي توعىسىپ، ءبىر - ءبىرىنىڭ دامۋىنان پايدا تاپتى، ەكونوميكا - ساۋدا سەلبەستىگىن كۇشەيتۋ ەكى ەل جونىنەن ەكى جاقتى تەڭ پايداعا كەنەلتەدى. ەكى جاق قارسىلاس ەمەس، سەرىك بولۋى كەرەك. ءتۇرلى فورماداعى ”قول ءۇزۋ“، ”شاعىن اۋلا قورعانى“ ەكى جاقتىڭ ءتۇبىرلى مۇددەسىنە ۇيلەسپەيدى، ەكى ەل كاسىپورىندارىنىڭ، ەكونوميكاسىنىڭ، ءتىپتى، دۇنيە ءجۇزىنىڭ دامۋىنا وراسان زور زيان جەتكىزەدى. جۇڭگو ساپالى دامۋ ارقىلى جۇڭگو ۇلگىسىندەگى وسىزامانداندىرۋدى جاپپاي ىلگەرىلەتىپ، وزىق جاساۋ كاسىبى، جاڭاشا قالا - قالاشىقتاندىرۋ، تۇتىنۋ قۇرىلىمىنىڭ دارەجەسىن جوعارىلاتۋ، جاسىل، تومەن كومىرتەكتى تيپكە بۇرىلىس جاساۋ سياقتى جاقتاردا وراسان زور سۇرانىستى ۇزدىكسىز جارىققا شىعارىپ، امەريكا كاسىپورىندارىنىڭ جۇڭگوعا ۇزدىكسىز قارجى قوسىپ، جۇڭگو بازارىن تەرەڭ اشىپ، دامۋ ورايىنان بىرگە يگىلىكتەنۋىن قارسى الادى. جۇڭگونىڭ سىرتقا اشىق ۇستالعان قاقپاسى بارعان سايىن ايقارا اشىلىپ، بازارلانعان، زاڭمەن باسقارىلاتىن، حالىقارالانعان ماڭداي الدى ساۋدا ورتاسىن ۇزدىكسىز قۇلشىنا قالىپتاستىرىپ، امەريكا سياقتى شەتەل كاسىپورىندارىنىڭ جۇڭگوعا كەلىپ قارجى قوسىپ، شارۋاشىلىقتى گۇلدەندىرۋىنە اناعۇرلىم كوپ قولداۋ كورسەتىپ، قولايلىلىق جاراتادى. امەريكا ساۋدا قوعامى مەن كاسىپورىنشىلارىنىڭ كوپىرلىك رولىن ۇزدىكسىز ساۋلەلەندىرىپ، ەكى ەلدىڭ اناعۇرلىم كوپ قارىم - قاتىناسىن، اۋىس - كۇيىسىن جانە ءوزارا ءتۇسىنىسۋىن جەبەۋىن ءۇمىت ەتەمىن.
كلارك مىنانى ءبىلدىردى: امەريكا - جۇڭگو قارىم - قاتىناسى توتەنشە ماڭىزدى. ەكى ەل مەملەكەت باسشىلارىنىڭ سان - فرانسيسكو قالاسىندا ءساتتى ديدارلاسىپ، ەكى ەل قارىم - قاتىناسىندا جاقسارۋ جاعدايى جارىققا شىققانىنا توتەنشە قۋانىشتامىن. امەريكا مەن جۇڭگونىڭ قول ءۇزۋى دۇرىس تالعام ەمەس، جۇڭگونىڭ ونان ارى ەسىك اشۋىن قارسى الامىز. امەريكا ساۋدا قوعامى كوپىرلىك رولىن ساۋلەلەندىرىپ، جۇڭگومەن بۇكپەسىز جانە سىندارلى پىكىرلەسىپ، اۋىس - كۇيىس جاساپ، امەريكا مەن جۇڭگونىڭ ەكونوميكا - ساۋدا قارىم - قاتىناسى مەن ءوزارا ءتيىمدى سەلبەستىگىن تەرەڭدەتۋ جولىندا قۇلشىنىپ، امەريكا – جۇڭگو قاىرم - قاتىناسىنىڭ ورنىقتى دامۋىن ىلگەرىلەتۋدى قالايدى.
ۋ جىڭلۇڭ كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
