سىرتقى ىستەر مينيسترلىگى: توڭمويىندىقپەن جۇڭگوعا شەكتەۋ سالعان، جۇڭگوعا قارسى تۇرعان ءارقانداي ادامدى، ءارقانداي ۇيىمدى زاڭ بويىنشا قاتاڭ جازالايمىز
2024.05.23 14:45 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ما جويان 5 – ايدىڭ 22 – كۇنى بەيجيڭنەن حابارلايدى. جۇڭگونىڭ سىرتقى ىستەر مينيسترلىگىنىڭ جۋىردا ا ق ش پارلامەنتىنىڭ بۇرىنعى مۇشەسى گاللاگەرگە قارسى جازالاۋ شارالارىن اتقارۋ تۋرالى ۇيعارىمىن جاريالاعانى جونىندە سىرتقى ىستەر مينيسترلىگىنىڭ مالىمدەمەشىسى ۋاڭ ۋىنبين 5 – ايدىڭ 22 – كۇنى مىنانى ءبىلدىردى: جۇڭگو جاقتىڭ مەملەكەتتىڭ يەلىك ۇقىعىنىڭ حاۋىپسىزدىگىن، دامۋ جاعىنداعى ۇقىق – مۇددەسىن قورعاۋ بەكىمى وزگەرمەيدى. توڭمويىندىقپەن جۇڭگوعا شەكتەۋ سالعان، جۇڭگوعا قارسى تۇرعان ءارقانداي ادامدى، ءارقانداي ۇيىمدى جۇڭگو جاق زاڭ بويىنشا قاتاڭ جازالايدى.
ۋاڭ ۋىنبين سول كۇنى تىلشىلەردى قابىلداۋ ماجىلىسىندە سۇراۋعا جاۋاپ بەرگەندە بىلاي دەدى: ا ق ش – نىڭ بۇرىنعى پارلامەنت مۇشەسى گاللاگەر جۋىرداعى جىلداردان بەرى جەكە باسىنىڭ مۇددەسى مەن جۇڭگوعا دەگەن سىڭار جاقتىلى كوزقاراسى سەبەبىنەن جۇڭگوعا قاتىستى ماسەلەلەردە جۇڭگونىڭ ىشكى ىستەرىنە اۋىر دارەجەدە كيلىگىپ، جۇڭگونىڭ يەلىك ۇقىعى مەن تەرريتوريا تۇتاستىعىنا اۋىر دارەجەدە زيان جەتكىزىپ، جۇڭگو مەن ا ق ش – نىڭ قارىم – قاتىناسىنا اۋىر دارەجەدە كەدەرگىلىك جاسادى ءارى ءبۇلدىردى، جۇڭگو جاقتىڭ مۇددەسىن جانە جۇڭگو مەن ا ق ش ەكى ەلدىڭ ورتاق مۇددەسىن اۋىر دارەجەدە زياندادى، سيپاتى مەن ىقپالى توتەنشە ناشار بولدى.
ول مىنانى ءبىلدىردى: «جۇڭحۋا حالىق رەسپۋبليكاسىنىڭ شەتەلدىڭ جازالاۋىنا قارسى تۇرۋ زاڭىنا» ساي، جۇڭگو جاق گاللاگەرگە قارسى جازالاۋ شاراسىن اتقارادى، مۇندا ونىڭ شەكارادان كىرۋىنە تيىم سالۋ، ونىڭ جۇڭگوداعى مال – مۇلكىن مۇزداتۋ، ەلىمىز شەكاراسى ىشىندەگى ۇيىمداردىڭ، جەكەلەردىڭ ونىڭ وزىمەن قاتىستى ساۋدا جاساۋ، سەلبەستىك ورناتۋ قيمىلىنا تيىم سالۋ قامتىلادى. ناقتى مازمۇنى سىرتقى ىستەر مينيسترلىگىنىڭ بۇيرىعى ارقىلى جاريالانادى.
ۋاڭ ۋىنبين: ءسوزسىز، باسا دارىپتەيتىنىمىز، جۇڭگو جاقتىڭ مەملەكەتتىڭ يەلىك ۇقىعىنىڭ حاۋىپسىزدىگى مەن دامۋ جاعىنداعى ۇقىق – مۇددەسىن قورعاۋ بەكىمى وزگەرمەيدى. توڭمويىندىقپەن جۇڭگوعا شەكتەۋ سالعان، جۇڭگوعا قارسى تۇرعان ءارقانداي جەكەلەردى، ءارقانداي ۇيىمداردى جۇڭگو جاق زاڭ بويىنشا قاتاڭ جازالايدى، _ دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
