پروكۋراتۋرا ورگاندارى ليۋ ليانگىنىڭ پارا الۋ، زاڭعا قايشى قارىز اقشا تاراتۋ دەلوسى جونىندە زاڭ بويىنشا الەۋمەتتىك ايىپتاۋ جۇرگىزدى

2024.02.20 16:14 كەلۋ قاينارى : حالىق تورابى

　　ءتىلشىنىڭ 2 – ايدىڭ 19 – كۇنى ەڭ جوعارى حالىق پروكۋراتۋراسىنان ۇعىسۋىنشا، جۇڭگو بانكەسى شەكتى جارنا سەرىكتەستىگى پارتكومىنىڭ بۇرىنعى شۋجيى، باس جوراسى ليۋ ليانگىنىڭ پارا الۋ، زاڭعا قايشى قارىز اقشا تاراتۋ دەلوسىن مەملەكەتتىك باقىلاۋ ـ تەكسەرۋ كوميتەتى تەكسەرىپ اياقتاتىپ، ەڭ جوعارى حالىق پروكۋراتۋراسىنىڭ قاراستىلىعىن بەلگىلەۋىمەن، شاندۇڭ ولكەسى جينان قالالىق حالىق پروكۋراتۋراسى تەكسەرىپ ايىپتايدى. تاياۋدا جينان قالالىق حالىق پروكۋراتۋراسى جينان قالالىق ورتا دارەجەلى حالىق سوت مەكەمەسىنە الەۋمەتتىك ايىپتاما بەردى.

　　پروكۋراتۋرا ورگانى تەكسەرىپ ايىپتاۋ ساتىسىندا ايىپكەر ليۋ ليانگىگە يگىلىكتەنەتىن ارىز - شاعىم ۇقىعىن زاڭ بويىنشا ۇقتىردى ءارى ايىپكەر ليۋ ليانگىنى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگاندارى بىلاي دەپ ايىپتادى: ليۋ ليانگى جۇڭگو يمپورت - ەكسپورت بانكەسى پارتكومىنىڭ مۇشەسى، ورىنباسار بانكە باستىعى، پارتكومنىڭ ورىنباسار شۋجيى، ورىنباسار باس جوراسى، بانكە باستىعى، جۇڭگو بانكەسى شەكتى جارنا سەرىكتىگى پارتكومىنىڭ ورىنباسار شۋجيى، ورىنباسار باس جوراسى، بانكە باستىعى، پارتكوم شۋجيى، باس جوراسى قاتارلى قىزمەتتەردى وتەگەن كەزىندە قىزمەت بابىنان جانە قىزمەت ۇقىعى، ورنى قالىپتاستىرعان قولايلى جاعدايدان پايدالانىپ قاتىستى ورىن مەن جەكەلەرگە قارىز اقشاعا قاراجات قوسۋ، نىسان سەلبەستىگى، كادرلاردى ورنالاستىرۋ قاتارلى جاقتارىندا كومەك بەرىپ، زاڭسىز فورمامەن باسقالاردان مال - مۇلىك العان، سوماسى ەرەكشە كوپ؛ مەملەكەتتىڭ بەلگىلەمەسىنە قايشى فورمامەن قارىز اقشا تاراتقان، سوماسى ەرەكشە كوپ، ونىڭ ۇستىنە ەرەكشە اۋىر زيان تۋدىرعان، زاڭ بويىنشا پارا الۋ قىلمىسى، زاڭعا قايشى قارىز تاراتۋ قىلمىسى بويىنشا قىلمىستىق ىستەر جاۋاپكەرشىلىگىن قۋزاستىرۋ كەرەك.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved