شي جينپيڭ 15 ـ كەزەكتى ءىسلام سەلبەستىك ۇيىمى باسشىلار ماجىلىسىنە قۇتتىقتاۋ تەلەگرامماسىن جولدادى
2024.05.06 16:40 كەلۋ قاينارى : شينجياڭ گازەتى
شينحۋا اگەنتتىگىنىڭ 5 ـ ايدىڭ 4 ـ كۇنى بەيجيڭنەن بەرگەن حابارى. 5 ـ ايدىڭ 4 ـ كۇنى مەملەكەت ءتوراعاسى شي جينپيڭ تەلەگرامما جولداپ، 15 ـ كەزەكتى ءىسلام سەلبەستىك ۇيىمى باسشىلار ءماجىلىسىنىڭ بانجۋلدا اشىلعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: ءىسلام سەلبەستىك ۇيىمى ءىسلام مەملەكەتتەرى ىنتىماعىنىڭ، ءوز ـ وزىنە قوجايىن بولۋىنىڭ سيمۆولى، ءىسلام مەملەكەتتەرىنىڭ سەلبەستىگىن كۇشەيتۋگە، حالىقارالىق ادىلدىكتى، ادىلەتتىلىكتى قورعاۋعا ماڭىزدى ۇلەس قوستى. جۇڭگو مەن ءىسلام ەلدەرى جاقسى دوس، ابزال سەرىكتەر، دوستىعى سوناۋ ارىدان باستاۋ العان. سوڭعى جىلدارى جۇڭگو مەن ءىسلام مەملەكەتتەرى ءبىر ـ ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءوزارا قولداۋ كورسەتىپ، ناقتى ىستەر سەلبەستىگىندە سۇبەلى جەتىستىكتەرگە قول جەتكىزدى، دوستىق قارىم ـ قاتىناسىنىڭ ساپاسى ۇزدىكسىز جوعارىلاپ، دەڭگەيى كوتەرىلدى، تۇستىك ەلدەر سەلبەستىگىنىڭ تيپتىك ۇلگىسىن ورناتتى. جۇڭگو جاق ءىسلام مەملەكەتتەرىمەن بىرگە ءداستۇرلى دوستىقتى ۇزبەي جالعاستىرىپ، ساياسي ءوزارا سەنىمدىلىكتى كۇشەيتىپ، ناقتى ىستەر سەلبەستىگىن تەرەڭدەتىپ، وركەنيەت اۋىس ـ كۇيىسىن كەڭەيتىپ، الەمدىك دامۋ باستاماسىن، الەمدىك حاۋىپسىزدىك باستاماسىن، الەمدىك وركەنيەت باستاماسىن بىرگە امالياتتا ايگىلەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم زور ۇلەس قوسۋدى قالايدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
