4 ادام ”قارتامەن قۇمار ويناعاندىقتان“ 10 كۇندىك قاماۋعا الىندى
سوتشى مىنانى ەسكەرتەدى: ويىن تەڭگەسى ارقىلى قۇمارعا تىككەن اقشانىڭ ەسەبىن جاساۋ قۇمار ويناۋعا جاتادى
2024.02.23 09:00 كەلۋ قاينارى : حالىق تورابى
جۇمىسشىلار گازەتىنىڭ ءتىلشىسى جوۋ چيان حابارلايدى. جۋىردا بەيجيڭ قالالىق ورتا دارەجەلى 2 – سوت مەكەمەسى ”كوكتەم مەرەكەسى مەزگىلىندە قارتامەن قۇمار ويناۋعا“ قاتىستى دەلونى جاريالاعان، 4 ادام قارتا ويناۋعا ۋادەلەسىپ، ويىن تەڭگەسىن باسكە تىگىپ، ەڭ سوڭىندا ويىن تەڭگەسىن ناق اقشاعا ايىرباستاۋعا كەلىسەدى، قوعام حاۋىپسىزدىگى مەكەمەسى 4 ادامدى قاماۋعا الىپ، اكىمشىلىك جاقتان اقشالاي ايىپ سالعان. ولاردىڭ كەيبىرەۋى بۇل قۇمارعا جاتپايدى دەپ قاراپ، اكىمشىلىك جازا بەرۋ ۇيعارىمىن كۇشىنەن قالدىرۋدى وتىنەدى، سوت مەكەمەسى تويتارىس بەرەدى.
2023 – جىلى كوكتەم مەرەكەسى مەزگىلىندە حى X، ليۋ X، چىن X، ۋاڭ X قاتارلى 4 ادام بەلگىلى ۇستەل دوپ زالىنىڭ بولمەسىندە ماجياڭ ويناۋعا ۋادەلەسەدى. سول كۇنى ساقشى مەكەمەسى بۇقارادان كەلگەن اشكەرەلەۋدى قابىلداپ، سول جەرگە بارىپ تەكسەرۋ جۇرگىزەدى. تەكسەرۋگە قاراعاندا، حى X قاتارلى 4 ادام ماجياڭ ارقىلى قۇمار ويناماق بولادى. ناق اقشانى ىستەتۋدەن ساقتانۋ ءۇشىن، تورتەۋى ويىن تەڭگەسى ارقىلى اقشانى ەسەپتەپ، ەڭ سوڭىندا ۋيچات ارقىلى اقشا جوتكەمەك بولادى. بەلگىلى رايوندىق قوعام حاۋىپسىزدىگى بولىمشە مەكەمەسى قوعام اماندىعىن باسقارۋ جاعىنداعى جازالاۋ زاڭىنىڭ 70 – تارماعىنداعى بەلگىلەمەگە ساي، حى X قاتارلى 4 ادامعا اكىمشىلىك جاقتان 10 كۇندىك قاماۋعا الۋعا جانە اكىمشىلىك جاقتان 500 يۋان اقشالاي ايىپ سالۋ جازاسىن بەرۋدى ۇيعارادى. حى X ولاردىڭ قۇمار ويناۋ ويى بولماعانىن العا تارتىپ، جازا بەرۋ ۇيعارىمىن كۇشىنەن قالدىرۋدى ءوتىنىش ەتىپ، سوت مەكەمەسىنە ارىزدانعان.
سوت مەكەمەسى تەرگەۋدەن سوڭ بىلاي دەپ قاراعان: قاتىستى زاڭدارداعى بەلگىلەمەلەرگە ساي، تەك قۇمار ويناۋعا قاتىناسقان ادامدار الدىن الا ۋادەلەسكەن بولسا، قۇمارعا تىككەن اقشانى قانداي جولمەن ەسەپتەسە دە، قۇمار ويناۋ ارەكەتى دەپ تۇراقتاندىرۋعا ىقپال جاسامايدى. حى X قاتارلى 4 ادام ناق اقشامەن قۇمار ويناماعانىمەن، بەلگىلى رايوندىق قوعام حاۋىپسىزدىگى بولىمشە مەكەمەسى باقىلاعان 4 ادامنىڭ ۋيچاتتاعى سويلەسكەن سوزدەرى مەن 4 ادامنىڭ بايانداۋى ول تورتەۋى الدىن الا ۋادەلەسكەنىن ءارى قۇمارعا تىككەن اقشانى ويىن تەڭگەسىن ەسەپتەۋ ارقىلى تولەگەنىن تۇراقتاندىرۋعا جەتكىلىكتى. بەلگىلى رايوندىق ساقشى بولىمشەسى سول جەردە قولعا تۇسىرگەن ويىن تەڭگەسىن تورتەۋىنىڭ ۋادەلەسكەن ەسەپتەۋ ءتاسىلى بويىنشا ەسەپتەگەندە، ءاربىرى قۇمارعا 2000 يۋان تىككەن، تورتەۋى جيىنى 8000 يۋان تىككەن. بەيجيىڭ قالاسىنىڭ ”قۇمارعا تىككەن سوماسى ءبىرشاما مول بولۋ“ جانە ”قىلمىسى اۋىر بولۋ“ سىندى ولشەمىنە ساي، حى X قاتارلى 4 ادامنىڭ ارەكەتى قوعام اماندىعىن باسقارۋ جاعىنداعى جازالاۋ زاڭىنىڭ 70 – تارماعىندا بەلگىلەنگەن ”قۇمارعا تىككەن قاراجاتى ءبىرشاما مول بولۋ“ ولشەمىنە جەتكەندىكتەن، زاڭ بويىنشا جازالاۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
