بيىل شينجياڭدا حالىق تۇرمىسىنا قاتىستى سالاداعى دەلولاردى تەكسەرۋدە ”اياۋسىز سوققى بەرۋ“ ارەكەتىن ورىستەتۋ بارىسىندا زاڭعا قايشى 12 ءتۇرلى ارەكەت قاتاڭ انىقتالادى
2024.02.27 14:40 كەلۋ قاينارى : حالىق تورابى
تيانشان تورى – شينجياڭ گازەتىنىڭ ءتىلشىسى رىن حۋا حابارلايدى. 2 – ايدىڭ 26 – كۇنى ءتىلشىنىڭ شينجياڭ ۇيعۇر اۆتونوميالى رايوندىق بازاردى باقىلاۋ – باسقارۋ مەكەمەسىنەن ۇعىسۋىنشا، بيىل شينجياڭدا حالىق تۇرمىسىنا قاتىستى سالاداعى دەلولاردى تەكسەرۋدە ”اياۋسىز سوققى بەرۋ“ ارەكەتى ورىستەتىلىپ، ”حالىق تۇرمىسىن قورعاۋدى“ وزەك ەتىپ، ”حاۋىپسىزدىكتى قورعاۋ“ جانە ”الدامكوستىككە قارسى تۇرۋ“ سىندى ەكى نەگىزگى تاقىرىپ كورنەكتىلەندىرىلىپ، زاڭعا قايشى ارەكەتتەردەن 12 ءتۇرلى ارەكەتكە قاتاڭ سوققى بەرىلەدى، بازار ءتارتىبى ۇزدىكسىز جۇيەگە ءتۇسىرىلىپ، تۇتىنۋ ورتاسى جاقسارتىلىپ، حالىق بۇقاراسىنىڭ ءتول مۇددەسى قورعالادى.
تانىستىرۋعا قاراعاندا، زاڭعا قايشى 12 ءتۇرلى ارەكەتتە مىناداي 11 ءتۇرلى ”بەلگىلەنگەن ارەكەت“ قامتىلادى، اتاپ ايتقاندا، وتىندىق گاز قازان – وشاعى، ەلەكترلى ۆەلوسيپەت، بالالارعا ارنالعان ويىنشىق قاتارلى بۇيىمداردىڭ ىشىندە جالعان – جارامسىز بۇيىمداردى شىن بۇيىمدار رەتىندە ساتۋ، ولشەمگە تولمايتىن بۇيىمداردى ولشەمدى بۇيىمدار قاتارىندا ساتۋ قاتارلى زاڭعا قايشى ارەكەتتەردى قاتاڭ تەكسەرىپ ءبىرجاقتى ەتۋ؛ اۋرۋدى باساتىن، ۇيقىنى تىنىشتاندىراتىن ت.ب. رولى بار دەپ ۇگىتتەلگەن ازىق – تۇلىكتەردى باستى ءتۇيىن ەتىپ، ءدارى – دارمەكتەر مەن ولاردان وربىگەن زاتتارعا زاڭسىز قوسىلىس قوسۋ سىندى زاڭعا قايشى ارەكەتتەرگە سوققى بەرۋ؛ شاعىن ءتيپتى قازان – وشاقتاردى زاڭعا قايشى تۇردە ءوندىرۋ جانە پايدالانۋ ارەكەتى؛ ادام ومىرىنە جانە مال – مۇلىك حاۋىپسىزدىگىنە ساياتىن بۇيىمداردىڭ ساپاسىنا، ازىق – تۇلىكتەردىڭ حاۋىپسىزدىگىنە قاتىستى تەكسەرۋ ارەكەتى بارىسىندا جالعان تەكسەرۋ مالىمەتىن بەرۋ سىندى زاڭعا قايشى ارەكەتتى انىقتاپ ءبىرجاقتى ەتۋ؛ ماي قۇيۋ اسپابىنىڭ ماي مولشەرىن ەسەپتەۋىنە قاتىستى قارالىق ىستەۋ، تەڭسىز تارماقتار ارقىلى تۇتىنۋشىلاردىڭ ۇقىق – مۇددەسىنە زيان جەتكىزۋ، ساۋدا ماركاسىنا قاتىستى ۇقىققا سۇعاناقتىق جاساۋ، جاعراپيالىق بەلگىلەردى جالعاننان جاساۋ نەمەسە باسقالاردىڭ اتىن جامىلىپ پايدالانۋ، باعادا الدامكوستىك ىستەۋ، جالعان ءارى زاڭعا قايشى جارناما جاساۋ قاتارلى زاڭعا قايشى ارەكەتتەردى انىقتاپ ءبىرجاقتى ەتۋ. مۇنان سىرت، تاعى ءبىر ”دەربەس تاڭدالعان ارەكەت“ قامتىلادى، اتاپ ايتقاندا، مەكتەپ اۋلاسىنداعى ازىق – تۇلىك حاۋىپسىزدىگى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
