جاۋ لىجي سەررا - لەوننىڭ زۇڭتۇڭى بيومەن كەزدەستى
2024.02.29 17:07 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 28 – كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 2 - ايدىڭ 28 - كۇنى بەيجيڭدە سەررا - لەوننىڭ زۇڭتۇڭى بيومەن كەزدەستى.
جاۋ لىجي مىىنانى ءبىلدىردى: ءتوراعا شي جينپيڭ مەن زۇڭتۇڭ مىرزانىڭ جەتەكشىلىگىندە، ەكى ەل قارىم - قاتىناسى جوعارى دەڭگەيگە كوتەرىلىپ، سەلبەستىكتە سۇبەلى تابىستارعا قول جەتكىزىلدى. جۇڭگو جاق سەررا – لەون جاقپەن بىرگە ەكى ەل مەملەكەت باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، ساياسي سەنىمدىلىكتى بەكەمدەپ، ناقتى سەلبەستىكتى تەرەڭدەتىپ، حالىقارالىق ىستەردە تىعىز سەلبەستىكتى ساقتاپ، جۇڭگو مەن سەررا - لەوننىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى. جاۋ لىجي اشىلۋ الدىندا تۇرعان 14 - كەزەكتى مەملەكەتتىك حالىق قۇرىلتايىنىڭ 2 - ءماجىلىسىنىڭ جاعدايىن تانىستىرىپ، جۇڭگونىڭ سەررا - لەون پارلامەنتىمەن سەلبەسۋگە ايرىقشا ءمان بەرەتىنىن، زاڭ شىعارۋ قۇرىلىمدارىنىڭ ءار دارەجەلى اۋىس - كۇيىسىن كۇشەيتىپ، ەكى جاقتى سەلبەستىكتى اناعۇرلىم جاقسى زاڭدىق كەپىلمەن قامداپ، ساياسي پارتيا، جەرگىلىكتى ورىن، گۋمانيتارلىق سياقتى سالالارداعى بارىس - كەلىستى ىلگەرىلەتىپ، دەموكراتيا، زاڭمەن جونگە سالۋ قۇرىلىسىنىڭ تاجىريبەلەرىنەن بىرگە يگىلىكتەنۋدى قالايتىنىن ءبىلدىردى.
بيو مىنانى ءبىلدىردى: جۇڭگو − سەررا - لەوننىڭ سەنىمدى سەرىگى جانە ۇلى دوسى، سەررا - لەون جاق جۇڭگومەن قارىم - قاتىناسىن دامىتۋعا ايرىقشا ءمان بەرەدى، جۇڭگومەن ەل باسقارۋداعى اۋىس - كۇيىس پەن ناقتى سەلبەستىكتى كۇشەيتىپ، ەكى ەل حالىقتارىنا باقىت جاراتۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
