ەلەكترلى ۆەلوسيپەتكە قاتىستى مەملەكەتتىك ءماجبۇرلى سيپاتتاعى ولشەم شىعارىلادى
2024.02.26 14:17 كەلۋ قاينارى : حالىق تورابى
ءتىلشىنىڭ قاتىستى تاراۋلاردان ۇعىسۋىنشا، قازىر بەيجيڭ قالاسىن قامتىعان كوپتەگەن جەرلەر ەلەكترلى ۆەلوسيپەتكە ليتي يوندى باتەريانى پايدالانۋدىڭ حاۋىپسىزدىگىنە ساياتىن جەرگىلىكتى سيپاتتاعى تەحنيكالىق ولشەمدەردى جاساعان؛ مۇنان سىرت، ەلىمىزدىڭ مەملەكەتتىك ءماجبۇرلى سيپاتتاعى ولشەمى دە جۋىردا ىسكە قوسىلادى.
ەلەكترلى ۆەلوسيپەتتىڭ ساپاسىنىڭ حاۋىپسىزدىگىنە ساياتىن شىرعالاڭداردىڭ تۋىلۋىنان قاينارىنان باستاپ ساقتانۋ ءۇشىن، 2022 – جىلى بەيجيڭ قالاسى ەلەكترلى ۆەلوسيپەت كاسىپ سالاسى بىرلەستىگى «ەلەكترلى ۆەلوسيپەتكە ليتي يوندى قوزعاۋشى كۇش باتەريا گرۋپپاسىن پايدالانۋدىڭ تەحنيكالىق ولشەمى» اتتى ۇيىمدىق ولشەمدى جاساعان.
جۇڭگو ەلەكتروندىق تەحنيكانى ولشەمدەندىرۋدى زەرتتەۋ مەكەمەسىنىڭ حاۋىپسىز تەحنيكانى زەرتتەۋ ورتالىعىنىڭ ورىنباسار مەڭگەرۋشىسى حى پىڭلين: قازىرگى جوسپار بويىنشا، اتالعان مەملەكەتتىك ءماجبۇرلى سيپاتتاعى ولشەم بيىل جاريالانادى. بۇل ولشەم مەملەكەتتىك دەڭگەيدە ەلەكترلى ۆەلوسيپەتكە ليتي يوندى باتەريانى پايدالانۋدىڭ حاۋىپسىزدىگى مەن ساپاسىن باسقارۋدىڭ تەحنيكالىق نەگىزى جاعىنداعى بوستىقتى تولتىرادى. ولشەم جاريالانعاننان كەيىن، «جۇڭحۋا حالىق رەسپۋبليكاسىنىڭ ولشەمدەندىرۋ زاڭىنداعى» بەلگىلەمەلەرگە ساي، ءماجبۇرلى سيپاتتاعى ولشەمگە ساي كەلمەيتىن ونىمدەردى وندىرۋگە، ساتۋعا، يمپورت ەتۋگە نەمەسە قاتىستى قىزمەت وتەۋ تۇرلەرىمەن قامداۋعا بولمايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
