وسى اپتادا سولتۇستىك شينجياڭ جاۋىن – شاشىندى بولادى
وڭتۇستىك شينجياڭنىڭ، شىعىس شينجياڭنىڭ تەمپەراتۋراسى ءۇرتىس جوعارىلايدى
2024.05.21 15:51 كەلۋ قاينارى : حالىق تورابى
5 - ايدىڭ 20 – كۇنى ءتىلشىنىڭ شينجياڭ اۋا رايى ستانسياسىنان ۇعىسۋىنشا، وسى اپتادا (5 - ايدىڭ 20 - كۇنىنەن 26 - كۇنىنە دەيىن)، سولتۇستىك شينجياڭدا جاۋىن - شاشىن كوپ بولادى، وڭتۇستىك شينجياڭدا، شىعىس شينجياڭدا جوعارى تەمپەراتۋرا ءۇرتىس جالعاسادى. شينجياڭ اۋا رايى ستانسياسى مىنانى ەسكەرتتى: سولتۇستىك شينجياڭ وڭىرىندە تاۋلى وڭىرلەردە نوسەر جاۋۋ، ءىشىنارا جەرلەردە كۇشتى كونۆەكسيالىق اۋا رايى، قۇمدى بوران، تاۋ تاسقىنى، گەولوگيالىق اپات سياقتىلاردىڭ ءتيىمسىز ىقپالىنان ءتۇيىندى تۇردە ساقتانۋ كەرەك. وڭتۇستىك شينجياڭ مەن شىعىس شينجياڭ ىستىقتان ساقتانىپ، تەمپەراتۋرانى تومەندەتۋگە جانە وتتان حاۋىپسىز پايدالانۋعا كوڭىل ءبولىپ، جوعارى تەمپەراتۋرالى اۋا رايىنىڭ دۇمبە ءبيدايدىڭ ٴدان الۋىنا جاسايتىن ءتيىمسىز ىقپالىنان ساقتانۋى ءارى تاۋلى وڭىرلەردىڭ ءىشىنارا جەرلەرىندە قار ەرۋدەن پايدا بولعان تاسقىن جانە ودان تۋىندايتىن اپاتتاردان ساقتانۋدى كۇشەيتۋى كەرەك.
الدىن الا مالىمەتتە كورسەتىلۋىنشە، مەجەمەن 5 - ايدىڭ 20 - كۇنى كۇندىزدەن 5 - ايدىڭ 23 - كۇنى تۇنگە دەيىن سولتۇستىك شينجياڭنىڭ باسىم كوپ بولەگىندە، تيانشان تاۋلى وڭىرىندە جانە سولتۇستىك بەتكەيىندە، وڭتۇستىك شينجياڭنىڭ باتىس بولىگىندەگى تاۋلى وڭىرلەردە، اقسۋ ايماعىنىڭ تاۋلى وڭىرلەرىندە، بايىنعولين موڭعۇل اۆتونوميالى وبلىسىنىڭ سولتۇستىك تاۋلى وڭىرلەرىندە، كۇنلۇن تاۋىنىڭ سولتۇستىك بەتكەيىندە، قۇمىل قالاسىنىڭ سولتۇستىگىندە ۇزدىك - سوزدىق از جاڭبىر جاۋادى، مۇنىڭ ىشىندە سولتۇستىك شينجياڭنىڭ باتىسى، تيانشان تاۋلى ءوڭىرىنىڭ ءىشىنارا وڭىرلەرىندە ورتاشادان قالىڭ جاڭبىرعا دەيىن جاۋادى، تاۋلى وڭىرلەردىڭ ءىشىنارا جەرلەرىندە نوسەر جاۋادى؛ وڭتۇستىك شينجياڭداعى ويپات وڭىرلەردە قيىس شىعىستان 6 بال اينالاسىندا جەل سوعادى، ءىشىنارا وڭىرلەردە قۇمدى بوران سوعادى. 7 - ايدىڭ 22 - كۇنىنەن 25 - كۇنىنە دەيىن، وڭتۇستىك شينجياڭنىڭ باسىم كوپ جەرىندە، شىعىس شينجياڭدا 35 سەلتسي گرادۋستان اساتىن جوعارى تەمپەراتۋرالى اۋا رايى جارىققا شىعادى، تۇرپان قالاسىنىڭ، قۇمىل قالاسىنىڭ ءىشىنارا جەرلەرىندە تەمپەراتۋرا 40 سەلتسي گرادۋستان اسادى، شينجياڭ اۋا رايى ستانسياسى ءىشىنارا جەرلەردە قار ەرۋدەن بولاتىن تاسقىننان ءتۇيىندى تۇردە ساقتانۋدى ۇسىنىس ەتتى.
5 - ايدىڭ 25 - كۇنىنەن 26 - كۇنىنە دەيىن، سولتۇستىك شينجياڭنىڭ جەر - جەرىندە، تيانشان تاۋلى وڭىرىندە، شىعىس شينجياڭدا ىلگەرىندى - كەيىندى از جاڭبىر جاۋادى، مۇنىڭ ىشىندە سولتۇستىك شينجياڭنىڭ باتىس بولەگىندە، تيانشان تاۋلى وڭىرىندە جانە ونىڭ ەكى جاعىندا ورتاشادان قالىڭ جاڭبىرعا دەيىن جاۋادى، تاۋلى وڭىرلەردىڭ ءىشىنارا جەرلەرىندە نوسەر جاۋادى؛ جەر – جەردە باتىس سولتۇستىكتەن 5 بال اينالاسىندا جەل سوعادى، جەل وتىندەگى مەزەتتىك وتكىنشى جەل كۇشى 13 تە 14 بالعا جەتەدى؛ وڭتۇستىك شينجياڭنىڭ شىعىس ءوڭىرىنىڭ ءىشىنارا وڭىرلەرىندە شاڭ – توزاڭدى اۋا رايى بولادى.
ءتىلشىنىڭ ۇعىسۋىنشا، بىرنەشە كۇننەن بەرى بۇكىل شينجياڭنىڭ باسىم كوپ جەرلەرىندە تەمپەراتۋرا ءۇرتس جوعارىلاپ، وڭتۇستىك شينجياڭنىڭ، شىعىس شينجياڭنىڭ ءىشىنارا وڭىرلەرىندە 40 سەلتسي گرادۋستان اسقان. ناقتى جاعداي ساندى مالىمەتىندە كورسەتىلۋىنشە، 5 - ايدىڭ 19 - كۇنى ساعات 8 دەن 5 - ايدىڭ 20 - كۇنى ساعات 8 گە دەيىن، وڭتۇستىك شينجياڭنىڭ، شىعىس شينجياڭنىڭ باسىم كوپ وڭىرلەرىندە جانە سانجى حۇيزۋ اۆتونوميالى وبلىسىنىڭ ءىشىنارا وڭىرلەرىندە 35.0 سەلتسي گرادۋستان اساتىن ىستىق اۋا رايى جارىققا شىعادى.
شينجياڭ اۋا رايى ستانسياسى مىنانى ەسكەرتتى: الداعى بىرنەشە كۇندە وڭتۇستىك شينجياڭ ويپاتىندا، شىعىس شينجياڭداعى جەل وتتەرىندە جەل كۇشى ءبىرشاما زور بولادى، ءىشىنارا وڭىرلەردە قۇمدى بوراندى اۋا رايى قوسانجارلاپ، قاتىناس ـ تاسىمال، اۋىل شارۋاشىلىعى، ساياحات، قالا اينالىمى، ەلەكتر قۋاتى، حابارلاسۋ قۇرىلعىلارى سياقتىلارعا ءتيىمسىز ىقپال جاسايدى، قاتىستى تاراۋلاردىڭ الدىن الا ساقتانۋ شارالارىن قولدانۋىن ۇسىنىس ەتەمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
