شينجياڭ ۇيعۇر اۆتونوميالى رايونى ازىق ـ تۇلىك حاۋىپسىزدىگى قىزمەتى ٴماجىلىسىن اشتى
2024.02.27 16:38 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ٴتىلشىسى ليۋ شياڭ 2 ـ ايدىڭ 25 ـ كۇنى ۇرىمجىدەن حابارلايدى. 2 ـ ايدىڭ 25 ـ كۇنى اۆتونوميالى رايون ازىق ـ تۇلىك حاۋىپسىزدىگى قىزمەتى ٴماجىلىسىن اشىپ، 2023 ـ جىلعى ازىق ـ تۇلىك حاۋىپسىزدىگى قىزمەتىن قورىتىندىلاپ، ازىق ـ تۇلىك سالاسىنداعى حاۋىپ ـ قاتەرلەردى، كومەسكى كىناراتتاردى تۇجىرىمداپ، تالداۋ جاساپ، تومەنگى شەك وي جەلىسىن، حاۋىپ ـ قاتەر تانىمىن بەرىك ورناتىپ، اناعۇرلىم جوعارى ولشەم، اناعۇرلىم قاتاڭ تالاپ، اناعۇرلىم ناقتى شارا ارقىلى ازىق ـ تۇلىك حاۋىپسىزدىگىن جونگە سالۋ دەڭگەيىن جاپپاي جوعارىلاتتى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ٴتوراعاسى، اۆتونوميالى رايوندىق ازىق ـ تۇلىك حاۋىپسىزدىگى كوميتەتىنىڭ ورىنباسار مەڭگەرۋشىسى ٴيۇسۇپجان مامەت ماجىلىسكە قاتىناستى ٴارى ٴسوز سويلەدى.
ٴماجىلىس مىنالاردى اتاپ كورسەتتى: باس شۋجي شي جينپيڭنىڭ ازىق ـ تۇلىك حاۋىپسىزدىگى جونىندەگى ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق پارتكوم مەن ۇكىمەتتىڭ قىزمەت ورنالاستىرۋىنا ساي، ساياسي تۇرعىنى ونان ارى جوعارىلاتىپ، ”تورتتە ەڭ قاتاڭ“ بولۋ تالابىن تياناقتاندىرىپ، كوتەرمەگە الىپ، كەپىلدىك ەتۋ قىزمەتىن تياناقتاندىرۋدى تۇتقا ەتىپ، قاراستى جەر باسقارۋ جاۋاپكەرشىلىگىن كۇشەيتىپ، كاسىپورىننىڭ نەگىزگى تۇلعالىق جاۋاپكەرشىلىگىن ناقتىلاندىرىپ، ازىق ـ تۇلىك حاۋىپسىزدىگى ساقتىق سىزىعىن ورنىقتى ساقتاۋ، بەكەمدەۋ كەرەك.
ٴماجىلىس مىنالاردى باسا دارىپتەدى: ماسەلەنى باعدار ەتۋگە تاباندى بولىپ، نازاردى ٴتۇيىندى سالاعا شوعىرلاندىرىپ، تاراۋلار ارا سايكەسۋدى كۇشەيتىپ، كورنەكتى حاۋىپ ـ قاتەرلەردى اشالاپ تەكسەرىپ جانە ونى جويىپ، ٴار ۇلت بۇقاراسىنىڭ اس ـ سۋ حاۋىپسىزدىگىنە شىنايى كەپىلدىك ەتۋ كەرەك. كوپ تۇتىنىلاتىن ازىق ـ تۇلىك، شينجياڭ ەرەكشەلىگىنە يە ازىق ـ تۇلىك، ”قارتتار مەن بالالار“ وزگەشە ازىق ـ تۇلىگى، ٴسۇت ونىمدەرى سياقتىلاردى ٴتۇيىن ەتىپ، حاۋىپ ـ قاتەرلەردى ٴبىر ـ بىردەن تەكسەرۋ تەبىنىن زورايتۋ؛ مەكتەپ اۋلاسى ازىق ـ تۇلىگى، قارتتاردىڭ تاماقتانۋىنا قىزمەت وتەۋ جانە اس ـ سۋ سياقتى سالالاردى ٴجىتى قاداعالاپ، كۇندەلىكتى باقىلاۋ ـ باسقارۋدى، قۋزاۋدى، تەكسەرۋدى كۇشەيتۋ؛ نىسانالى تۇردە ۇلگى الىپ تەكسەرۋ تەبىنىن زورايتىپ، بۇقارانىڭ تۇرمىسىمەن تىعىز بايلانىستى، حاۋىپ ـ قاتەر دەڭگەيى جوعارى، تۇتىنۋ مولشەرى زور ٴتۇيىندى تاۋار تۇرلەرىنەن جانە مەكتەپ اۋلاسى ماڭايى، كولەمدى ساۋدا سارايلارى، ەرەن بازار، شوعىرلى تاماق ازىرلەيتىن ورىن سياقتى ٴتۇيىندى الاڭ ـ ورىنداردان ۇلگى الىپ تەكسەرۋدى باقىلاۋ ـ ولشەۋ جيىلىگىن ارتتىرىپ، زاڭعا قايشى ارەكەتتەردى قاتاڭ جازالاۋ، قاتاڭ ٴبىر جاقتى ەتۋ؛ شەشۋشى ۋاقىت ٴتۇيىنىن ٴجىتى قاداعالاپ، “12315” ارىز ايتۋ، مالىمدەۋ تۇعىرىنىڭ ىركىلسسىزدىگىن ساقتاپ، تۇتىنۋشىلاردىڭ ۇقىق ـ مۇددەسىن قورعاۋدى كۇشەيتىپ، تۇتىنۋدا الاڭسىز بولۋ ارقىلى تۇتىنۋ سەنىمىن سەرپىلتۋگە دەم بەرۋ كەرەك.
ٴۇرىمجى قالاسى سياقتى 4 ورىننىڭ قاتىستى جاۋاپتى جولداستارى پىكىر اۋىستىرىپ، ٴسوز سويلەدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
