شينجياڭ ۇيعۇر اۆتونوميالى رايوندىق جۇڭگوشا شيپاگەرلىك، ءدارى ـ دارمەك باسقارۋ مەكەمەسى ماڭدايشالىق استى
2024.05.16 15:06 كەلۋ قاينارى : حالىق تورابى
انار بۇلت / شينجياڭ گازەتىنىڭ حابارى. 5 – ايدىڭ 15 – كۇنى، شينجياڭ ۇيعۇر اۆتونوميالى رايوندىق جۇڭگوشا شيپاگەرلىك، ءدارى - دارمەك باسقارۋ مەكەمەسى ماڭدايشالىق استى.
شينجياڭ ۇيعۇر اۆتونوميالى رايوندىق جۇڭگوشا شيپاگەرلىك، ءدارى ـ دارمەك باسقارۋ مەكەمەسى — شينجياڭ ۇيعۇر اۆتونوميالى رايوندىق دەنساۋلىق ساقتاۋ جانە سالاماتتىق كوميتەتى باسقاراتىن ورىنباسار مەڭگەرمە دارەجەلى قۇرىلىم، ماڭدايشالىق اسقاننان كەيىن جۇڭگوشا شيپاگەرلىكتى جالعاستىرۋدى، قورعاۋدى جانە جاڭالىق اشۋدى ىلگەرىلەتۋ ارقىلى جۇڭگوشا شيپاگەرلىك، ٴدارى - دارمەك دارىندىلارىن باۋلۋدى كۇشەيتىپ، جۇڭگوشا شيپاگەرلىك، ءدارى ـ دارمەك سالاسىنىڭ دامۋىن جانە ولشەمىن باقىلاپ جانە باسقارىپ، ولشەمدەندىرۋ قۇرىلىسى مەن ءدارى - دارمەك حاۋىپسىزدىگىن باقىلاۋ - باسقارۋ سياقتىلاردى كۇشەيتىپ، جۇڭگوشا شيپاگەرلىك پەن ءدارى - دارمەكتىڭ قىزمەت وتەۋ ورەسى مەن ساپاسىن ۇزدىكسىز جوعارىلاتىپ، حالىق بۇقاراسىنىڭ دەنساۋلىعىن قامتاماسىزداندىرادى.
”سوڭعى جىلدارى شينجياڭ ۇيعۇر اۆتونوميالى رايوندىق پارتكوم مەن ۇكىمەت جۇڭگوشا شيپاگەرلىكتى گۇلدەندىرۋدى، دامىتۋدى اناعۇرلىم ماڭىزدى ورىنعا قويىپ، جۇڭگوشا شيپاگەرلىكتى باسقارۋ جۇيەسىن كەمەلدەندىرۋدى جەدەل ىلگەرىلەتتى. وسى رەت شينجياڭ ۇيعۇر اۆتونوميالى رايوندىق جۇڭگوشا شيپاگەرلىك، ءدارى ـ دارمەك باسقارۋ مەكەمەسىنىڭ ماڭدايشالىعىن اسۋى — جۇڭگوشا شيپاگەرلىك، ءدارى ـ دارمەك ىستەرى مەن كاسىپ سالاسىنىڭ جوعارى ساپالى دامۋىن ىلگەرىلەتۋدىڭ ماڭىزدى شاراسى.“ شينجياڭ ۇيعۇر اۆتونوميالى رايوندىق دەنساۋلىق ساقتاۋ، سالاماتتىق كوميتەتى پارتگرۋپپاسىنىڭ مۇشەسى، جۇڭگوشا شيپاگەرلىك، ءدارى ـ دارمەك باسقارۋ مەكەمەسى پارتگرۋپپاسىنىڭ شۋجيى، مەكەمە باستىعى زىڭ بينفاڭ مىنانى ءبىلدىردى: شينجياڭ ۇيعۇر اۆتونوميالى رايوندىق جۇڭگوشا شيپاگەرلىك، ءدارى ـ دارمەك باسقارۋ مەكەمەسى — شينجياڭ ۇيعۇر اۆتونوميالى رايوندىق پارتكومىنىڭ ءبىرتۇتاس ورنالاستىرۋى بويىنشا، مەملەكەتتىك جۇڭگوشا ەمدەۋ، ءدارى - دارمەك باسقارۋ مەكەمەسى مەن شينجياڭ ۇيعۇر اۆتونوميالى رايوندىق ۇكىمەت قول قويعان سەلبەستىك كەلىسىمى نىساندارىن ويداعىداي دايەكتىلەندىرىپ، تياناقتاندىرىپ، جۇڭگوشا شيپاگەرلىك پەن ءدارى - دارمەكتىڭ اۋرۋدان ساقتانۋ جانە ونى ەمدەۋ جاعىنداعى وزگەشە ابزالدىلىعىن تولىق ساۋلەلەندىرىپ، قامداۋدى ساپالىلاندىرىپ، ساپانى جوعارىلاتىپ، جۇڭگوشا شيپاگەرلىك، ءدارى - دارمەك جاعىنان بۇقاراعا ءتىپتى دە كوپ، ءتىپتى دە جاقسى قىزمەت وتەيدى.
سونىمەن بىرگە، جۇڭگوشا شيپاگەرلىك پەن ءدارى ـ دارمەكتى جالعاستىرۋ، جاڭالىق اشۋ، دامىتۋ ستراتەگيالىق وراي مەزگىلىن مىقتى يگەرىپ، عىلىم ـ تەحنيكادا جاڭالىق اشۋدى باستى ماقسات، جوعارى ساپالى دامۋدى نىسانا ەتىپ، جۇڭگوشا شيپاگەرلىك، ءدارى ـ دارمەك سالاسىنداعى عىلىم ـ تەحنيكادا جاڭالىق اشۋدى، ءوندىرىس فاكتورلارىن ساپالىلاندىرۋدى، سونداي ـ اق كاسىپ سالاسىنىڭ تيپىن وزگەرتىپ، دارەجەسىن جوعارىلاتۋدى ىلگەرىلەتىپ، جۇڭگوشا شيپاگەرلىك پەن ءدارى ـ دارمەكتىڭ كوپ نەگىزدى فۋنكسياسى مەن قۇنىن تاسقىنداتادى، جۇڭگوشا شيپاگەرلىكتىڭ وسىزاماندانۋىن، كاسىپ سالالانۋىن، حالىقارالانۋىن جەدەل جۇزەگە اسىرىپ، سالاماتتى شينجياڭ قۇرىلىسىنا ۇلەس قوسادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
