قاقاعان ايازدان موڭعۇليادا 3 ميلليون 900 مىڭ باس مال ءولدى
2024.03.12 15:15 كەلۋ قاينارى : حالىق تورابى
موڭعۇليا شۇعىل جاعداي كوميتەتىنىڭ 3 – ايدىڭ 11 – كۇنى بەرگەن حابارىنا قاراعاندا، 3 –ايدىڭ 7 – كۇنىنە دەيىن قاقاعان اياز، قارلى بوراننىڭ كەسىرىنەن اتالعان ەلدە 3 ميلليون 900 مىڭ باس مال ولگەن.
2023 - جىلى قىس كىرگەننەن بەرى موڭعۇليادا قاقاعان اياز بەن قارلى بوران بولىپ، مەملەكەت بويىنشا ورتاشا قار مولشەرى 1975 - جىلدان بەرگى ەڭ جوعارى رەكوردتى جاراتىپ، مەملەكەت جەرىنىڭ %80 جەرىن قالىڭ قار قىمتاپ قالعان.
موڭعۇليا دۇنيە جۇزىندە ءالى دە كوشپەلى مال شارۋاشىلىق ءداستۇرىن ساقتاپ قالعان ەلدەردىڭ ءبىرى، مال شارۋاشىلىعى ‐ ونىڭ ماڭىزدى تىرەكتى كاسىبى. موڭعۇليا مەملەكەتتىك ساناق كوميتەتى جاريالاعان ساندى مالىمەتكە قاراعاندا، 2023 - جىلدىڭ سوڭىندا وسى ەلدىڭ قولدا بار مال سانى 64 ميلليون 700 مىڭ باس بولعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
