ساياسي كەڭەس مەملەكەتتىك 14 - كەزەكتى كوميتەتىنىڭ 2 - ءماجىلىسى ەكىنشى جالپى جيىنىن وتكىزدى
ۋاڭ حۋنيڭ قاتىناستى، 14 مۇشە ماجىلىستە ءسوز سويلەدى
2024.03.09 08:54 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 7 – كۇنى، بەيجيڭ. ساياسي كەڭەس مەملەكەتتىك 14 - كەزەكتى كوميتەتىنىڭ 2 – ءماجىلىسى 3 - ايدىڭ 7 – كۇنى تۇستەن بۇرىن حالىق سارايىندا ەكىنشى جالپى ماجىلىسىن وتكىزدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ماجىلىسكە قاتىناستى. 14 مۇشە ماجىلىستە ءسوز سويلەدى.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى جاڭ گوچيڭ، سونداي - اق ج ك پ ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار ۇسىنىس بويىنشا ماجىلىسكە قاتىناسىپ، سوزدەردى تىڭدادى.
مۇشە نيڭ جيجى ءسوز سويلەپ بىلاي دەدى: وتكەن ءبىر جىلدا ەلىمىز ەكونوميكاسىنىڭ قايتا ورلەۋى جاقسارىپ، ساپالى دامۋ تىڭعىلىقتى ىلگەرىلەتىلدى. ماكرولىق تىزگىندەۋ تەبىنىن ارتتىرىپ، ارتۋدى ورنىقتىرۋعا ءتيىمدى ساياساتتاردى كوبىرەك شىعارۋدى؛ عىلىم - تەحنيكادا جاڭالىق اشۋ ارقىلى جەتەكشىلىك ەتۋدى كورنەكتىلەندىرىپ، جاڭا ساپالى وندىرگىش كۇشتەردى جەدەل قالىپتاستىرۋدى؛ ءتۇرلى ءادىس - امالدارمەن ىشكى سۇرانىمدى كەڭەيتىپ، قالا - اۋىل مەن وڭىرلەردىڭ دامۋ كەڭىستىگىن اشۋدى؛ قۇرىلىمدىق رەفورمانى ىلگەرىلەتىپ، رەفورما جاساپ، ەسىك اشۋ، تيپىن وزگەرتىپ دامۋ جاعىندا بەلسەنە العا باسۋدى ۇسىنىس ەتەمىن.
مۇشە چىن چۇن جۇڭگو دەموكراتتار وداعى ورتالىق كوميتەتى اتىنان ءسوز سويلەپ بىلاي دەدى: ەلىمىز نەگىزدىك زەرتتەۋ سالاسىندا باياندى دامۋعا قول جەتكىزدى، نەگىزدىك زەرتتەۋ دەڭگەيىنىڭ جوعارىلاۋىن ونان ارى ىلگەرىلەتۋ نەگىزدىك زەرتتەۋ زاڭدىلىعىنا ۇيلەسەتىن ناقتى شارالاردى بەلگىلەپ، نەگىزدىك زەرتتەۋگە قاجىماي – تالماي ازىرلەنەتىن تۇزىمدىك ورتا ازىرلەۋدى قاجەت ەتەدى. ەركىن ىزدەنىس جاساۋ تيپىندەگى نەگىزدىك زەرتتەۋگە جەتكىلىكتى كەڭىستىك قالدىرىپ، عىلمي زەرتتەۋ قىزمەتكەرلەرىنىڭ ناعىز قۇندى عىلمي ماسەلەلەردى نەمەسە تەحنيكالىق قيىن ماسەلەلەردى تابۋىنا دەم بەرىپ، قولداۋ كورسەتىپ، جۇمىستى تىڭعىلىقتى ىستەپ، قۇنىتتاپ ىستەپ، ۇزاق ۋاقىت تاباندى بولىپ، عالىمداردى عىلىم - تەحنيكادا جاڭالىق اشۋ اۋىر مىندەتىن ارقالاۋعا شابىتتاندىرۋدى ۇسىنىس ەتەمىن.
مۇشە ي گاڭ سوزىندە بىلاي دەدى: فينانستىڭ ساپالى دامۋىن ىلگەرىلەتۋدە فينانس ساياساتى مەن قازىنا سياقتى ساياساتتاردىڭ سايكەسۋىن، سەلبەسۋىن كۇشەيتۋ ءارى ەكونوميكالىق اينالىمنىڭ ءىشىنارا شەشۋشى بۋىندارىنا باعىتتامالى شارالار قولدانۋ كەرەك. قازىنا ساياساتى كەڭىستىگىنەن ويداعىداي پايدالانىپ، كوپ ءتۇرلى اقشا ساياساتى قۇرالدارىنان جان - جاقتى پايدالانىپ، قوعامدىق كاپيتال قورىنا قارجى قوسۋ مەن قارجى قۇراۋدى ارتتىرۋدى اناعۇرلىم ماڭىزدى ورىنعا قويىپ، فينانستىڭ جوعارى دەڭگەيدە ەسىك اشۋىن كۇش سالا ىلگەرىلەتىپ، مەملەكەتتىڭ فينانس جانە ەكونوميكالىق حاۋىپسىزدىگىنە كەپىلدىك ەتۋدى ۇسىنىس ەتەمىن.
مۇشە سىما حۇڭ جۇڭگو دەموكراتيالىق مەملەكەت قۇرۋ قوعامى ورتالىق كوميتەتى اتىنان ءسوز سويلەپ بىلاي دەدى: ساپالى دامۋ وسىزاماندانعان كاسىپ جۇيەسىنىڭ تىرەك بولۋىن قاجەت ەتەدى. كاسىپ سالاسىنىڭ كەڭىستىك ورنالاسۋىن ساپالىلاندىرىپ، كاسىپ سالاسىنىڭ توعىسۋىن، شوعىرلى دامۋىن ىلگەرىلەتىپ، ستراتەگيالىق جاڭادان گۇلدەنگەن كاسىپ سالاسىنىڭ دامۋى ارقىلى وسىزاماندانعان كاسىپ جۇيەسى قۇرىلىسىنا جەتەكشىلىك ەتىپ، عىلىم - تەحنيكادا جاڭالىق اشۋدى جەتەكشى، وزىق جاساۋ كاسىبىن تىرەك ەتكەن وسىزاماندانعان كاسىپ جۇيەسىن قالىپتاستىرۋدى ۇسىنىس ەتەمىن.
مۇشە چى جۇن ءسوز سويلەپ بىلاي دەدى: چاڭجياڭ اتىراۋىن ءبىر تۇلعالاندىرا دامىتۋدى ىلگەرىلەتۋ – زور ءىس. ءبىر تۇلعالاندىرۋدى جوعارى ساپامەن تىعىز بايلانىستىرىپ، وڭىرلىك ستراتەگيالىق ۇشتاسۋدى كۇشەيتىپ، ستراتەگيالىق عىلىم - تەحنيكا كۇشتەرىن ءبىر تۇتاس جوسپارلاپ ورنالاستىرىپ، بوگەت بولىپ وتىرعان شەشۋشى، وزەكتى تەحنيكالاردى ارقاۋ ەتىپ، بىرلەسىپ قامال الۋعا ۇيىمداستىرىپ، باسىمدىققا يە ءوندىرىس قۋاتىن، ساپالى جابدىقتاردى، قولدانىلمالى تەحنيكالاردى جانە ولشەمدەردى ”سىرتقا شىعارۋدى“ ىلگەرىلەتىپ، ءبىر تۇلعالاندىرۋدان ۇلگى كورسەتۋ رايونى قۇرىلىسىن تەرەڭدەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە ۇلەس قوسۋدى ۇسىنىس ەتەمىن.
مۇشە ۋاڭ لۋ جۇڭگو شارۋا - جۇمىسشى دەموكراتيالىق پارتياسى ورتالىق كوميتەتى اتىنان ءسوز سويلەپ بىلاي دەدى: جاڭا ماتەريال كاسىبىن بەلسەنە جەتىلدىرۋ، دامىتۋ كەرەك. جاڭا ماتەريالدىڭ نەگىزگى تۇرلەرى مەن ءتۇيىندى كاسىپ سالاسى شوعىرلانعان رايونداردى قامتىعان عىلىم - تەحنيكادا جاڭالىق اشۋ ورنالاستىرۋىن جەدەل ورناتىپ، باستاماشى كاسىپورىنداردى، الدىڭعى لەكتەگى كاسىپورىنداردى جەتەكشى ەتكەن ءوندىرۋ، وقىتۋ، زەرتتەۋ، پايدالانۋ جوعارى ونىمدىلىكپەن سايكەسكەن، جوعارى دەڭگەيدەگىلەر مەن تومەن دەڭگەيدەگىلەر تىعىز سەلبەسكەن كاسىپ سالاسى شوعىرىن قۇرىپ، عىلىم - تەحنيكا، فينانس، كاسىپ سالاسى قاتارلى ساياساتتىق قولداۋ جانە دارىندى، بايلىق، ساندى مالىمەت سياقتى فاكتورلارمەن جاڭا ماتەريالداردى دامىتۋ سالاسىن اناعۇرلىم شوعىرلى تۇردە
قامتاماسىزداندىرۋدى ۇسىنىس ەتەمىن.
مۇشە كۇڭ چاڭشىڭ ءسوز سويلەپ بىلاي دەدى: اۋىل شارۋاشىلىعىن وسىزامانداندىرۋدىڭ اياق الىسى جۇڭگو ۇلگىسىندەگى وسىزامانداندىرۋدىڭ نىسانالىق اياق الىسىمەن جانە ساپاسىمەن تىكەلەي قاتىستى. الدىڭعى لەكتىك عىلىم - تەحنيكا ارقىلى اۋىل شارۋاشىلىعىن وسىزامانداندىرۋعا تىرەك بولىپ، اۋىل شارۋاشىلىق ءوندىرىس قۇرال - جابدىقتارى، اۋىل شارۋاشىلىق ماشينالارى، اۋىل شارۋاشىلىق ءوندىرىسى، اۋىل شارۋاشىلىق ونىمدەرىن مانەرلەۋ سياقتى بۋىنداردا تىزبەكتى توعىستىرۋ ارقىلى اۋىل شارۋاشىلىعىن كاسىپتىك جاقتان سالالاندىرۋدى ىلگەرىلەتىپ، ۇيلەسىمدى كولەمدەگى تيجارات ارقىلى اۋىل شارۋاشىلىق ءوندىرىس ءتاسىلىنىڭ وزگەرىسىن ىلگەرىلەتىپ، جاڭاشا اۋىل شارۋاشىلىق كاپيتالىن جەتىلدىرۋ ارقىلى اۋىل شارۋاشىلىعىن دامىتۋدىڭ ىشكى قوزعاۋشى كۇشىن ارتتىرىپ، اۋىل شارۋاشىلىعىن وسىزاماندانعان ءىرى كاسىپ سالاسى ەتىپ قۇرىپ شىعۋدى ۇسىنىس ەتەمىن.
مۇشە شۇي شياۋلان ادىلەتشىلەر پارتياسى ورتالىق كوميتەتى اتىنان ءسوز سويلەپ بىلاي دەدى: سيفرلاندىرۋدى وزەكتى قوزعاۋشى كۇش، جاڭادان گۇلدەنگەن تەحنيكانى جۇزەگە اسىرۋ ءتاسىلى، تۇتىنۋشىلاردىڭ قاجەتىن وزەكتى جەتەكشى ەتكەن جاڭاشا تۇتىنۋ قارىشتاپ دامىدى. سۇرانىس جاعىنان ىسكە كىرىسىپ، جاڭا تۇتىنۋ شوعىرىن جەتىلدىرىپ، قامداۋ جاعىنداعى رەفورمادان باستاپ ىسكە كىرىسىپ، باي مازمۇندى تۇتىنۋ بۇيىمدارىمەن جانە تۇتىنۋ فورماسىمەن قامداپ، جاڭاشا تۇتىنۋدى جەتىلدىرىپ، زورايتىپ، تۇتىنۋ جاعىنداعى كومەسكى كۇشتى ۇزدىكسىز اشۋدى ۇسىنىس ەتەمىن.
مۇشە لان شاۋمين سوزىندە بىلاي دەدى: استىق ءوندىرىسى − استىق حاۋىپسىزدىگىنىڭ نەگىزى. ولكەلەر ارا ەندىك مۇددە تولەم مەحانيزمىن ورناتىپ، ورتالىقتىڭ بويلىق قولداۋ ساياساتى مەن ولكەلەر ارا ەندىك تولەم بەرۋ ساياساتىن ۇشتاستىرىپ، استىق وندىرەتىن ءىرى ولكەلەردى، استىق وندىرەتىن ءىرى اۋدانداردى سيلاۋ ساياساتى جاعىنان قولداۋ تەبىنىن ارتتىرىپ، تولەم ولشەمىن ۇيلەسىمدى بەلگىلەپ، استىق وندىرەتىن نەگىزگى رايونداردىڭ استىق ەگۋ بەلسەندىلىگىن جوعارىلاتىپ، بازاردىڭ جەتكىلىكتى قامداۋىنا، ىشەر استىقتىڭ مۇلدەم حاۋىپسىزدىگىنە كەپىلدىك ەتۋدى ۇسىنىس ەتەمىن.
مۇشە جاۋ جيڭ 3 - قىركۇيەك ءىلمي قوعامى ورتالىق كوميتەتى اتىنان ءسوز سويلەپ بىلاي دەدى: فينانس بەينە جاندى سۋ سياقتى، عىلىم - تەحنيكانىڭ تۇقىمىن سۋارىپ، جاڭالىق اشۋدىڭ توپىراعىن قۇنارلاندىرىپ، جاڭا كاسىپتىڭ مايساسىن تۋىنداتتى. عىلىم - تەحنيكا، فينانس جۇيەسى قۇرىلىسىن جەدەلدەتىپ، عىلىم - تەحنيكا، فينانس ارناۋلى قارجىسىن بىرىكتىرىپ قۇرىپ، كاپيتال بازارىنىڭ فۋنكتسياسىن اناعۇرلىم ويداعىداي ساۋلەلەندىرىپ، عىلىم - تەحنيكا، فينانستىق دارىندىلار مەن كاسىپورىنداردىڭ عىلىم - تەحنيكادا جاڭالىق اشۋ دارىندىلارىن جەدەل جەتىلدىرىپ، ينفورماتسيالىق قىزمەت وتەۋ تۇعىرى قۇرىلىسىن ىلگەرىلەتىپ، كاسىپورىن ينفورماتسياسىنىڭ جاريالىلىعى مەن كاسىپ سالاسى ينفورماتسياسىنىڭ جاريالىلىعىن جوعارىلاتىپ، عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدى جۇزەگە اسىرۋعا دەم بەرۋدى ۇسىنىس ەتەمىن.
مۇشە تاۋ جى پارتيا - توپتاردا جوق قايراتكەرلەر اتىنان ءسوز سويلەپ بىلاي دەدى: داشۋە − جاس عىلىم - تەحنيكا دارىندىلارىن تاربيەلەيتىن ماڭىزدى شەپ. جوعارى مەكتەپتەردىڭ نەگىزدىك وقۋ - اعارتۋ ءبولىم باستىقتارىنىڭ پەريودتى تۇتاستىرىپ تاربيەلەۋ ۇلگىسى جونىندە ىزدەنىس جاساۋىنا قولداۋ كورسەتىپ، نەگىزدىك وقۋ - اعارتۋ مەن جوعارى دارەجەلى وقۋ - اعارتۋدى ۇشتاستىرىپ تاربيەلەۋدى كۇشەيتىپ، شەشۋشى عىلمي ماسەلەلەر مەن كەلەلى نىسانداردى جەتەكشى ەتىپ، ساتىلى توعىسپالى ادام تاربيەلەۋ جۇيەسىن ورناتىپ، عىلىم - تەحنيكا دارىندىلارىن دەربەس تاربيەلەۋ دەڭگەيىن جوعارىلاتۋدى ۇسىنىس ەتەمىن.
مۇشە نان سۇنحۇي مەملەكەتتىك ساۋدا - ونەركاسىپشىلەر بىرلەستىگى اتىنان ءسوز سويلەپ بىلاي دەدى: حالىقتىق كاسىپورىندار − جاڭاشا ونەركاسىپتەندىرۋدى ىلگەرىلەتۋدەگى ماڭىزدى كۇش. كاسىپورىنداردىڭ مەملەكەتتىڭ عىلىم - تەحنيكالىق ستراتەگيالىق شەشىم جاساۋىنا ۇدايىلانعان ات سالىسۋ مەحانيزمىن ورناتىپ، حالىقتىق عىلىم - تەحنيكا كاسىپورىندارىنىڭ عىلىم - تەحنيكالىق كەلەلى نىساندارعا قاتىناسۋىن قولداپ، حالىقتىق كاسىپورىنداردىڭ ءادىل باسەكە ورتاسىن قورعاپ، حالىقتىق كاسىپورىنداردىڭ ماڭىزدى رولىن تولىق ساۋلەلەندىرىپ، جۇڭگو ۇلگىسىندەگى وسىزامانداندىرۋعا قۇدىرەتتى زاتتىق - تەحنيكالىق نەگىز قالاۋدى ۇسىنىس ەتەمىن.
مۇشە ما جيانتاڭ بىلاي دەدى: قاۋقارسىز قارتتاردى كۇتىمدەۋ قاجەتىن اناعۇرلىم ويداعىداي قاناعاتتاندىرۋ ەلىمىزدىڭ زەينەتكەرلىككە قىزمەت وتەۋ جۇيەسىندە شۇعىل شەشۋگە ءتيىستى كورنەكتى ماسەلەگە اينالدى. ۇزاق ۋاقىت كۇتىمدەۋشىلەرمەن قامداۋدى كوپ ارنامەن ارتتىرىپ، الەۋمەتتىك اۋماقتىڭ قاۋقارسىز قارتتارعا كۇتىمدەۋ جاعىنان قىزمەت وتەۋىن زور كۇشپەن قولداپ، قاۋقارسىز قارتتار كومەكشى جابدىقتارىن وندىرۋگە جانە پايدالانۋعا دەم بەرىپ، ۇزاق ۋاقىت كۇتىمدەۋ قامسىزداندىرۋىنىڭ سىناق ءتۇيىنى كولەمىن كەڭەيتىپ، قارتتاردىڭ تۇرمىس ساپاسىن جوعارىلاتۋدى ۇسىنىس ەتەمىن.
مۇشە شيا جيە مەملەكەتتىك ايەلدەر بىرلەستىگى اتىنان ءسوز سويلەپ بىلاي دەدى: تۋىتتى قولداۋ ساياسات جۇيەسىن ورناتۋ جانە كەمەلدەندىرۋ − حالىق سانىنىڭ ۇزاق ۋاقىت بىركەلكى دامۋىن جەبەۋدىڭ پارمەندى تىرەگى. ساپالى، جالپىعا ءتيىمدى اماناتتاپ تاربيەلەۋگە قىزمەت وتەۋدى كۇش سالا دامىتىپ، ۇكىمەت باسقارۋىنداعى اماناتتاپ تاربيەلەۋگە قىزمەت وتەۋ قۇرىلىمدارىمەن قامداۋدى ارتتىرىپ، قوعامدىق كۇشتەردى جالپىعا ءتيىمدى اماناتتاپ تاربيەلەۋ قىزمەت وتەۋ قۇرىلىسىنا ات سالىسۋعا شابىتتاندىرىپ، تۋىت قامسىزداندىرۋى مامىلەسىنىڭ دەڭگەيىن ورنىقتى جوعارىلاتىپ، تۋىتقا ءتيىمدى ورتانى قالىپتاستىرۋ كەرەك.
ءماجىلىستى مەملەكەتتىك ساياسي كەڭەس ءتوراعاسىنىڭ ورىنباسارى شىن يۋەيۋە باسقاردى.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەس ءتوراعاسىنىڭ ورىنباسارى شى تايفىڭ، مەملەكەتتىك ساياسي كەڭەس ءتوراعاسىنىڭ ورىنباسارلارى حۋ چۇنحۋا، ۋاڭ يۇڭ، جوۋ چياڭ، پابالا گىلەلاڭجيە، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
