سىرتقى ىستەر مينيسترلىگى: ا ق ش – تىڭ ءارقانداي تاسىلمەن، ءارقانداي سىلتاۋمەن تايۋان ىستەرىنە كيلىگۋىنە باتىل قارسى تۇرامىز
2024.05.24 15:30 كەلۋ قاينارى : حالىق تورابى
5 – ايدىڭ 23 – كۇنى، سىرتقى ىستەر مينيسترلىگىنىڭ مالىمدەمەشىسى ۋاڭ ۋىنبين كەزەكتى تىلشىلەر جينالىسىن باسقاردى.سۇراۋ: حابارعا قاراعاندا، ا ق ش پارلامەنتى قاۋىم پالاتاسى سىرتقى ىستەر كوميتەتىنىڭ ءتوراعاسى ماكور تاياۋدا 5 - ايدىڭ سوڭىندا ۇيىرمە باستاپ تايۋانعا ساپارلاي بارىپ، تايۋان پارلامەنتىنىڭ جاڭادان تاعايىندالعان ”باسشىلارىنىڭ“ مىندەتكە وتىرۋىن قۇتتىقتايتىنىن ايتتى. جۇڭگو جاق بۇعان قانداي باعا بەرەدى؟
جاۋاپ: جۇڭگو جاق ا ق ش پەن تايۋاننىڭ ءارقانداي فورماداعى ۇكىمەتتىك بارىس - كەلىس جاساۋىنا باستان - اياق باتىل قارسى تۇرادى، ا ق ش – تىڭ ءارقانداي تاسىلمەن، ءارقانداي سىلتاۋمەن تايۋان ىستەرىنە كيلىگۋىنە باتىل قارسى تۇرادى. ا ق ش پارلامەنتى ‐ ا ق ش ۇكىمەتىنىڭ قۇرامداس بولىگى، ا ق ش – تىڭ ءبىر جۇڭگو ساياساتىنا قاتاڭ بويسۇنۋى كەرەك. پارلامەنت مۇشەلەرى ەگەر تايۋانعا ساپارلاي بارسا، ءبىر جۇڭگو پرينسيبى مەن جۇڭگو - ا ق ش ءۇش بىرلەسكەن مازمۇنداماسىنا اۋىر قايشىلىق جاساپ، جۇڭگونىڭ ىشكى ىسىنە كيلىگىپ، جۇڭگونىڭ يەلىك ۇقىعى مەن تەرريتوريا تۇتاستىعىنا زيان جەتكىزىپ، ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەرگە اۋىر قاتە سيگنال بەرەدى.
جۇڭگو ا ق ش – تان ءبىر جۇڭگو پرينسيبىنە جانە جۇڭگو ا ق ش ءۇش بىرلەسكەن مازمۇنداماسىنا قۇرمەت ەتۋىن تالاپ ەتەدى، پارلامەنت مۇشەلەرىن تايۋانعا ساپارعا ورنالاستىرۋىنا بولمايدى، ا ق ش پەن تايۋاننىڭ رەسمي قاتىناسىن توقتاتىپ، تايۋان بۇعازى اۋقىمىندا شۇعىل جاعداي تۋدىرۋدى توقتاتىپ، ٴىس جۇزىندىك ارەكەتى ارقىلى ا ق ش جاقتىڭ تايۋان رايونىمەن تەك عانا مادەني، ساۋدا ىستەرى جانە باسقا دا بەي ۇكىمەتتىك قارىم – قاتىناس جاساۋىن، سونداي – اق ”تايۋاندى دەربەستەندىرۋدى“ قولداماۋ ۋادەسىن ورىنداۋىن تالاپ ەتەدى. ەگەر ا ق ش جاق العان بەتىنەن قايتپاسا، وسىدان تۋىلعان زارداپقا، ءسوز جوق، بۇكىلدەي ا ق ش جاۋاپتى بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved