شينجياڭدا بيىل مۇگەدەك بالالاردان 2400 بالاعا كومەك بەرىلەدى
2024.02.19 13:57 كەلۋ قاينارى : حالىق تورابى
شينجياڭ گازەتىنىڭ 2 – ايدىڭ 17 – كۇنى ۇرىمجىدەن بەرگەن حابارى. انار بۇلت \ شينجياڭ گازەتىنىڭ ءتىلشىسى گۋان مىڭيىڭنىڭ شينجياڭ ۇيعۇر اۆتونوميالى رايوندىق مۇگەدەكتەر بىرلەستىگىنەن ۇعىسۋىنشا، شينجياڭ 2024 – جىلى 43 ميلليون 960 مىڭ يۋان قارجى قوسىپ، كورۋ قۋاتى، ەستۋ قۋاتى، سويلەۋ، قول – اياق، زەيىن قاتارلى جاقتارداعى مۇگەدەك بالالار مەن جالعىزسىراۋ اۋرۋىنا شالدىققان بالالاردان 2400 بالاعا نەگىزدىك ساۋىعۋ جاتتىعۋىنا قاتىناسۋ، وپەراتسيا جاساتۋ، كومەكشى اسپاپتاردى ساتىپ الۋ قاتارلى جاقتاردا كومەك بەرەدى.
شينجياڭدا ”مۇگەدەك بالالاردىڭ ساۋىعۋىنا كومەكتەسۋ“ ءىسىن 2024 – جىلعى حالىق تۇرمىسىنا قاتىستى ون ناقتى ءىستىڭ قاتارىنا ەنگىزگەن. اۆتونوميالى رايوندىق مۇگەكتەر بىرلەستىگى پارتگرۋپپاسىنىڭ شۋجيى، القالار باستىعى شيا جيانشيننىڭ تانىستىرۋىنشا، جەر – جەردەگى مۇگەدەكتەر بىرلەستىكتەرى مۇقيات ۇيىمداستىرىپ، ءبىر - بىرلەي انىقتاۋ جانە تەكسەرۋ، زارۋلىكتەرىن ءبىلۋ، تۇراقتاندىرىپ بەكىتۋ، كومەكتەسۋ قاتارلى قىزمەتتەردى ورىستەتەدى، شينجياڭ مۇگەدەكتەر بىرلەستىگى ماۋسىم بويىنشا تەلەفونمەن سويلەسۋ، بەينە كەسكىندى ءماجىلىس اشۋ، ىزدەپ بارۋ قاتارلى تاسىلدەرمەن جاعدايدى ۇعىسىپ، جەرگىلىكتى ورىنداردى مۇگەدەك بالالاردىڭ ساۋىعۋىنا كومەكتەسۋ قىزمەتىن ويداعىداي ىستەۋگە قۋزايدى ءارى بۇل ىسكە جەتەكشىلىك ەتەدى، سونىمەن بىرگە، ”مەملەكەتتىك قۇلاقتى قورعاۋ كۇنى“، ”مەملەكەتتىك مۇگەدەكتەرگە كومەكتەسۋ كۇنى“، ”مەملەكەتتىك مۇگەدەكتىكتەن ساقتانۋ كۇنى“ قاتارلىلارمەن ۇشتاستىرا وتىرىپ، ساياساتتى ۇگىتتەۋ تەبىنىن كۇشەيتىپ، ساۋىعۋعا قاتىستى بىلىمدەردى جالپىلاستىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
