شينجياڭ اقشي اۋدانىندا 5.8 بال جەر سىلكىندى
قازىرگە دەيىن ءولىم - ءجىتىم جانە مال ـ مۇلىك شىعىنى جونىندە مالىمەت جوق
2024.02.26 14:00 كەلۋ قاينارى : حالىق تورابى
2 – ايدىڭ 25 – كۇنى، ساعات 12دەن 14 مينۋت وتكەندە، شينجياڭ قىزىلسۋ قىرعىز اۆتونوميالى وبلىسىنىڭ اقشي اۋدانىندا (سولتۇستىك ەندىك 41.15 گرادۋس، شىعىس بويلىق 78.41 گرادۋس) 5.8 بال جەر سىلكىندى، سىلكىنىس قاينارىنىڭ تەرەڭدىگى 11 كيلومەتر، سىلكىنىس ورتالىعى تاۋلى رايونعا جاتادى، 5 كيلومەتر اۋماقتىڭ تەڭىز دەڭگەيىنەن ورتاشا بيىكتىگى شامامەن 2897 مەتر، اقشي اۋدانىنان 24 كيلومەتر ارالىقتا، ءۇشتۇرپان اۋدانىنان 68 كيلومەتر قاشىقتىقتا. قىزىلسۋ قىرعىز اۆتونوميالى وبلىسى، اقسۋ ايماعى قاتارلى جەرلەردە سىلكىنىس اسەرى كۇشتى بولدى.
شۇعىل جاعدايعا توتەپ بەرۋ، جەر سىلكىنىسى، ءورت ءوشىرۋ قاتارلى تاراۋلارمەن بايلانىس جاساۋ ارقىلى قازىرگە دەيىن ءولىم - ءجىتىم جانە مال ـ مۇلىك زيانى جونىندە مالىمەت جوق ەكەندىگىن تۇراقتاندىردىق، جەرگىلىكتى ورىننىڭ قاتىناس، حابارلاسۋ، ەلەكترمەن قامداۋ سياقتىلارى تۇگەلدەي قالىپتى جۇمىس جۇرگىزۋدە.
بۇل رەتكى جەر سىلكىنىسى 1 – ايدىڭ 23 – كۇنى ءۇشتۇرپان اۋدانىندا 7.1 بال جەر سىلكىنگەننەن بەرگى ەڭ ۇلكەن قالدىق سىلكىنىس. 2 – ايدىڭ 25 – كۇنى ساعات 12 دەن 30 مينۋت وتكەنگە دەيىن 1 – ايدىڭ 23 – كۇنى ءۇشتۇرپان اۋدانىندا تۋىلعان 7.1 بال جەر سىلكىنىسىنىڭ قالدىق سىلكىنىسى M3.0 بال جانە ودان جوعارى قالدىق سىلكىنىس 210 رەت بولعان، مۇنىڭ ىشىندە 5.0 بالدان 5.9 بالعا دەيىنگى قالدىق جەر سىلكىنىسى 10 رەت، 4.0 بالدان 4.9 بالعا دەيىنگى جەر سىلكىنىسى 33 رەت، 3.0 بالدان 3.9 بالعا دەيىنگى جەر سىلكىنىسى 167 رەت بولعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
