شي جينپيڭ بۋداپەشتكە بارىپ، ۆەنگرياداعى مەملەكەتتىك ساپارىن باستادى
2024.05.10 16:52 كەلۋ قاينارى : حالىق تورابى
 |
سول جەر ۋاقىتى 5 - ايدىڭ 8 – كۇنى كەشتە مەملەكەت ءتوراعاسى شي جينپيڭ ارناۋلى ۇشاقپەن بۋداپەشتكە باردى، ۆەنگريانىڭ زۇڭتۇڭى سۋليوك پەن زۇڭليى ورباننىڭ ۇسىنىسىمەن ۆەنگريادا مەملەكەتتىك ساپاردا بولادى. ۆەنگريانىڭ زۇڭليى وربان مەن حانىمى، سىرتقى ىستەر مينيسترى سياردو قاتارلى ۇكىمەتتىڭ جوعارى دارەجەلى ءمانساپتىلارى اۋەجايدا شي جينپيڭ مەن حانىمى پىڭ لييۋاندى قىزۋ قارسى الدى.
سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
|
«حالىق گازەتى»، 5 - ايدىڭ 9 - كۇنى، بۋداپەشت (تىلشىلەر يۇي ليمين، سۇڭ شۋاڭ). سول جەر ۋاقىتى 5 - ايدىڭ 8 – كۇنى كەشتە مەملەكەت ءتوراعاسى شي جينپيڭ ارناۋلى ۇشاقپەن بۋداپەشتكە باردى، ۆەنگريانىڭ زۇڭتۇڭى سۋليوك پەن زۇڭليى ورباننىڭ ۇسىنىسىمەن ۆەنگريادا مەملەكەتتىك ساپاردا بولادى.
شي جينپيڭ وتىرعان ارناۋلى ۇشاق ۆەنگريانىڭ اۋە كەڭىستىگىنە كىرگەننەن كەيىن ۆەنگريا اۋە ارمياسىنىڭ 2 سوعىس ۇشاعى كەڭىستىككە كوتەرىلىپ قورعاپ ۇشتى.
شي جينپيڭ وتىرعان ارناۋلى ۇشاق بۋداپەشت حالىقارالىق اۋەجايىنا جەتكەن كەزدە ۆەنگريانىڭ زۇڭليى وربان مەن حانىمى، سىرتقى ىستەر مينيسترى سياردو قاتارلى ۇكىمەتتىڭ جوعارى دارەجەلى ءمانساپتىلارى قىزۋ قارسى الدى. ەكى ەل باسشىلارى مەن حانىمدارى ىقىلاسپەن قول الىسىپ، قۇرمەت ءبىلدىردى، وربان زۇڭلي پىڭ لييۋان پروفەسسورعا گۇل ۇسىندى. قۇرمەت قاراۋىلى قىزىل كىلەمنىڭ ەكى جاعىندا ساپ تۇزەپ قۇرمەت ءبىلدىردى. ۇلتتىق كيىم كيگەن ۆەنگريالىق ەكى بالا ءتوراعا شي جينپيڭ مەن حانىمىنا بولكا جانە تۇز ۇسىنىپ، ءداستۇرلى سالت - سانا ارقىلى ەڭ سيلى قوناقتاردى قارسى الدى. ۆەنگريا - جۇڭگو قوس ءتىل مەكتەبىنىڭ وقۋشىلارى شي جينپيڭ مەن حانىمىنا گۇل ۇسىندى، سونداي - اق جۇڭگو تىلىندە: ”ۆەنگرياعا كەلگەنىڭىزدى قارسى الامىز“ دەدى. جاس وسپىرىمدەر ويناقى ۇلتتىق ءداستۇرلى ءبي چارداش ءبي - مۋزىكاسىن ورىنداپ، شي جينپيڭدى قىزۋ قارسى الاتىندارىن ءبىلدىردى.
شي جينپيڭ جازباشا ءسوز سويلەدى. شي جينپيڭ مىنالاردى اتاپ كورسەتتى: زۇڭتۇڭ سۋليوك پەن زۇڭلي ورباننىڭ ىستىق ىقىلاستى ۇسىنىسىمەن كورىكتى ۆەنگريادا مەملەكەتتىك ساپاردا بولعانىما توتەنشە قۋانىشتامىن. جۇڭگو مەن ۆەنگريا − ءبىر - بىرىنە سەنەتىن جاقسى دوس، جاقسى سەرىكتەر. تاياۋ جىلداردان بەرى ەكى جاقتىڭ جوعارى جىكتەگىلەرىنىڭ بارىس - كەلىسى جيىلەپ، ءوزارا سەنىمدىلىك دەڭگەيى ۇزدىكسىز جوعارىلاپ، ”ءبىر بەلدەۋ، ءبىر جولدى“ بىرگە قۇرۋ سەلبەستىگىنىڭ تابىسى مولايىپ، گۋمانيتارلىق اۋىس - كۇيىسى باي مازمۇندى بولىپ، حالىقارالىق جانە وڭىرلىك ىستەردە تىعىز سەلبەسىپ جانە سايكەسىپ، ءوزارا قۇرمەت ەتەتىن، ءادىل، تۋراشىل، سەلبەسىپ تەڭ يگىلىككە كەنەلەتىن جاڭاشا حالىقارالىق قارىم - قاتىناسقا ۇلگى ورناتتى. بيىل − جۇڭگو مەن ۆەنگريا ديپلوماتيالىق قارىم - قاتىناس ورناتقانىنىڭ 75 جىلدىعى، ەكى ەل قارىم - قاتىناسىنىڭ دامۋى ماڭىزدى ورايدى قارسى الدى. مەن سۋليوك زۇڭتۇڭ، وربان زۇڭلي قاتارلى ۆەنگريا باسشىلارىمەن كەزدەسىپ، ەكى ەلدىڭ سەلبەسىپ دامۋىنىڭ جاڭا جوباسىن بىرگە جوبالاپ، جۇڭگو - ۆەنگريا قارىم - قاتىناسىنىڭ اناعۇرلىم جوعارى دەڭگەيگە قاراي قادام تاستاۋىنا جەتەكشىلىك ەتۋدى ءۇمىت ەتەمىن. حالىقارالىق جاعداي قالاي قۇبىلسا دا، جۇڭگو مەن ۆەنگريا ەكى ەلدىڭ، ءسوز جوق، كەڭ كوز ايامەن، ۇزاق بولاشاقتىق تۇرعىدان ەكى جاقتى قارىم - قاتىناسقا مامىلە جاساۋدا جانە ونى يگەرۋدە تاباندى بولىپ، ەرلىكپەن العا باسىپ، ادامزاتتىڭ تاعدىرلاس ورتاق تۇلعاسىن قول ۇستاسا قۇرىپ، دۇنيە ءجۇزىنىڭ بەيبىتشىلىگىن، ورنىقتىلىعىن جانە دامۋىن، گۇلدەنۋىن جەبەۋگە ءتيىستى ۇلەس قوساتىنىنا سەنەمىن. ەكى جاقتىڭ بىرگە قۇلشىنۋىندا وسى رەتكى ساپاردىڭ، ءسوز جوق، تابىستى بولىپ، جۇڭگو - ۆەنگريا قارىم - قاتىناسىنىڭ اناعۇرلىم كوركەم بولاشاقتى قارسى الۋىن ىلگەرىلەتەتىنىنە سەنەمىن.
ءتوراعا شي جينپيڭنىڭ حانىمى پىڭ لييۋان، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترى ۋاڭ ي قاتارلى ساپارلاستارى وسى ۇشاقپەن بىرگە باردى.
جۇڭگونىڭ ۆەنگريادا تۇراتىن باس ەلشىسى گۇڭ تاۋ دا اۋەجايعا بارىپ قارسى الدى.
شي جينپيڭ اۆتوكولىكپەن اۋەجايدان قوناقجايعا بارا جاتقان جولىندا جەرگىلىكتى ورىنداعى جۇزدەگەن حۋارىن، حۋاچياۋ جانە جۇڭگولىق وقۋشىلار جولدىڭ ەكى جاعىنا جينالىپ، جۇڭگو مەن ۆەنگريا ەلدەرىنىڭ مەملەكەت تۋىن بۇلعاپ، ”جۇڭگو - ۆەنگريا دوستىعى ماڭگى جالعاسادى“، ”ءتوراعا شي جينپيڭنىڭ ۆەنگرياعا ساپارلاي كەلگەنىن قىزۋ قارسى الامىز“ دەگەن جازۋلار جازىلعان كەرمە تۋ كوتەرىپ، ءتوراعا شي جينپيڭنىڭ ساپارلاي كەلگەنىن قىزۋ قارسى الدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
