شينجياڭ بيىل سۋ يگىلىگى تۇراقتى مۇلكىنە 35 ميلليارد يۋان قارجى قوسادى
2024.02.27 16:39 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ٴتىلشىسى ليۋ ي 2 ـ ايدىڭ 25 ـ كۇنى ۇرىمجىدەن حابارلايدى. اۆتونوميالى رايوندىق سۋ يگىلىگى مەڭگەرمەسىنەن ۇعىسۋىمىزشا، بيىل شينجياڭ سۋ يگىلىگى تۇراقتى مۇلكىنە 35 ميلليارد يۋان قارجى قوسادى ەكەن، ٴار دارەجەلى سۋ يگىلىگى تاراۋلارى وسى نىسانانى كوزدەپ، نىسان قۇرىلىسىن جەدەل ىلگەرىلەتىپ، سۋ يگىلىگى نەگىزدىك قۇرىلعىلارىنداعى ولقىلىقتاردى تولىقتايدى ەكەن.
بيىل شينجياڭ مەملەكەتتىڭ زايومدى تىڭنان ارتتىرۋ ارقىلى نەگىزدىك قۇرىلعى قۇرىلىسىنا قولداۋ كورسەتۋدەي ماڭىزدى ورايىن مىقتى ۇستاپ، تىڭنان ارتقان زايوم نىسانىن ٴجىتى قاداعالاپ، تىڭنان ارتقان زايوم نىسان قۇرىلىسىن باسقارۋدى بار كۇشپەن ويداعىداي ىستەيدى. جاۋاپتى اۋدان، قالاعا، جاۋاپتى ورىنعا، جاۋاپتى ادامعا دەيىن تۇرلەر بويىنشا تياناقتاندىرىپ، ٴاربىر بۋىننىڭ ۋاقىت ٴتۇيىنىن ايقىنداپ، ٴار ايدا ٴبىر رەت ورنالاستىرۋ جاساپ، ٴار ايدا ٴبىر رەت حابارلاندىرۋ شىعارىپ، وڭتۇستىك شينجياڭ نىسانىنىڭ 2 ـ ايدىڭ سوڭىنان بۇرىن الدىڭعى مەرزىمدىك تەكسەرىپ بەكىتۋىن ورىنداۋعا، 3 ـ ايدىڭ سوڭىنان بۇرىن قۇرىلىستى باستاۋىنا شىنايى كەپىلدىك ەتەدى، سولتۇستىك شينجياڭ نىسانىنىڭ 3 ـ ايدىڭ سوڭىنان بۇرىن الدىڭعى مەرزىمدىك تەكسەرىپ بەكىتۋدەن وتۋىنە، 4 ـ ايدىڭ سوڭىنان بۇرىن قۇرىلىستى باستاۋىنا شىنايى كەپىلدىك ەتەدى.
تىڭنان ارتقان نىسان قۇرىلىسىن باسقارۋدى ويداعىداي ىستەۋمەن بىرگە، شينجياڭ داشىشيا، يۇرۇڭقاش، قورعان قاتارلى ٴبىر توپ كەلەلى سۋ يگىلىگى ينجەنەريا قۇرىلىسىن ۇزدىكسىز ىلگەرىلەتىپ، سۋ يگىلىگى ينجەنەريا قۇرىلىسىنىڭ اياق الىسىن جاپپاي جەدەلدەتىپ، قورقىس ـ حۇڭشان سۋ قويماسى، شەريا وزەنى كۇنلۇن سۋ يگىلىگى تورابى سياقتى ٴبىر توپ ورتا، شاعىن سۋ قويماسى قۇرىلىسىن بەلسەنە ىلگەرىلەتىپ، وسى جىل ىشىندە قورعاس اۋدانى شەتاقسۋ قاتارلى 6 ورتا، شاعىن تيپتەگى سۋ قويماسىن سالادى.
سونىمەن بىرگە شينجياڭ تاعى ”سۇرانىستى جەتەكشى ەتۋ، پايدالانۋدى بارىنەن جوعارى قويۋ، سيفرلى قۋات ۇستەۋ، قابىلەتتى جوعارىلاتۋ“ تالابى بويىنشا توۋتۇنحى سيفرلى قوس سۋ الابىن، ۇلىعاتا سيفرلى قوس سۋ ينجەنەرياسىن، داحىيانزى جانە سانتۇنحى سيفرلى قوس سۋارمالى اۋماعى سىناق ٴتۇيىنى قۇرىلىسىن ۇزدىكسىز ىلگەرىلەتىپ، تۇتاس رايوننىڭ سۋ يگىلىگى سيفرلى قوس سۋ قۇرىلىسىنا ۇلگى الۋعا بولاتىن تاجىريبەلەر، ادىستەر ازىرلەيدى. جەر ـ جەر ٴىس جۇزىندىكپەن جانە كاسىپ سۇرانىسىمەن ۇشتاستىرىپ، سۋ يگىلىگىن ينفورماتسيالاندىرۋ، زەردەلىلەندىرۋ نەگىزدىك قۇرىلعىلارىنىڭ ولقىلىقتارىن جەدەل تولىقتاپ، تاسقىن اپاتى، اۋىز سۋ حاۋىپسىزدىگى، سۋ الۋ، سۋدان پايدالانۋ، ماشينا ـ ەلەكتر قۇدىعى سياقتى ٴتۇرلى سۋ يگىلىگىن باقىلاۋ ـ ولشەۋ قۇرىلعىلارىن قورعاۋدى، ىسكە قوسۋدى كۇشەيتىپ، عىلمي شەشىم جاساۋعا قىزمەت وتەۋ تىرەگىن ازىرلەيدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
