سىرتقى ىستەر مينيسترلىگى جاڭ ۋىنسايدىڭ دۇنيە جۇزىلىك بانكەنىڭ تۇراقتى ىستەرگە جاۋاپتى ورىنباسار بانكە باستىعى بولىپ سايلانعانىن قۇتتىقتايتىنىن ءبىلدىردى
2024.02.23 08:59 كەلۋ قاينارى : حالىق تورابى
2 – ايدىڭ 21 – كۇنى سىرتقى ىستەر مينيسترلىگىنىڭ مالىمدەمەشىسى ماۋ نيڭ تىلشىلەردى قابىلداۋ ءماجىلىسىن باسقارىپ اشتى. ءتىلشى بىلاي دەپ سۇرادى: 2 – ايدىڭ 20 – كۇنى دۇنيە جۇزىلىك بانكە جۇڭگو يمپورت – ەكسپورت بانكەسىنىڭ ورىنباسار بانكە باستىعى جاڭ ۋىنسايدىڭ دۇنيە جۇزىلىك بانكەنىڭ تۇراقتى ىستەرگە جاۋاپتى ورىنباسار باستىعى ءارى باس اكىمى بولىپ تاعايىندالعانىن جاريالادى. جۇڭگو جاق بۇل جونىندە قانداي پىكىر بىلدىرەدى؟
ماۋ نيڭ مىنانى ءبىلدىردى: ءبىز دۇنيە جۇزىلىك بانكەنىڭ جاڭ ۋىنسايدى مىندەتكە تاعايىنداعانىن قولدايمىز. جۇڭگو — دۇنيە جۇزىندەگى ەڭ ءىرى دامۋ ۇستىندەگى مەملەكەت، دۇنيە جۇزىلىك بانكە — دۇنيە جۇزىندەگى كوپ جاقتى ەڭ ءىرى كوركەيتۋ قۇرىلىمى، وتكەن 40 نەشە جىلدان بەرى، ەكى جاق دامۋ جاعىندا تىعىز سەرىكتەستىك قارىم – قاتىناس ورناتىپ، باي مازمۇندى ءارى ءونىمدى سەلبەستىكتەر ورىستەتتى. جۇڭگو جاق دۇنيە جۇزىلىك بانكەنىڭ رەفورما جاساۋ ارقىلى دامۋ ماقساتى مەن قۇرىلىمدىق قۋاتىن كۇشەيتۋىن، دامۋ ۇستىندەگى مەملەكەتتەردىڭ باياندى دامۋدى ىسكە اسىرۋىنا كومەكتەسۋىن ءارى دۇنيە جۇزىلىك سىناقتارعا ءونىمدى توتەپ بەرۋىن قولدايدى. ءبىز دۇنيە جۇزىلىك بانكەمەن سەلبەستىكتى ۇزدىكسىز ىشكەرىلەي تەرەڭدەتىپ، دۇنيە ءجۇزىنىڭ كەدەيلىكتى ازايتۋ جانە دامۋ ىستەرى جاعىندا بەلسەندى ۇلەس قوسۋدى ءۇمىت ەتەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
