وسى اپتادا شينجياڭنىڭ كوپ جەرىندە تەمپەراتۋرا باياۋ جوعارىلايدى
وسى اپتادا بۇكىل شينجياڭنىڭ باسىم كوپ ساندى وڭىرلەرىندە كورنەكتى سۋىق اعىس بولمايدى، كوپ جەردىڭ تەمپەراتۋراسى باياۋ جوعارىلايدى
2024.02.27 14:38 كەلۋ قاينارى : حالىق تورابى
مەجەمەن 2 – ايدىڭ 27 – كۇنىنەن (سەيسەنبى) 29 – كۇنىنە دەيىن ىلە قازاق اۆتونوميالى وبلىسىنىڭ تاۋلى رايونى، تارباعاتاي ايماعىنىڭ سولتۇستىك بولەگى، التاي ايماعىنىڭ باتىس بولەگى مەن سولتۇستىك بولەگى، تيانشان تاۋلى رايونى، وڭتۇستىك شينجياڭنىڭ باتىس بولەگىندەگى تاۋلى وڭىرلەر، كۇنلۇن تاۋىنىڭ سولتۇستىك بەتكەيى، قۇمىل قالاسىنىڭ سولتۇستىك بولەگى قاتارلى جەرلەردىڭ ءىشىنارا وڭىرلەرىندە ازدان قىرباققا دەيىن قار جاۋادى، تاۋلى وڭىرلەردىڭ ءىشىنارا جەرلەرىندە ورتاشا قار جاۋادى.
2 - ايدىڭ 29 - كۇنىنەن (بەيسەنبى) 3 - ايدىڭ 1 - كۇنىنە دەيىن (جۇما) تارباعاتاي ايماعىنىڭ سولتۇستىك بولەگى، التاي ايماعىنىڭ باتىس بولەگى، ءۇرىمجى قالاسىنىڭ وڭتۇستىك قالا ماڭى مەن دابانچىڭ ءوڭىرى، سانجى حۇيزۋ اۆتونوميالى وبلىسىنىڭ شىعىس بولەگى قاتارلى جەرلەردىڭ ءبىر ءبولىم وڭىرلەرىندە 5 بال اينالاسىندا قيىس شىعىس جەلى سوعادى، مۇنىڭ ىشىندە تارباعاتاي ايماعىنىڭ سارعۋسىن جەل ءوتى مەن مايتاس جەلدى رايونىندا، التاي ايماعىنىڭ نوقاي جەلدى رايونىندا، ءۇرىمجى قالاسىنىڭ ۇلانباي جانە حۇڭيانچى قاتارلى جەل وتتەرىندە 9 دا 10 بال بوران سوعادى.
3 – ايدىڭ 1 – كۇنىنەن (جۇما) 4 – كۇنىنە دەيىن (كەلەسى دۇيسەنبى)، قاشقار ايماعى، قىزىلسۋ قىرعىز اۆتونوميالى وبلىسى، اقسۋ ايماعىنىڭ باتىس بولەگى، سونداي - اق سولتۇستىك بولەكتەگى تاۋلى وڭىرلەر، كۇنلۇن تاۋىنىڭ سولتۇستىك بەتكەيى قاتارلى جەرلەردىڭ ءىشىنارا وڭىرلەرىندە ۇزدىك - سوزدىق قار ارالاس جاڭبىر نەمەسە قار جاۋادى، تاۋلى ءوڭىردىڭ ءىشىنارا جەرلەرىندە ورتاشادان قالىڭ قارعا دەيىن جاۋادى.
3 - ايدىڭ 2 - كۇنى (سەنبى) تۇننەن 3 - ايدىڭ 3 - كۇنى (جەكسەنبى) تۇنگە دەيىن، سولتۇستىك شينجياڭنىڭ باسىم كوپ وڭىرلەرىندە، شىعىس شينجياڭنىڭ ءىشىنارا وڭىرلەرىندە 5 بال اينالاسىندا باتىس سولتۇستىك جەلى سوعادى، شىعىس شينجياڭنىڭ جەل وتتەرىندە 10 بال شاماسىندا بوران سوعادى. قار جاۋۋ، بوران سوعۋ، ءىشىنارا جەرلەردە قارلى بوران سوعۋ، قار كوشكىنى سياقتىلاردىڭ ەگىن، مال شارۋاشىلىق ءوندىرىسى، جول قاتىناسى، قالا اينالىمى، ساياحات سياقتىلارعا جاسايتىن ءتيىمسىز ىقپالىنان ساقتانۋ كەرەك.
ءۇرىمجى قالاسىندا وسى اپتادا كورنەكتى سۋىق اۋا اعىسى جوق، ءارقايسى رايون، اۋدانداردا كۇن اشىق نەمەسە بۇلتتى بولادى، اۋا تەمپەراتۋراسىنىڭ تولقۋى باياۋ بولادى. نەگىزگى قالا رايونىندا، ميدۇڭ رايونىندا جانە گانچۋانباۋدا وقتا - تەكتە تۇمان تۇسەدى نەمەسە بولىمسىز قار جاۋادى، نەگىزگى قالا رايونىنىڭ كۇندىك ەڭ تومەنگى تەمپەراتۋراسى نولدەن تومەن 13 تە 10 سەلتسي گرادۋس اينالاسىندا بولادى، كۇندىك ەڭ جوعارى تەمپەراتۋراسى نولدەن تومەن 7 دە نولدەن تومەن 2 سەلتسي گرادۋس اينالاسىندا بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
