شي جينپيڭ سەربيانىڭ زۇڭتۇڭى ۆۋچيچتىڭ قارسى الۋ قوناعاسىنا قاتىناستى
2024.05.09 17:08 كەلۋ قاينارى : حالىق تورابى
 |
سول جەر ۋاقىتى 5 - ايدىڭ 8 - كۇنى تۇستە مەملەكەت ءتوراعاسى شي جينپيڭ مەن حانىمى پىڭ لييۋان سەربيانىڭ زۇڭتۇڭى ۆۋچيچ پەن حانىمىنىڭ بەلگرادتاعى سەربيا سارايىندا وتكىزگەن قارسى الۋ قوناعاسىنا قاتىناستى. سۋرەتتە: شي جينپيڭ توست ءسوزىن سويلەۋدە.
سۋرەتتى شينحۋا اگەنتتىگىنىڭ ءتىلشىسى پاڭ شيڭلەي تۇسىرگەن
|
«حالىق گازەتى»، 5 - ايدىڭ 8 - كۇنى، بەلگراد (تىلشىلەر شيە ياحۇڭ، ۋاڭ دي). سول جەر ۋاقىتى 5 - ايدىڭ 8 - كۇنى تۇستە مەملەكەت ءتوراعاسى شي جينپيڭ مەن حانىمى پىڭ لييۋان سەربيانىڭ زۇڭتۇڭى ۆۋچيچ پەن حانىمىنىڭ بەلگرادتاعى سەربيا سارايىندا وتكىزگەن قارسى الۋ قوناعاسىنا قاتىناستى.
قىزۋ قول شاپالاق ءۇنى ىشىندە شي جينپيڭ توست ءسوزىن سويلەدى.
شي جينپيڭ بىلاي دەپ اتاپ كورسەتتى: سەربيا ”شىعىستىڭ باتىسىنا، باتىستىڭ شىعىسىنا“ ورنالاسقان، ەجەلدەن ”بالقاننىڭ كىلتى“ دەگەن تاماشا اتقا يە. نەشە مىڭ جىلدان بەرى ەۆروپا - ازيا ۇلى قۇرلىعىنىڭ كوپ نەگىزدى وركەنيەتى وسى ارادا توعىسىپ، ارالاسىپ، سەربيا ۇلتىنىڭ ەڭبەكشىل، اق كوڭىل، قايسار قاسيەتىن سومدادى. قازىر ۆۋچيچ زۇڭتۇڭنىڭ باستاۋىندا سەربيا ۇكىمەتى مەن حالقى قايراتتانا العا ۇمتىلىپ، ەكونوميكالىق، قوعامدىق قۇرىلىس جانە حالىق تۇرمىسىن جاقسارتۋ سياقتى سالالاردا ماقتانارلىق تابىستارعا قول جەتكىزىپ، ۇلتتىڭ سەنىمى مەن ماقتانىش سەزىمى ۇزدىكسىز جوعارىلاپ، مەملەكەتتىڭ دامۋى مەن ۇلتتىڭ گۇلدەنۋى نۇرلى دا كەڭ بولاشاقتى قارسى الدى.
شي جينپيڭ بىلاي دەپ باسا دارىپتەدى: جۇڭگو حالقىنىڭ سەربياعا دەگەن ەرەكشە دوستىق سۇيىسپەنشىلىگى بار، يۋگوسلاۆيا كينوسى «كوپىر»، ءانى «و، دوسىم قوش بول» جۇڭگودا كەڭىنەن تارالىپ، ادامداردىڭ وتانشىلدىق سۇيىسپەنشىلىگى مەن فاشيزمگە قارسى تۇرۋ رۋحىن اسقاقتاتتى، سونداي - اق مەنىڭ جاستىق داۋىرىمە سەرىك بولدى. دەوكوۆيچ، يوكيچ، كۋستۋريتسا قاتارلى سەربيانىڭ دەنە تاربيە سالاسىنداعى، مادەنيەت سالاسىنداعى قايراتكەرلەردى جۇڭگودا جۇرتتىڭ ءبارى بىلەدى. تاياۋ جىلداردان بەرى جۇڭگو مەن سەربيانىڭ ”ءبىر بەلدەۋ، ءبىر جولدى“ جوعارى ساپامەن بىرگە قۇرۋىنىڭ قوزعاۋشى كۇشى مىعىم، تابىسى مول بولىپ، ادامزاتتىڭ تاعدىرلاس ورتاق تۇلعاسىن قۇرۋدىڭ جاندى امالياتىنا اينالدى.
شي جينپيڭ مىنالاردى اتاپ كورسەتتى: الگىندە مەن زۇڭتۇڭ ۆۋچيچپەن جان – جاقتى ءارى ىشكەرىلەي كەڭەس وتكىزىپ، كوپتەگەن ماڭىزدى ورتاق تانىمعا كەلدىك. ءبىز بىرلەسكەن مالىمدەمەگە بىرگە قول قويىپ، جاڭا داۋىردەگى جۇڭگو - سەربيا تاعدىرلاس ورتاق تۇلعاسىن قۇرۋدى جاريالاپ، جۇڭگو - سەربيا قارىم - قاتىناسىنىڭ جاڭا ۇلى تاريحي شارىقتاۋىن جۇزەگە اسىردىق. بۇگىنگى تاڭدا جۇڭگو - سەربيا قارىم - قاتىناسى شىت جاڭا باستامادا تۇر، باعالى وراي مەن نۇرلى بولاشاققا ءدوپ كەلىپ وتىر. جۇڭگو جاق دوس سەربيا حالقىمەن بىرگە قۇلشىنىپ، جاڭا داۋىردەگى جۇڭگو - سەربيا تاعدىرلاس ورتاق تۇلعاسى قۇرىلىسى ءۇشىن ۇزدىكسىز كۇرەس جۇرگىزۋدى قالايدى!
ساي چي، ۋاڭ ي قاتارلىلار قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
