قاقاعان ايازدان موڭعۇليادا 610 مىڭ باس مال ءولدى
2024.02.19 15:07 كەلۋ قاينارى : حالىق تورابى
شينحۋا اگەنتتىگىنىڭ 2 – ايدىڭ 16 - كۇنى ۇلانباتىردان بەرگەن حابارى. موڭعۇليا شۇعىل جاعدايعا توتەپ بەرۋ باس مەكەمەسىنىڭ 2 – ايدىڭ 16 – كۇنى بەرگەن حابارلاندىرۋىنا قاراعاندا، قاقاعان اياز، قارلى بوراننان موڭعۇليادا 610 مىڭنان استام باس مال ولگەن، ونىڭ ۇستىنە بۇل سان ۇزدىكسىز ارتۋدا.
موڭعۇليانىڭ قاتىستى تاراۋلارىنىڭ تولىقسىز ساناعىنا قاراعاندا، 2 – ايدىڭ 16 - كۇنىنە دەيىن بۇل ەلدە 611 مىڭ 924 باس مال قاقاعان اياز، قارلى بوراننىڭ كەسىرىنەن ولگەن، شىعىس بولەكتەگى كەنت ولكەسى، سۋحىباتور ولكەسى، شىعىس ولكەسى، شىعىس گوبي ولكەسى جانە ورتا، باتىس بولەكتەگى حانگاي ولكەسىندە اپات اۋىر بولعان.
تاعى ءبىر حابارلاندىرۋعا قاراعاندا، كەزەكتە موڭعۇليا ەلىندە از دەگەندە 13 مىڭ 500 مالشى وتباسى مال شارۋاشىلىق رايونىنان شىعا الماي قامالىپ قالعان، 38 مىڭ 400 كيلومەتر جولدى قالىڭ قار باسىپ قالعان.
قىس كىرگەننەن بەرى موڭعۇليانىڭ 21 ولكەسى مەن استاناسى ۇلانباتىر قالاسىندا ءۇرتىس قاتتى سۋىق پەن قارلى بوران بولىپ، بۇكىل ەل بويىنشا %80 تەن استام مەملەكەت جەرىن كۇنى بۇگىنگە دەيىن قالىڭ قار باسىپ قىمتاپ قالعان، كوپ جەردەگى قاردىڭ قالىڭدىعى 100 سانتيمەترگە جەتكەن.
موڭعۇليا 2 – ايدىڭ 18 – كۇنى اپاتتان ساقتانۋدىڭ جوعارى ساقتىق كۇيىنە ءوتتى. موڭعۇليانىڭ زۇڭليى ويۇن ەردۇن قاتىستى فۋنكسيالىق تاراۋلارعا بارلىق قاجەتتى شارالاردى قولدانىپ، اپات تۋىلعان وڭىردەگى مالشىلارعا كومەك بەرىپ، مال شارۋاشىلىعىنىڭ زيانىن بارىنشا ازايتۋ جونىندە نۇسقاۋ بەردى.
موڭعۇليانىڭ سۋ رايى، اۋا رايى تاراۋلارىنىڭ بەرگەن ساندى مالىمەتىنە قاراعاندا، موڭعۇليانىڭ بارلىق جەرى 2 – ايدىڭ 15 – كۇنى ءتۇن جارىمىنان باستاپ زور كولەمدە سۋىعان، ءىشىنارا رايونداردا قارلى بوران سوققان.
موڭعۇليا دۇنيە جۇزىندە ءالى دە كوشپەلى مال شارۋاشىلىق ءداستۇرىن ساقتاپ قالعان ەلدەردىڭ ءبىرى، مال شارۋاشىلىعى ونىڭ ماڭىزدى تىرەكتى كاسىبى. موڭعۇليا مەملەكەتتىك ساناق كوميتەتى جاريالاعان ساندى مالىمەتكە قاراعاندا، 2023 - جىلدىڭ سوڭىندا وسى ەلدىڭ قولدا بار مال سانى 64 ميلليون 700 مىڭ باس بولعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
