ساۋدا مينيسترلىگى ەۆروپا وداعىنىڭ جۇڭگونىڭ 4 كاسىپورنىن جازالاۋ تىزىمدىگىنە قوسقانى جونىندە جاۋاپ قايتاردى: جۇڭگو جاق جۇڭگو كاسىپورىندارىنىڭ زاڭدى ۇقىق – مۇددەسىن باتىل قورعايدى
2024.02.27 14:45 كەلۋ قاينارى : حالىق تورابى
ساۋدا مينيسترلىگىنىڭ مالىمدەمەشىسى ەۆروپا وداعىنىڭ رەسەيگە 13 – رەت جازالاۋ شاراسىن اتقارۋ تىزىمدىگىنە جۇڭگونىڭ كاسىپورىندارىن قوسقانى تۋرالى تىلشىلەردىڭ سۇراۋىنا جاۋاپ قايتاردى.
سۇراۋ: 2 – ايدىڭ 23 – كۇنى ەۆروپا وداعى رەسەيگە 13 – رەت جازالاۋ شاراسىن اتقارۋ تىزىمدىگىنە جۇڭگونىڭ 4 كاسىپورنىن قوسقانىن جاريالادى، جۇڭگو جاق بۇل جونىندە قانداي پىكىر بىلدىرەدى؟
جاۋاپ: ەۆروپا وداعى جۇڭگو جاقتىڭ كوپ رەت سويلەسۋىن جانە توقتاۋ سالۋىن ەلەمەي، ويىنا كەلگەنىن ىستەپ، رەسەيگە 13 – رەت جازالاۋ شاراسىن اتقارۋ بارىسىندا جۇڭگونىڭ 4 كاسىپورنىن جازالاۋ تىزىمدىگىنە ەنگىزگەن، بۇل حالىقارالىق زاڭدا نەگىزى جوق، بىرلەسكەن مەملەكەتتەر ۇيىمىنىڭ حاۋىپسىزدىك القالار كەڭەسى ۇقىق بەرمەگەن سىڭار جاقتىلى جازالاۋ جانە ”الىستاعىنى شاۋجايلاۋ“ سانالادى. بۇل ارەكەت جۇڭگو – ەۆروپا وداعى باسشىلارىنىڭ كەڭەسىندە بىرلىككە كەلگەن ورتاق تانىمنىڭ رۋحىنا قايشى كەلەدى، جۇڭگو – ەۆروپا وداعى ەكونوميكا – ساۋدا قارىم – قاتىناسىنا كەرەناۋ ىقپال جاسايدى. جۇڭگو جاق بۇعان باتىل قارسى تۇرادى، ەۆروپا وداعى جاقتى جۇڭگو – ەۆروپا وداعى جالپى بەتتىك ستراتەگيالىق سەرىكتەستىك قارىم – قاتىناسى سىندى زور اۋقىمدى شىعار ءتۇيىن ەتىپ، تىزىمدىككە جۇڭگو كاسىپورىندارىن قوسۋدى شارتسىز توقتاتۋعا قۋزايدى. جۇڭگو جاق جۇڭگو كاسىپورىندارىنىڭ زاڭدى ۇقىق – مۇددەسىن باتىل قورعايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
