ەڭ تومەنگى اۋا تەمپەراتۋراسى نولدەن تومەن 52.3 سەلتسي گرادۋس، جوعارى اۋا تەمپەراتۋراسى 52.2 سەلتسي گرادۋسقا شىقتى
شينجياڭنىڭ قىسى مەن جازىنىڭ ەڭ جوعارى تەمپەراتۋرا پارقى 100 سەلتسي گرادۋستان استى
2024.02.19 14:59 كەلۋ قاينارى : حالىق تورابى
2 – ايدىڭ 18 – كۇنى، التاي ايماعى كوكتوعاي اۋدانى تۇرعىن اۋىلى پۋنكتىنىڭ كۇندىك ەڭ تومەنگى اۋا تەمپەراتۋراسى نولدەن تومەن 52.3 سەلتسي گرادۋسقا ءتۇسىپ، شينجياڭدا ەستەلىككە الىنعاننان بەرگى ەڭ تومەنگى اۋا تەمپەراتۋراسىنىڭ كورسەتكىشىن جاراتتى. ال بىلتىر جازدا شينجياڭدا اۋا رايى ەستەلىككە الىنعاننان بەرگى ەڭ ىستىق جاز بولعان، مۇندا تۇرپان قالاسى سانباۋ اۋىلىنداعى ەڭ جوعارى تەمپەراتۋرا 52.2 سەلتسي گرادۋس بولىپ، ەلىمىزدە ناقتى ولشەنگەن ەڭ ىستىق رەكوردتى جاڭالاعان. سونىمەن 7 اي ۋاقىت ىشىندە شينجياڭنىڭ تەمپەراتۋرا پارقى 100 سەلتسي گرادۋستان استى.
جۋىقتا، سۋىق اعىستىڭ ىقپالىنان بۇكىل شينجياڭنىڭ باسىم كوپ جەرىندە تەمپەراتۋرا كورنەكتى تومەندەدى. 2 – ايدىڭ 18 – كۇنى ساعات 8 گە دەيىن، سولتۇستىك شينجياڭدا، شىعىس شينجياڭدا جانە وڭتۇستىك شينجياڭدا ىلگەرىندى - كەيىندى زور كولەمدە تەمپەراتۋرا تومەندەدى، التاي ايماعىنىڭ شىعىس بولەگىندەگى 4 اۋا رايىن باقىلاۋ پۋنكتىنىڭ ەڭ تومەنگى تەمپەراتۋراسى 30 سەلتسي گرادۋستان استى، كوكتوعاي اۋدانى تۇرعىن اۋىلدىق پۋنكتتىڭ كۇندىك ەڭ تومەنگى تەمپەراتۋراسى 45.1 سەلتسي گرادۋس تومەندەپ، نولدەن تومەن 52.3 سەلتسي گرادۋسقا ءتۇسىپ، شينجياڭدا ەستەلىككە الىنعاننان بەرگى ەڭ تومەنگى اۋا تەمپەراتۋراسىنىڭ كورسەتكىشىن جاڭالادى، بۇرىن ەستەلىككە الىنعانى كوكتوعاي پۋنكتىندەگى نولدەن تومەن 51.5 سەلتسي گرادۋس بولىپ، 1960 – جىلى 1 – ايدىڭ 21 – كۇنى جارىققا شىققان. ال 2 – ايدىڭ 16 – كۇنى تۇرعىن اۋىلىنىڭ تەمپەراتۋراسى 0 سەلتسي گرادۋسقا تاياۋ بولاتىن، 2 كۇن ىشىندە اۋا تەمپەراتۋراسىنىڭ تومەندەۋ مولشەرى 50 سەلتسي گرادۋستان استى.
ەلىمىزدە اۋا رايى ەستەلىككە الىنعان بەرى قاراي تاريحتان بەرگى ەڭ تومەنگى تەمپەراتۋراسى حيلۇڭجياڭ ولكەسىنىڭ موحى قالاسىندا جارىققا شىققان، 2023 – جىلى 1 – ايدىڭ 22 – كۇنى ساعات 7 دە موحى قالاسى امۋر قالاشىعى جينتاۋ اۋا رايى پۋنكتىنىڭ ولشەگەن اۋا تەمپەراتۋراسى نولدەن تومەن 53 سەلتسي گرادۋس بولعان، ەكىنشى ورىنداعىسى وسى رەتكى تۇرعىن اۋىلىنداعى نولدەن تومەن 52.3 سەلتسي گرادۋس.
ۇعىسۋعا قاراعاندا، تۇرعىن اۋىلى كوكتوعاي اۋدان قالاشىعىنان 35 كيلومەتر قاشىقتىقتا، تاۋلى وڭىردەگى ويپاتقا ورنالاسقان، سۋىق اۋا وسى ارادا وڭاي جينالىپ، وڭاي تارالا قويمايدى، سوندىقتان قىستا التاي ايماعىنىڭ كۇندىك ەڭ تومەن تەمپەراتۋراسى ۇنەمى وسى ارادان شىعادى ەكەن. كوپتەگەن توراپتاستار بۇل جاعدايدى ەستىپ ”قاراداي توڭعاندىقتارىن“ بىلدىرسە، شينجياڭدىق توراپتاستار ”بىزدە پار بار“ دەپ كۇلدى.
ساعات سترەلكاسىن كەرى شەگەرەر بولساق وسىدان 7 اي بۇرىن، ياعني 2023 ـ جىلى 7 ـ ايدىڭ 16 ـ كۇنى تۇرپان قالاسى سانباۋ اۋىلىندا ەڭ جوعارى تەمپەراتۋرا 52.2 سەلتسي گرادۋسقا جەتىپ، ەلىمىزدە ناقتى ولشەنگەن ەڭ ىستىق رەكوردتى جاڭالاعان بولاتىن.
شينجياڭ كليمات ورتالىعىنىڭ ساندى مالىمەتىندە كورسەتىلۋىنشە، 2023 ـ جىلى جازدا بۇكىل شينجياڭنىڭ اۋا رايىنىڭ جالپى تەمپەراتۋراسى جوعارى، جاۋىن ـ شاشىنى از بولعان، جازعى ورتاشا تەمپەراتۋراسى 24.1 سەلتسي گرادۋس بولىپ، بۇرىنعى جىلدارداعىدان 1.6 سەلتسي گرادۋس جوعارى بولعان، 2022 ـ جىلداعىدان 0.7 سەلتسي گرادۋس جوعارى بولىپ، 1961 ـ جىلدان بەرگى جاز ماۋسىمىنداعى تاريحتاعى ەڭ جوعارى دەڭگەيگە جەتكەن.
بىرنەشە كۇننەن بەرى، شينجياڭدا سۋىق اعىس ءالى دە جالعاسۋدا، ورتالىق اۋا رايى ستانسياسى 2 – ايدىڭ 18 – كۇنى ساعات 6 دا سۋىق اعىستان ساقتانۋدىڭ قىزعىلىت ءتۇستى ساقتىق سيگنالىن جاريالادى: سۋىق اعىستىڭ ىقپالىنان 2 – ايدىڭ 18 – كۇنىنەن 22 – كۇنىنە دەيىن ەلىمىزدىڭ باسىم كوپ رايوندارىندا، باتىستان شىعىسقا، سولتۇستىكتەن وڭتۇستىككە قاراي ىلگەرىندى - كەيىندى تەمپەراتۋرا كۇرت تومەندەيدى، ورتاشا تەمپەراتۋراسى 12 دە 18 سەلتسي گرادۋس تومەندەيدى، شينجياڭنىڭ وڭتۇستىك شينجياڭ ويپاتى، ىشكى موڭعۇلدىڭ كوپ بولەگى، ەلىمىزدىڭ باتىس سولتۇستىك رايوندارىنىڭ شىعىس بولەگى قاتارلى جەرلەردە تەمپەراتۋرا 12 دە 18 سەلتسي گرادۋس تومەندەيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
