شينجياڭ ۋاكىلدەر ۇيىرمەسى بىرلەسىپ 6 كەڭەستىك جوبا، 127 ۇسىنىس تاپسىردى
2024.03.12 15:13 كەلۋ قاينارى : حالىق تورابى
ءتىلشىنىڭ 3 ـ ايدىڭ 11 ـ كۇنى شينجياڭ ۋاكىلدەر ۇيىرمەسىنىڭ قىزمەت گرۋپپاسىنان ۇعىسۋىنشا، 14 ـ كەزەكتى مەملەكەتتىك حالىق قۇرىلتايىنىڭ 2 ـ ماجىلىسىندەگى ۋاكىلدەردىڭ كەڭەس جوبالار مەن ۇسىنىستاردى تاپسىرۋىنىڭ شەكتى ۋاقىتى بولعانعا دەيىن، شينجياڭ ۋاكىلدەر ۇيىرمەسىنىڭ ۋاكىلدەرى بىرلەسىپ 6 كەڭەستىك جوبا، 127 ۋاكىلدەر ۇسىنىسىن تاپسىرعان.
ۋاكىلدەر بىرلەسىپ ۇسىنعان كەڭەس جوبالاردىڭ باستى مازمۇنى مىنالاردى قامتيدى: شەتەلدىڭ جازالاۋىنا قارسى تۇرۋ زاڭى، جۇمىستانۋدى جەبەۋ زاڭى، ۋاكىلدەر زاڭى، اۋا رايى زاڭى، ەركىن ساۋدا سىناق رايونى زاڭىن جاساۋ، جاڭا داۋىردەگى پروكۋراتۋرا ورگاندارىنىڭ زاڭدىق باقىلاۋ قىزمەتىن كۇشەيتۋ جونىندە قاۋلى شىعارۋ.
ۋاكىلدەر جوعارى ساپالى دامۋدىڭ ماڭداي الدى مىندەتىن ارقاۋ ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە –ءدال دايەكتىلەندىرىپ، رەفورما، دامۋ، ورنىقتىلىق جانە ءار ۇلت بۇقاراسى جاپپاي كوڭىل ءبولىپ وتىرعان كەلەلى ماسەلەلەرمەن تىعىز بايلانىستىرىپ ۇسىنىس قويدى. نازاردى وسىزاماندانعان كاسىپ سالاسى جۇيەسىن قۇرۋعا شوعىرلاندىرعاندا، كوپشىلىك شينجياڭنىڭ ەنەرگيا بايلىعى باسىمدىعىن اناعۇرلىم ويداعىداي ساۋلەلەندىرۋىن قولداپ، ”سەگىز ءىرى كاسىپ شوعىرىن“ جوعارى ساپامەن قۇرىپ، مۇناي، تابيعي گاز ءوندىرۋ، وڭدەۋ، كومىر ەلەكتر، كومىر حيميا ونەركاسىبى، جاڭا ەنەرگيا، استىق، ماقتا، مال شارۋاشىلىعى سياقتى كاسىپتەر شوعىرىنىڭ شەشۋشى بۋىندارىنان قامال الۋدى جانە مۇناي، تابيعي گازدى بارلاۋدى جەدەلدەتۋ، كەن ىزدەۋ، كەن بارلاۋ، شينجياڭنىڭ ەلەكترىن سىرتقا جەتكىزۋ، شينجياڭ كومىرىن سىرتقا تاسىمالداۋ قاتارلىلار جونىندە ۇسىنىس بەردى.
جۇڭگوشا وسىزاماندانعان شينجياڭ امالياتىن ىلگەرىلەتۋ جاعىندا، ۋاكىلدەردىڭ ۇسىنىسى، باستىسى، جۇڭحۋا ۇلتى ورتاق تۇلعا قۇرىلىسىن ىلگەرىلەتۋ، بيڭتۋان مەن جەرگىلىكتى ورىننىڭ توعىسا دامۋى، فينانستىق قىزمەت وتەۋ، جاسىل ەسەپتەۋ قۋاتى، سىرتقا ەسىك اشۋ، وسى زامانعى جاساۋ كاسىبى، وقۋ - اعارتۋ جانە دارىندى، تەمىر جول، تاس جول نەگىزدىك قۇرىلعى قۇرىلىسى سياقتى قاتارلى جاقتاردى قامتىدى. ۋاكىلدەر تاعى زەينەتكەرلىك، ەمدەۋ، قوعامدىق قامتاماسىزداندىرۋ، تومەن كومىر قىشقىل گازدى ورتانى قورعاۋ، ءادىليادا ءادىل بولۋ، مادەني مۇرالاردى قورعاۋ جانە ودان پايدالانۋ سياقتى بۇقارا كوڭىل ءبولىپ وتىرعان ماسەلەلەر جونىندە ۇسىنىس قويدى.
قازىر شينجياڭ ۋاكىلدەر ۇيىرمەسى العا قويعان كەڭەستىك جوبالار مەن ۇسىنىستارىن تۇگەلدەي ءماجىلىستىڭ تالابى بويىنشا تاپسىرىپ بولدى. شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ ۋاكىلدەرمەن بايلانىس جاساۋ قۇرىلىمى پىكىرلەسۋ، ءتۇيىلىستىرۋ، قىزمەت وتەۋ، قامتاماسىز ەتۋ قىزمەتىن ويداعىداي ىستەۋگە بەلسەنە سەلبەسىپ، ۋاكىلدەردىڭ كەڭەس جوبالارى مەن ۇسىنىستارىنىڭ ءونىمدى تۇردە ءبىر جاقتى ەتىلۋىن، تياناقتانۋىن جەبەيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
