شي جينپيڭ فرانسيانىڭ زۇڭتۇڭى ماكرونمەن بىرگە جوعارعى بيليوس ولكەسىندە جۇڭگو - فرانسيا مەملەكەت باسشىلارىنىڭ شاعىن قۇرامداعى ديدارلاسۋىن وتكىزدى
2024.05.08 17:01 كەلۋ قاينارى : حالىق تورابى
 |
سول جەر ۋاقىتى 5 - ايدىڭ 7 - كۇنى فرانسيانىڭ زۇڭتۇڭى ماكروننىڭ ارنايى ۇسىنىسى بويىنشا مەملەكەت ءتوراعاسى شي جينپيڭ ارناۋلى ۇشاقپەن فرانسيانىڭ باتىس وڭتۇستىك بولىگىندەگى جوعارعى بيليوس ولكەسىندە ساپاردا بولدى. سۋرەتتە: شي جينپيڭ مەن حانىمى پىڭ لييۋان تابۋ اۋەجايىندا ماكرون مەن حانىمى بريجيتتىڭ قىزۋ قارسى الۋىنا بولەندى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
سول جەر ۋاقىتى 5 - ايدىڭ 7 - كۇنى فرانسيانىڭ زۇڭتۇڭى ماكروننىڭ ارنايى ۇسىنىسى بويىنشا مەملەكەت ءتوراعاسى شي جينپيڭ ارناۋلى ۇشاقپەن پاريجدەن فرانسيانىڭ باتىس وڭتۇستىك بولىگىندەگى جوعارعى بيليوس ولكەسىنە ساپارلاي باردى.
ماكرون مەن حانىمى بريجيت الدىن الا بارىپ، بيليوس ولكەسىنىڭ باستىعى سارومەن قاتارلى فرانسيا جەرگىلىكتى ۇكىمەتىنىڭ ۋاكىلدەرىن باستاپ تابۋ اۋەجايىندا قىزۋ قارسى الدى، شي جينپيڭ مەن حانىمىنىڭ ءوزى جونىنەن ەرەكشە مانگە يە بيليوس ولكەسىنە ساپارلاي كەلگەنىن قارسى الدى.
كوكتەم مەن جازدىڭ ءولاراسىندا وڭتۇستىك فرانسيا تاۋلى رايونىندا اق قار ەرىپ، بۇلاق سۋى سىلدىراپ اعىپ، تاۋ گۇلى قۇلپىرا اشىلىپ، جاسىل جەلەك جامىلعان.
ماكرون زۇڭتۇڭ مەن بريجيت تۋرمالە تاۋ ساعاسىنداعى ”باقتاشىلار دەڭىندە“ شي جينپيڭ مەن پىڭ لييۋاندى قارسى الىپ، جەرگىلىكتى قىستاق تۇرعىندارى ورىنداعان وڭتۇستىك فرانسيا سالت - ساناسىنا تولى باقتاشىلار ءبيىن بىرگە تاماشالادى ءارى ولارمەن ىقىلاسپەن سۋرەتكە ءتۇستى.
دەڭنىڭ اعاش ءۇيىنىڭ سىرتىندا كوكتەم قارى قىلاۋلاپ، بۇلت پەن تەڭىز استاسىپ جاتىر. ەكى ەلدىڭ مەملەكەت باسشىلارى مەن ولاردىڭ حانىمدارى تەرەزەگە قاراي وتىرىپ، تاۋلارعا كوز تاستاپ، جەرگىلىكتى ورىننىڭ ەرەكشە ءدامدى تاعامدارىنان ءدام تاتىپ، دۇنيە جۇزىندەگى اۋمالى - توكپەلى جاعداي جونىندە اڭگىمەلەسىپ، جايبىراقات ءارى كوڭىلدى ورتادا كەيبىر ماڭىزدى ماسەلەلەر جونىندە ستراتەگيالىق تۇرعىدان پىكىرلەستى.
شي جينپيڭ بىلاي دەپ اتاپ كورسەتتى: جۇڭحۋا وركەنيەتى − دۇنيە جۇزىندەگى 5000 جىلدان استام ۋاقىت جالعاسىپ، ۇزىلمەي كەلە جاتقان بىردەن - ءبىر ۇزاق وركەنيەت. ءدال وسىلاي بولعاندىقتان، جۇڭگولىقتار وتە كۇشتى وتباسى، وتان تانىمىنا يە، مەملەكەتتىڭ تۇتاستىعىنا ەرەكشە ءمان بەرەدى جانە ونى قاستەرلەيدى. كوپتەگەن حۋاچياۋ شەتەلدە تالاي جىل تۇرمىس كەشىرگەنىمەن، ءالى دە تەرەڭ وتانشىلدىق سەزىمدە بولىپ، وتاننىڭ ۇزدىكسىز دامىپ زورايعانىن شىن جۇرەكتەن ماقتانىش ەتەدى. مەن ساپارعا شىققان كەزىمدە كوپتەگەن حۋارىن، حۋاچياۋلار جانە شەتەلدە وقىپ جاتقان جۇڭگولىق وقۋشىلاردىڭ وزدىكتەرىنەن جول بويى قارسى الۋعا شىققانىن ۇنەمى كورەمىن. قازىر جۇڭگو ءبىرىنشى 100 جىلدىق كۇرەس نىساناسىن جۇزەگە اسىردى، جۇڭگو حالقىنىڭ ۇزدىكسىز كۇرەس جۇرگىزۋى ارقىلى جۇڭگونىڭ، ءسوز جوق، جۇڭحۋا ۇلتىنىڭ ۇلى گۇلدەنۋىن جۇزەگە اسىرا الاتىنىنا سەنەمىن. جۇڭگو مەن فرانسيا شىعىس پەن باتىس وركەنيەتىنە ءتان بولعانىمەن، قۇن كوزقاراسى، قوعامدىق ءتۇزىمى ۇقساماعانىمەن، ەكەۋى دە وركەنيەتتىڭ اۋىس - كۇيىسىنە، ءوزارا ۇلگى الۋىنا ءمان بەرەدى. ەكى جاقتىڭ پىكىرلەسۋ، سەلبەسۋ ارقىلى دۇنيە ءجۇزىنىڭ بەيبىتشىلىگى مەن دامۋىنا، سونداي - اق ادامزاتتىڭ العا باسۋىنا تىڭ ۇلەس قوسۋىنا بولادى. جۇڭگو جاق فرانسيامەن جانە ەۆروپامەن گۋمانيتارلىق اۋىس - كۇيىستى كۇشەيتىپ، ەكونوميكا - ساۋدا سەلبەستىگىن ۇزدىكسىز تەرەڭدەتىپ، ءوزارا دۇرىس تانىمدى كۇشەيتىپ، جۇڭگو - فرانسيا، جۇڭگو - ەۆروپا حالىقتارىنىڭ دوستىق حيكاياسىن ويداعىداي بەكەمدەۋدى، ويداعىداي جالعاستىرۋدى قالايدى.
ماكرون مىنانى ءبىلدىردى: مەن بىلتىرعى جۇڭگوداعى ساپارىمدا، اسىرەسە، گۋاڭجوۋ سۇڭيۋان ديدارلاسۋىندا تەرەڭ دە تاماشا اسەر الدىم. ءتوراعا مىرزامەن ىشكەرىلەي اۋىس - كۇيىس جاساۋ ارقىلى مەن جۇڭگونىڭ تاريحىن، مادەنيەتىن، ۇستانىمىن جانە دامۋ بارىسىن ونان ارى ءتۇسىندىم، جۇڭگونىڭ ماڭىزدى ماسەلەلەردەگى مايدانى جونىندەگى تانىمىم تەرەڭدەدى. قازىر حالىقارالىق جاعداي تۇراقسىزدىققا تولى، ەۆروپانىڭ ستراتەگيالىق دەربەستىكتى جانە ىنتىماق پەن بىرلىكتى ساقتاۋى توتەنشە ماڭىزدى، ەۆروپانىڭ جۇڭگومەن تاماشا قاتىناستى دامىتۋى، ەكى جاقتى، كوپ جاقتى سەلبەستىكتى كۇشەيتۋى دە توتەنشە ماڭىزدى. فرانسيا مەن جۇڭگو — بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلدەرى. مەن ءتوراعا شي جينپيڭمەن تىعىز بايلانىستى ساقتاپ، ەۆروپا مەن دۇنيە ءجۇزىنىڭ بەيبىتشىلىگىن جانە ورنىقتىلىعىن قورعاۋدا بەلسەندى رول اتقارۋدى ءۇمىت ەتەمىن.
شي جينپيڭ ماكرون زۇڭتۇڭ مەن حانىمىنىڭ ىقىلاستى ۇسىنىسىنا جانە دەن قويا ورنالاستىرۋىنا العىس ايتىپ، بىلاي دەپ اتاپ كورسەتتى: بۇگىن حانىمىم ەكەۋىمىز ماكرون زۇڭتۇڭمەن جانە حانىمىمەن ەستەن كەتپەس تاماشا ساتتەردى وتكىزدىك. مەن ماكرون زۇڭتۇڭمەن ۇنەمىلىك بارىس - كەلىس جاساپ، بىرگە قۇلشىنىپ، جۇڭگو - فرانسيا قارىم - قاتىناسى مەن جۇڭگو - ەۆروپا قارىم - قاتىناسىنىڭ اقاۋسىز، ورنىقتى دامۋىنا جەتەكشىلىك ەتىپ، بىلىققان، توعىسقان وسى دۇنيەگە اناعۇرلىم كوپ ورنىقتىلىق جانە وڭ ەنەرگيا ۇستەۋدى ءۇمىت ەتەمىن. ماكرون زۇڭتۇڭنىڭ قولايلى كەزدە جۇڭگوعا تاعى دا ساپارلاي بارۋىن قارسى الامىن.
قوشتاساردا جەرگىلىكتى قىستاق تۇرعىندارى باقتاشىلار ءانىن شىرقاپ، شي جينپيڭ مەن پىڭ لييۋاننىڭ ساپارلاي كەلگەنىنە العىس ايتتى ءارى ولاردى تاعى كەلۋگە ىستىق ىقىلاسپەن ۇسىنىس ەتتى.
شي جينپيڭ بىلاي دەدى: بۇل ارانىڭ كوركەم كورىنىسى مەن ەرەكشە ءدامدى تاعامدارى ماعان تەرەڭ اسەر قالدىردى. فرانسيانىڭ ءتىپتى دە كوپ ساپالى اۋىل شارۋاشىلىق ازىق - تۇلىك ونىمدەرىنىڭ جۇڭگونىڭ جاي بۇقاراسىنىڭ ۇيىنە كىرۋىن قارسى الامىز، سونداي - اق ءتىپتى دە كوپ دوسجار فرانسيا حالقىنىڭ جۇڭگوعا بارىپ ەكسكۋرسيالاۋىن، ساپاردا بولۋىن قارسى الامىز.
ماكرون مەن بريجيت شي جينپيڭ مەن پىڭ لييۋانعا سەرىك بولىپ تۋرمالە تاۋ اسۋىنان تابۋعا قايتتى ءارى اۋەجايدا رەسمي اتتاندىرۋ سالتىن وتكىزدى. ەكى ەلدىڭ مەملەكەت باسشىلارى بەيجيڭدە كەزدەسۋگە ۋادەلەستى.
سول كۇنى كەشتە شي جينپيڭ ارناۋلى ۇشاقپەن فرانسيادان بەلگرادقا بارىپ، سەربيانىڭ زۇڭتۇڭى ۆۋچيچتىڭ ۇسىنىسى بويىنشا سەربياداعى مەملەكەتتىك ساپارىن باستادى. (ليۋ ليڭليڭ، شيڭ شۋە)
كەلۋ قاينارى: حالىق تورابى
 |
سول جەر ۋاقىتى 5 - ايدىڭ 7 - كۇنى فرانسيانىڭ زۇڭتۇڭى ماكروننىڭ ارنايى ۇسىنىسى بويىنشا مەملەكەت ءتوراعاسى شي جينپيڭ ارناۋلى ۇشاقپەن پاريجدەن فرانسيانىڭ باتىس وڭتۇستىك بولىگىندەگى جوعارعى بيليوس ولكەسىنە ساپارلاي باردى. تۋرمالە تاۋ ساعاسىنداعى ”باقتاشىلار دەڭىندە“ شي جينپيڭ مەن حانىمى پىڭ لييۋان ماكرونمەن جانە حانىمى بريجيتپەن بىرگە جەرگىلىكتى قىستاق تۇرعىندارى ورىنداعان وڭتۇستىك فرانسيا سالت - ساناسىنا يە باقتاشىلار ءبيىن تاماشالادى. سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن
|
 |
سول جەر ۋاقىتى 5 - ايدىڭ 7 - كۇنى فرانسيانىڭ زۇڭتۇڭى ماكروننىڭ ارنايى ۇسىنىسى بويىنشا مەملەكەت ءتوراعاسى شي جينپيڭ ارناۋلى ۇشاقپەن پاريجدەن فرانسيانىڭ باتىس وڭتۇستىك بولىگىندەگى جوعارعى بيليوس ولكەسىنە ساپارلاي باردى. سۋرەتتە: تۋرمالە تاۋ ساعاسىندا شي جينپيڭ مەن حانىمى پىڭ لييۋان ماكرونمەن جانە حانىمى بريجيتپەن بىرگە سۋرەتكە تۇسۋدە. سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن
|
 |
سول جەر ۋاقىتى 5 - ايدىڭ 7 - كۇنى فرانسيانىڭ زۇڭتۇڭى ماكروننىڭ ارنايى ۇسىنىسى بويىنشا مەملەكەت ءتوراعاسى شي جينپيڭ ارناۋلى ۇشاقپەن پاريجدەن فرانسيانىڭ باتىس وڭتۇستىك بولىگىندەگى جوعارعى بيليوس ولكەسىنە ساپارلاي باردى. تۋرمالە تاۋ ساعاسىنداعى ”باقتاشىلار دەڭىندە“ شي جينپيڭ مەن حانىمى پىڭ لييۋان ماكرونمەن جانە حانىمى بريجيتپەن بىرگە تەرەزەگە قاراپ وتىرىپ، جايبىراقات ءارى كوڭىلدى ورتادا كەيبىر ماڭىزدى ماسەلەلەر جونىندە ستراتەگيالىق تۇرعىدان پىكىرلەستى. سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن
|
 |
سول جەر ۋاقىتى 5 - ايدىڭ 7 - كۇنى فرانسيانىڭ زۇڭتۇڭى ماكروننىڭ ارنايى ۇسىنىسى بويىنشا مەملەكەت ءتوراعاسى شي جينپيڭ ارناۋلى ۇشاقپەن پاريجدەن فرانسيانىڭ باتىس وڭتۇستىك بولىگىندەگى جوعارعى بيليوس ولكەسىنە ساپارلاي باردى. سۋرەتتە: تۋرمالە تاۋ ساعاسىندا شي جينپيڭ مەن حانىمى پىڭ لييۋان، ماكرون مەن حانىمى بريجيت جەرگىلىكتى قىستاق تۇرعىندارىمەن ىقىلاسپەن سۋرەتكە تۇسۋدە. سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن
|
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
