پروكۋراتۋرا ورگاندارى سۇن شۋتاۋدىڭ پارا الۋ دەلوسى جونىندە زاڭ بويىنشا الەۋمەتتىك ايىپتاۋ جۇرگىزدى
2024.02.21 15:16 كەلۋ قاينارى : حالىق تورابى
ءتىلشىنىڭ 2 – ايدىڭ 20 – كۇنى ەڭ جوعارى حالىق پروكۋراتۋراسىنان ۇعىسۋىنشا، شاندۇڭ ولكەلىك ساياسي كەڭەس پارتيا باسشىلىق گرۋپپاسىنىڭ بۇرىنعى مۇشەسى، ورىنباسار ءتوراعاسى سۇن شۋتاۋدىڭ پارا الۋ دەلوسىن مەملەكەتتىك باقىلاۋ ـ تەكسەرۋ كوميتەتى تەكسەرىپ اياقتاتىپ، ەڭ جوعارى حالىق پروكۋراتۋراسىنىڭ قاراستىلىعىن كورسەتۋىمەن سانشي ولكەسى داتۇڭ قالالىق حالىق پروكۋراتۋراسى تەكسەرىپ ايىپتاعان. تاياۋدا داتۇڭ قالالىق حالىق پروكۋراتۋراسى داتۇڭ قالالىق ورتا دارەجەلى حالىق سوت مەكەمەسىنە الەۋمەتتىك ايىپتاما بەردى.
پروكۋراتۋرا ورگانى تەكسەرىپ ايىپتاۋ ساتىسىندا ايىپكەر سۇن شۋتاۋدىڭ ارىز - شاعىم ۇقىعى بار ەكەنىن زاڭ بويىنشا ۇقتىردى ءارى ايىپكەر سۇن شۋتاۋدى سۇراققا تارتىپ، اقتاۋشىنىڭ پىكىرىن تىڭدادى. باقىلاۋ ورگانى بىلاي دەپ ايىپتادى: ايىپكەر سۇن شۋتاۋ شاندۇڭ ولكەلىك پارتكوم ۇيىمداستىرۋ ءبولىمىنىڭ ورىنباسار باستىعى، ۋيحاي قالالىق پارتكومنىڭ ورىنباسار شۋجيى، قالا باستىعى، قالالىق پارتكومنىڭ شۋجيى، جينان قالالىق پارتكومنىڭ ورىنباسار شۋجيى، قالا باستىعى، شاندۇڭ ولكەلىك ساياسي كەڭەس پارتيا باسشىلىق گرۋپپاسىنىڭ مۇشەسى، ورىنباسار ءتوراعاسى قاتارلى مىندەتتەردى وتەگەن كەزىندە قىزمەت بابىنان پايدالانىپ، باسقالارعا پايدا جەتكىزگەن، سونداي – اق ءوزىنىڭ قىزمەت ۇقىعى، ورنى قالىپتاستىرعان قولايلى شارت - جاعدايدان پايدالانىپ، باسقا دا مەملەكەت قىزمەتكەرلەرىنىڭ مىندەت جاعىنداعى ارەكەتى ارقىلى باسقالارعا ورىنسىز پايدا جەتكىزىپ، باسقالاردىڭ مال - مۇلكىن زاڭسىز قابىلداعان، سوماسى توتەنشە مول، زاڭ بويىنشا ونىڭ قىلمىستىق ىستەر جاۋاپكەرشىلىگىن قۋزاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
