شي جينپيڭ سەررا - لەوننىڭ زۇڭتۇڭى بيومەن كەڭەس وتكىزدى
2024.02.29 17:03 كەلۋ قاينارى : حالىق تورابى
 |
2 - ايدىڭ 28 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن سەررا - لەوننىڭ زۇڭتۇڭى بيومەن كەڭەس وتكىزدى. سۋرەتتە: كەڭەستەن بۇرىن شي جينپيڭ مەن حانىمى پىڭ لييۋان حالىق سارايىنىڭ سولتۇستىك زالىندا بيو مەن حانىمى فاتيماعا ارناپ قارسى الۋ سالتىن وتكىزۋدە.
سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
|
شينحۋا اگەنتتىگى، 2 - ايدىڭ 28 – كۇنى، بەيجيڭ (ءتىلشى سۇن ي). 2 - ايدىڭ 28 – كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا جۇڭگوعا مەملەكەتتىك ساپارمەن كەلگەن سەررا - لەوننىڭ زۇڭتۇڭى بيومەن كەڭەس وتكىزدى.
شي جينپيڭ بىلاي دەپ اتاپ كورسەتتى: جۇڭگو مەن سەررا - لەوننىڭ دوستىعى ارىدان باستاۋ الادى، ەكى جاق ءبىر - ءبىرىنىڭ وزەكتى مۇددەسىنە ساياتىن جانە كوكەيتەستى قاداعالاپ وتىرعان كەلەلى ماسەلەلەردە ءوزارا قولداۋ كورسەتىپ، ەكونوميكالىق، قوعامدىق دامۋ سالاسىنداعى جوعارى ءونىمدى سەلبەستىك جاساپ، دۇنيە ءجۇزىنىڭ بەيبىتشىلىگى مەن دامۋى سياقتى كەڭەستىك تاقىرىپتاردا تىعىز سايكەسىپ وتىردى، ەبولا ىندەتىنە، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كەزىندە ۋاقىتتىق قيىندىقتى بىرگە جەڭدى. جۇڭگو مەن سەررا – لەوننىڭ قارىم - قاتىناسى جۇڭگو - افريكا ىنتىماعىنىڭ، سەلبەستىگىنىڭ ۇلگىسى دەۋگە بولادى. جۇڭگو جاق سەررا – لەون جاقپەن بىرگە جوعارى دەڭگەيدەگى ساياسي سەنىمدىلىكتى بەكەمدەپ، ناقتى، ءوزارا ءتيىمدى سەلبەستىكتى ىلگەرىلەتىپ، حالىقارالىق جانە وڭىرلىك ىستەردى سايكەستىرۋدى كۇشەيتىپ، جۇڭگو مەن سەررا – لەوننىڭ قارىم - قاتىناسىنىڭ تاعى دا تىڭ ساتىعا كوتەرىلۋىن ىلگەرىلەتۋدى قالايدى.
شي جينپيڭ بىلاي دەپ دارىپتەدى: جۇڭگو جاق سەررا - لەون حالقىنىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن باتىل قولدايدى، سەررا - لەونمەن ەل باسقارۋ اۋىس - كۇيىسىن كۇشەيتىپ، ءبىر - ءبىرىنىڭ كوكەيتەستى قاداعالاپ وتىرعان كەلەلى ىستەرىنە ۇزدىكسىز ءوزارا قولداۋ كورسەتىپ، يەلىك ۇقىعىن، حاۋىپسىزدىگىن، دامۋ مۇددەسىن قورعاۋدى قالايدى. جۇڭگو جاق سەررا - لەوننىڭ اۋىل شارۋاشىلىعى، نەگىزدىك قۇرىلعى قۇرىلىسى، ادام كۇشى بايلىعى سياقتى سالالاردى دامىتۋىنا قولىنان كەلگەنىنشە كومەكتەسەدى جانە قولداۋ كورسەتەدى، جۇڭگو كاسىپورىندارىنىڭ سەررا - لەونعا بارىپ قارجى قوسىپ، كاسىپتى كوركەيتۋىنە دەم بەرەدى، قولداۋ كورسەتەدى. ەكى جاق بىرلەسكەن مەملەكەتتەر ۇيىمى حاۋىپسىزدىك القالار كەڭەسى ىستەرىندەگى سەلبەستىكتى كۇشەيتىپ، افريكانىڭ جانە قالىڭ وركەندەپ كەلە جاتقان ەلدەردىڭ مۇددەسىن ورتاق قورعاۋى كەرەك. سەررا - لەون جاقتىڭ دۇنيە جۇزىلىك دامۋ باستاماسىنا، دۇنيە جۇزىلىك حاۋىپسىزدىك باستاماسىنا، دۇنيە جۇزىلىك وركەنيەت باستاماسىنا بەلسەنە قاتىناسىپ، ادامزاتتىڭ تاعدىرلاس ورتاق تۇلعاسىن قۇرۋدى قول ۇستاسا ىلگەرىلەتۋىن قارسى الامىز.
شي جينپيڭ بىلاي دەپ اتاپ كورسەتتى: جۇڭگو - افريكا حالىقتارىنىڭ تاعدىرى ءبىر. جۇڭگو افريكا ەلدەرىمەن ىنتىماقتى، سەلبەستىكتى دامىتۋدى باستان - اياق سىرتقى ساياساتتىڭ ماڭىزدى ىرگە تاسى ەتەدى. جۇڭگو شىنايى، باۋىرمال، ادال بولۋ تانىمىنان جازباي، افريكا ەلدەرىمەن ءوزارا قولداۋدى جانە دوستىق سەلبەستىكتى كۇشەيتەدى، افريكانىڭ ونەركاسىپتەندىرۋ باستاماسىن قولداۋدى، افريكا اۋىل شارۋاشىلىعىن وسىزامانداندىرۋ جوسپارىن قولداۋدى، جۇڭگو - افريكا دارىندىلار تاربيەلەۋ سەلبەستىك جوسپارىن افريكا وداعىنىڭ «2063 - جىلعا دەيىنگى دامۋ كەڭەس تارتىبىمەن»، افريكا ەلدەرىنىڭ دامۋ ستراتەگياسىمەن تىعىز ۇشتاستىرىپ، جۇڭگونىڭ دامۋىن، افريكانىڭ دامۋىن، دۇنيە ءجۇزىنىڭ دامۋىن اناعۇرلىم تىعىز بىرلەستىرىپ، جۇڭگو - افريكا سەلبەستىگىنىڭ ساپاسىن جوعارىلاتۋدى ىلگەرىلەتىپ، دۇنيە ءجۇزىنىڭ بەيبىتشىلىك، حاۋىپسىزدىك، كوركەيۋ، العا باسۋ سىندى نۇرلى بولاشاققا بەت الۋىن ىلگەرىلەتۋگە كۇش سالادى. جۇڭگو جاق سەررا - لەوندى قامتىعان افريكاداعى دوستارمەن بىرگە بيىلعى جۇڭگو - افريكا سەلبەستىك تالقىسىن ويداعىداي وتكىزىپ، جۇڭگو مەن سەررا - لەوننىڭ، جۇڭگومەن افريكانىڭ دوستىعىن بارىنشا ساۋلەلەندىرۋدى قالايدى.
بيو مىنالاردى ءبىلدىردى: جۇڭگو − سەررا - لەوننىڭ سەنىم ارتاتىن جانە سۇيەنەتىن دوسى، ەكى جاق باستان - اياق ءوزارا قۇرمەت ەتىپ، تەڭ تۇرعىدا مامىلە جاساپ كەلەدى، تەرەڭ ءداستۇرلى دوستىققا يە. سەررا - لەون جاق جۇڭگو جاقتىڭ سەررا - لەوننىڭ ەكونوميكالىق، قوعامدىق دامۋىن زور كۇشپەن قولداعانىنا العىس ايتادى، جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ، قارىشتاپ دامۋدى جۇزەگە اسىرىپ، ۇلتتىڭ كوركەيۋىن ىلگەرىلەتكەنىن ايرىقشا القايدى. جۇڭگونىڭ تاجىريبەسى وركەندەپ كەلە جاتقان ەلدەردىڭ جەدەل دامۋىنا تەرەڭ وي سالدى. ءتوراعا شي جينپيڭ العا قويعان ”ءبىر بەلدەۋ، ءبىر جول“ باستاماسى بۇكىل ادامزاتتىڭ ورتاق مۇددەسىن جەبەۋگە كەڭ كولەمدە بەلسەندى ىقپال جاسادى. سەررا - لەون ءبىر جۇڭگو پرينسيبىندە تاباندى بولادى، جۇڭگو جاقتىڭ يەلىك ۇقىق پەن تەرريتوريا تۇتاستىعىن قورعاۋىن باتىل قولدايدى، جۇڭگو جاقتىڭ ءوزىنىڭ وزەكتى مۇددەسىن قورعاۋىن قولدايدى، جۇڭگونىڭ تاجىريبەلەرىن ۇيرەنۋدى، ۇلگى الۋدى، جۇڭگو جاقپەن ”ءبىر بەلدەۋ، ءبىر جولدى“ بىرگە قۇرۋ سەلبەستىگىن كۇشەيتىپ، نەگىزدىك قۇرىلعى قۇرىلىسى، ساۋدا، وقۋ - اعارتۋ، الەۋمەتتىك قىزمەت وتەۋ سياقتى سالالارداعى سەلبەستىكتىڭ جاڭا ءورىسىن كەڭەيتىپ، سەررا - لەون مەن جۇڭگونىڭ ءداستۇرلى دوستىعىنا تىڭ قوزعاۋشى كۇش قوسىپ، سەررا - لەون مەن جۇڭگونىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ ونان ارى دامۋىن ىلگەرىلەتۋدى قالايدى، سەررا - لەون جاق جۇڭگو جاقپەن وڭىرلىك جانە حالىقارالىق ىستەردەگى سايكەسۋدى، سەلبەسۋدى كۇشەيتىپ، دۇنيە ءجۇزىنىڭ بەيبىتشىلىگى مەن دامۋىن بىرگە جەبەۋگە پەيىل.
كەڭەستەن كەيىن ەكى ەلدىڭ مەملەكەت باسشىلارى ”ءبىر بەلدەۋ، ءبىر جولدى“ بىرگە قۇرۋ، اۋىل شارۋاشىلىعى، ەكونوميكانى دامىتۋ، دۇنيە جۇزىلىك دامۋ باستاماسىن تياناقتاندىرۋ سياقتى سالالارداعى كوپتەگەن ەكى جاقتى سەلبەستىك قۇجاتتارعا قول قويۋعا بىرگە كۋا بولدى. ەكى جاق «جۇڭحۋا حالىق رەسپۋبليكاسى مەن سەررا - لەون رەسپۋبليكاسىنىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىن تەرەڭدەتۋ جونىندەگى بىرلەسكەن مالىمدەمەسىن» جاريالادى.
كەڭەستەن بۇرىن شي جينپيڭ مەن حانىمى پىڭ لييۋان حالىق سارايىنىڭ سولتۇستىك زالىندا بيو مەن حانىمى فاتيماعا ارناپ قارسى الۋ سالتىن وتكىزدى.
تيان - انمىن الاڭىندا 21 رەت ساليۋت اتىلىپ، قۇرمەت قاراۋىلى ساپ تۇزەپ قۇرمەت ءبىلدىردى. ەكى ەلدىڭ مەملەكەت باسشىلارى كوزدەن كەشىرۋ مىنبەسىنە شىقتى، اسكەري وركەستر جۇڭگو مەن سەررا - لەون ەلدەرىنىڭ مەملەكەت اندەرىن ورىندادى. بيو شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن كوردى.
سول كۇنى كەشتە شي جينپيڭ مەن پىڭ لييۋان حالىق سارايىنىڭ التىن ءتۇستى زالىندا بيو مەن حانىمىنا ارناپ قارسى الۋ قوناعاسىن وتكىزدى.
ۋاڭ ي جوعارىداعى قيمىلدارعا قاتىناستى.
كەلۋ قاينارى: حالىق تورابى
 |
2 - ايدىڭ 28 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن سەررا - لەوننىڭ زۇڭتۇڭى بيومەن كەڭەس وتكىزدى. سۋرەتتە: كەڭەستەن بۇرىن شي جينپيڭ حالىق سارايىنىڭ سولتۇستىك زالىندا بيونى قارسى الۋ سالتىن وتكىزۋدە.
سۋرەتتى شينحۋا اگەنتتىگىنىڭ ءتىلشىسى يان بوگۋ تۇسىرگەن
|
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
