مەملەكەت بويىنشا تۇڭعىش توپتاعى تىزىمدىك جاريالاندى! شينجياڭنان 4 جەر شەكاراداعى تىنىش ۇلگىلى اۋدان قالا، اۋىل ـ قالاشىق اتاعىن الدى
2024.02.20 16:19 كەلۋ قاينارى : حالىق تورابى
2 – ايدىڭ 19 – كۇنى مەملەكەتتىك قونىس اۋدارۋدى باسقارۋ مەكەمەسى، مەملەكەتتىك ۇلت ىستەرى كوميتەتى، اۋىل شارۋاشىلىعى جانە اۋىل - قىستاق مينيسترلىگى، مەملەكەتتىك شەكارا، تەڭىز قورعانىسى كوميتەتى كەڭسەسى بىرلەسىپ ورنالاستىرىپ ورىستەتكەن شەكاراداعى تىنىشتىق ۇلگىسى جەلىلەس جارىققا شىعارۋ قيمىلى بەيجيڭدە تاجىريبە اۋىستىرۋ ءماجىلىسىن اشتى جانە ماڭدايشالىق بەرۋ قيمىلىن وتكىزدى. مەملەكەت بويىنشا 5 اۋدان - قالا، 20 اۋىل - قالاشىق تۇڭعىش توپتاعى شەكاراداعى تىنىش ۇلگىلى اۋدان - قالا، اۋىل - قالاشىق اتاعىن الدى. مۇندا شينجياڭنان 4 جەر وسى اتاققا يە بولدى، ولار جەكە – جەكە: قاشقار ايماعى تاشقورعان تاجىك اۆتونوميالى اۋدانى، تارباعاتاي ايماعى شاعانتوعاي اۋدانى جيەك قالاشىعى، شينجياڭ ءوندىرىس ـ قۇرىلىس بيڭتۋانى 4 ـ شىسى كوكدالا قالاسىنىڭ 67 ـ تۋانى، قۇمىل قالاسى اراتۇرىك اۋدانى باي اۋىلى.
مۇنىڭ ىشىندە قاشقار ايماعى تاشقورعان تاجىك اۆتونوميالى اۋدانى ”ءبىر اۋدان ءۇش ەلمەن شەكارالاسادى“، مۇندا جەكە ـ جەكە تاجىكستانمەن، پاكيستانمەن جانە اۋعانستانمەن شەكارالاسادى، دۇنيە جۇزىندەگى تەڭىز دەڭگەيىنەن ەڭ بيىك شەكارا وتكەلى حۇنجىراپ وتكەلى دە وسى اراعا ورنالاسقان. تارباعاتاي ايماعى شاعانتوعاي اۋدانى جيەك قالاشىعى شاعانتوعاي اۋدانىنىڭ باتىس سولتۇستىگىندەگى ماڭىزدى ورتالىق قالاشىق، باتىسى قازاقستانمەن شەكارالاسادى، ەگىن شارۋاشىلىعىن نەگىز ەتكەن، ەگىن شارۋاشىلىعى مەن مال شارۋاشىلىعى ۇشتاسقان شەكارا قالاشىق. بيڭتۋان 4 ـ شىسى كوكدالا قالاسىنىڭ 67 ـ تۋانى دۋلات شەكارا وتكەلىنە ىرگەلەس، ال قۇمىل قالاسى اراتۇرىك اۋدانى باي اۋىلى موڭعۇليامەن شەكارالاسقان شەكارا اۋىل.
ۇعىسۋعا قاراعاندا، 2023 - جىلدان بەرى، مەملەكەتتىك قونس اۋدارۋدى باسقارۋ مەكەمەسى، مەملەكەتتىك ۇلت ىستەرى كوميتەتى، اۋىل شارۋاشىلىعى جانە اۋىل - قىستاق مينيسترلىگى، مەملەكەتتىك شەكارا، تەڭىز قورعانىسى كوميتەتى كەڭسەسى سىندى 4 تاراۋ نازاردى تىنىش شەكارا قۇرىلىسىنىڭ جاڭا تالابىنا جانە شەكارا وڭىردەگى بۇقارانىڭ جاڭا تىلەگىنە شوعىرلاندىرىپ، شەكارا بويىنداعى 9 ولكە، اۆتونوميالى رايوندا تىنىش شەكارا ۇلگىلەرىن جارىققا شىعارۋ قيمىلىن ورىستەتۋدى بىرلەسىپ ورنالاستىرىپ، سونداي ـ اق ورنىقتىلىقتى قورعاۋ، شەكارانى بەكەمدەۋ، حالىققا تيىمدىلىك جاساۋ ساياسات ـ شارالارىن اقىلداسىپ شىعارىپ، تىنىش شەكارا قۇرۋدىڭ تەرەڭدەۋىن، ناقتىلانۋىن، تىنىش شەكارا مەحانيزمى قۇرىلىسىنىڭ اناعۇرلىم كەمەلدەنۋىن، تولىقتانۋىن ىلگەرىلەتىپ، مەملەكەتتىڭ ساياسي حاۋىپسىزدىگىن باتىل قورعاۋعا، شەكارا ءوڭىردىڭ ەكونوميكاسىنىڭ، قوعامىنىڭ جوعارى ساپالى دامۋىن جەبەۋگە حاۋىپسىز، ورنىقتى قوعامدىق ورتا ازىرلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
