ينتەرنەت ارقىلى ىستەگەن قىزمەت ۇستەمە قىزمەت سانالا ما؟ ۇستەمە قىزمەت اقىسىن قالاي ەسەپتەۋ كەرەك؟ سوت مەكەمەسى بىلاي دەپ ۇكىم شىعاردى
2024.02.19 14:00 كەلۋ قاينارى : حالىق تورابى
وتباسىندا ينتەرنەت ارقىلى ۇستەمە قىزمەت ىستەۋ مەن ۇستەمە قىزمەت اقىسىن قالاي تۇراقتاندىرۋ كەرەك؟ ءتىلشىنىڭ جۋىردا بەيجيڭ قالالىق ورتا دارەجەلى 1 - سوت مەكەمەسىنەن ۇعىسۋىنشا، ينتەرنەت ارقىلى ۇستەمە جۇمىس ىستەۋگە قاتىستى ەڭبەك داۋ – شارى تۋرالى جۋىردا ۇكىم جاريالانعان ءارى بۇل ەڭ جوعارى حالىق سوتى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، جۇڭحۋا مەملەكەتتىك باس جۇمىسشىلار ۇيىمى بىرگە جاريالاعان ەڭبەكاقىنى كەشەۋىلدەتۋگە ساياتىن تيپتىك دەلولاردىڭ قاتارىنا قوسىلعان، سوتشى وسى جونىندە ەگجەي – تەگجەيلى تۇسىنىك بەردى.
سوتشىنىڭ زاڭدى ءتۇسىندىرۋى:
ينتەرنەت ارقىلى قىزمەت ىستەۋ دە ەڭبەك زاڭىنىڭ قورعاۋىندا بولادى
قىزمەت ۋاقىتىنان تىس ۋاقىتتا، قىزمەت ورنىنان باسقا جەردە ينتەرنەت ارقىلى ۇستەمە قىزمەت ىستەگەن جاعدايدا، قىزمەت جونىندەگى ورنالاستىرۋ مەن قىزمەت ناتيجەسى ينتەرنەت ارقىلى ورىندالاتىندىقتان، ادام ىستەتۋشى ورىن ەڭبەكشىنى كۇنى بويى باقىلاپ وتىرا المايتىن، ەڭبەكشى دە قانشا ۋاقىت ۇستەمە قىزمەت ىستەگەنىنە ىسپات كورسەتە المايتىن جاعداي تۋىلادى.
ينتەرنەت ارقىلى ۇستەمە جۇمىس ىستەۋ جاعدايى بولدى ما، جوق پا؟ مۇنى مىناداي ەكى ءتۇرلى جاقتان تۇجىرىمداۋعا بولادى: بىرىنشىدەن، زاڭدا بەلگىلەنگەن قىزمەت ۋاقىتىنان باسقا ۋاقىتتا قىزمەت ىستەگەن بولسا، اتاپ ايتقاندا، ادام ىستەتۋشى ورىن ەڭبەكشىنى الەۋمەتتىك جەلى ارقىلى ءبىر رەتتە ءبىرشاما ۇزاق ۋاقىت بويى ينتەرنەت ارقىلى سويلەسۋگە جانە جيىن اشۋعا ورنالاستىرسا نەمەسە ەڭبەكشىمەن بەلگىلى مەرزىم ىشىندە قىزمەت جونىندە ءجيى حابارلاسسا، ياكي، ەڭبەكشىنىڭ ينتەرنەت ارقىلى قىزمەت ىستەۋ جاعدايى كورنەكتى تۇردە پەريودتى نەمەسە تۇراقتى ەرەكشەلىككە يە بولسا، ەڭبەكشىنىڭ دەمالىس ۋاقىتىن ايقىن تۇردە يەلەۋ دەپ قاراۋعا، ۇستەمە جۇمىس دەپ ەسەپتەۋگە بولادى. ەكىنشىدەن، قىزمەت مازمۇنىنا قاراۋ كەرەك. ەڭبەكشى ادام ىستەتۋشى ورىننىڭ ورنالاستىرۋىنا ساي قىزمەت ىستەۋى كەرەك، اتاپ ايتقاندا، ەڭبەكشىنىڭ شىن مانىندە قىزمەت ىستەگەنىن تۇراقتاندىرۋ كەرەك، ەگەر اندا – ساندا عانا ءبىر – ەكى اۋىز سويلەسكەن بولسا، ۇستەمە قىزمەت ىستەگەن دەپ تۇراقتاندىرۋعا بولمايدى.
سوت مەكەمەسى ينتەرنەت ارقىلى ۇستەمە قىزمەت ىستەۋ اقىسىن تۇراقتاندىرعان كەزدە، قىزمەتتىڭ دەمالىس ۋاقىتىن يەلەگەنى جونىندە ەڭبەكشى تاپسىرعان ىسپاتتاردى ولشەم ەتە وتىرىپ، ەڭبەكشىنىڭ ۇستەمە قىزمەت ىستەۋ جيىلىگى، ۋاقىتى، ەڭبەكاقى ولشەمى، قىزمەت مازمۇنى قاتارلى فاكتورلاردى جان – جاقتى ويلاستىرا وتىرىپ، ۇستەمە قىزمەت اقىسىن جاعدايعا قاراي تۇراقتاندىرىپ، ەڭبەكشىنىڭ زاڭدى ۇقىق – مۇددەسىن زاڭ بويىنشا قورعايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
