باتىل قارسى تۇرامىز ءارى قاتاڭ سويلەسەمىز! ساۋدا مينيسترلىگى ا ق ش – تىڭ جۇڭگوعا قاراتىلعان ءبىر ءبولىم ونىمدەردەن 301 كەدەن باجىسىن ۇستەمەلەپ الۋىنا جاۋاپ قايتاردى

2024.05.15 15:58 كەلۋ قاينارى : حالىق تورابى

　　شينحۋا اگەنتتىگىنىڭ 5 ـ ايدىڭ 14 ـ كۇنى بەيجيڭنەن بەرگەن حابارى. ساۋدا مينيسترلىگىنىڭ اقپارات مالىمدەمەشىسى 5 ـ ايدىڭ 14 ـ كۇنى بىلاي دەدى: 5 ـ ايدىڭ 14 ـ كۇنى ا ق ش جاق جۇڭگوعا 301 كەدەن باجىسىن ۇستەمەلەپ الۋدىڭ 4 جىلدىق قايتا قاراۋ ناتيجەسىن جاريالاپ، جۇڭگوعا قاراتىلعان بۇرىنعى 301 كەدەن باجىسى نەگىزىندە، جۇڭگودان يمپورت ەتىلگەن ەلەكترلى اۆتوكولىك، ليتي باتارەياسى، فوتوۆولت باتەرياسى، شەشۋشى كەن ونىمدەرى، جارتىلاي وتكىزگىش، سونداي - اق بولات اليۋمين، پورت كرانى، جەكەلەردىڭ قورعانۋ جابدىقتارى سياقتى ونىمدەردەن ۇستەمەلەپ كەدەن باجىسىن الاتىندىعىن ايتتى. جۇڭگو جاق باتىل قارسى تۇرادى ءارى قاتاڭ سويلەسەدى.

　　ا ق ش ەل ءىشى ساياسي جاعدايىن ويلاستىرعاندىقتان 301 كەدەن باجىسىن قايتا قاراۋ تارتىبىنەن بەتالدى پايدالانىپ، جۇڭگوعا قاراتىلعان ءبىر ءبولىم ونىمدەردەن ۇستەمەلەپ الىناتىن 301 كەدەن باجىسىن اناعۇرلىم جوعارىلاتىپ، ەكونوميكا - ساۋدا ماسەلەسىن ساياسيلاندىردى، قۇرالعا اينالدىردى، بۇل — تيپتىك ساياسي ايلا – شارعى، جۇڭگو جاق بۇعان كۇشتى نارازىلىق بىلدىرەدى. دۇنيە جۇزىلىك ساۋدا ۇيىمى 301 كەدەن باجىسى دۇنيە جۇزىلىك ساۋدا ۇيىمىنىڭ ەرەجەسىنە قايشى دەپ الدەقاشان كەسىم جاساعان بولاتىن. ا ق ش جاق تۇزەتۋدەن باس تارتقانى بىلاي تۇرسىن، كەرىسىنشە، ويىنا كەلگەنىن ىستەپ، قاتەلەسكەننىڭ ۇستىنە قاتەلەستى.

　　ا ق ش جاقتىڭ 301 كەدەن باجىسىن جوعارىلاتۋى — بايدەن زۇڭتۇڭنىڭ ”جۇڭگونىڭ دامۋىنا قىسىم تۇسىرۋگە، شاۋجايلاۋعا ۇرىنبايمىز“، ”جۇڭگودان قول ءۇزۋدى قاراستىرمايمىز“ دەگەن ۋادەسىنە قايشى، سونداي – اق ەكى ەل باسشىلارى كەلىسكەن ورتاق تانىم رۋحىنا دا ۇيلەسپەيدى، بۇل ەكى جاقتى سەلبەستىك ورتاسىنا اۋىر ىقپال جاسايدى. ا ق ش جاق قاتەلىكتى دەرەۋ تۇزەتىپ، جۇڭگودان كەدەن باجىسىن ۇستەمەلەپ الۋ شاراسىن كۇشىنەن قالدىرۋى كەرەك. جۇڭگو جاق باتىل شارا قولدانىپ، ءوزىنىڭ ۇقىق - مۇددەسىن قورعايدى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved