قوعام حاۋىپسىزدىگى مينيسترلىگى ”ۇشاقتا قيعىلىق سالۋعا“ ساياتىن تيپتىك دەلولاردى زاڭ بويىنشا جونگە سالۋ جاعدايىن اشىق جاريالادى
2024.05.06 14:37 كەلۋ قاينارى : حالىق تورابى
بۇقارانىڭ اڭىسى كۇشتى بولعان ورىندى يەلەپ الۋ، سويقان شىعارۋ قاتارلى ”ۇشاقتا قيعىلىق سالۋعا“ ساياتىن ماسەلەلەرگە باعىتتاي وتىرىپ، 2023 – جىلى 7 – ايدان بەرى حالىقتىق اۆياتسيا سالاسى مەن قوعام حاۋىپسىزدىگى ورگاندارى ”ۇشاقتا قيعىلىق سالۋعا“ ساياتىن ماسەلەلەردى زاڭ بويىنشا جونگە سالىپ، اۆياتسيا حاۋىپسىزدىگى مەن ءتارتىبىن قورعاۋ جاعىنداعى ارناۋلى ارەكەتتى ۇيىمداستىرىپ ورىستەتكەن. جۋىردا قوعام حاۋىپسىزدىگى مينيسترلىگى ءبىر توپ تيپتىك دەلولاردى جاريالاعان.
2023 – جىلى 11 – ايدىڭ 12 – كۇنى، حۋاڭ XX، گو XX جانە لياڭ XX ەسىمدى 3 جولاۋشى ۇشاقتىڭ ورىندىعىنىڭ ارقالىعىن شالقايتۋعا بايلانىستى داۋلاسىپ قالىپ، وسىنىڭ سالدارىنان توبەلەسكەن. اماندىق باسقارۋعا قايشى كەلگەندەردى جازالاۋ زاڭىنداعى قاتىستى بەلگىلەمەلەرگە ساي، ۇشاق قونعاننان كەيىن، قوعام حاۋىپسىزدىگى ورگاندارى حۋاڭ XX، گو XX جانە لياڭ XX ەسىمدى 3 جولاۋشىنى اكىمشىلىك جاقتان قاماۋعا العان ءارى ولارعا اقشالاي ايىپ سالعان.
2024 – جىلى 3 – ايدىڭ 18 – كۇنى، ۋ XX ەسىمدى جولاۋشى ماس بولىپ ۇشاققا وتىرعان ءارى ءبىرىنشى دارەجەلى ورىندىقتى يەلەپ العان، سوزگە كونبەي، جولاۋشىلار ۇشاعىنداعى ءتارتىپتى بۇزىپ، وسىنىڭ سالدارىنان ۇشاق كەشەۋىلدەگەن. اماندىق باسقارۋعا قايشى كەلگەندەردى جازالاۋ زاڭىنداعى قاتىستى بەلگىلەمەلەرگە ساي، قوعام حاۋىپسىزدىگى ورگاندارى ۋ XX دى اكىمشىلىك جاقتان 10 كۇندىك قاماۋعا العان.
2024 – جىلى 3 – ايدىڭ 30 – كۇنى، ۇشاق اۋەجايعا قونىپ، سىرعىما جولمەن ۇشاق تۇراتىن ورىنعا بارا جاتقاندا جاڭ X ەسىمدى جولاۋشى شۇعىل جاعدايدا پايدالاناتىن ۇشاق ەسىگىن تارتىپ اشىپ، وسىنىڭ سالدارىنان سىرعىما ساتى تۇسكەن، ۇشاقتىڭ جوسپار بويىنشا قايتادان ۇشاتىن مىندەتى كۇشىنەن قالدىرىلعان. اماندىق قورعاۋدى باسقارۋعا قايشى كەلگەندەردى جازالاۋ زاڭىنداعى قاتىستى بەلگىلەمەلەرگە ساي، قوعام حاۋىپسىزدىگى ورگاندارى جاڭ X تى اكىمشىلىك جاقتان 12 كۇندىك قاماۋعا العان.
2024 – جىلى 3 – ايدىڭ 1 – كۇنى، پان XX ەسىمدى جولاۋشى ۇشاققا شىعا الماي قالعاندىقتان، ۇشاقتا بومبى بار دەپ قۇقاي كورسەتكەن، وسىنىڭ سالدارىنان ۇشاق 2 ساعاتتان استام ۋاقىت كەشىككەن. قىلمىستىق ىستەر زاڭىنداعى قاتىستى بەلگىلەمەلەرگە ساي، قوعام حاۋىپسىزدىگى ورگاندارى پان XX كە زاڭ بويىنشا قىلمىستىق ىستەرگە ساياتىن ماجبۇرلەۋ شارالارىن اتقارعان. سوڭىنان سوت مەكەمەسى ۇكىم شىعارىپ، پان XX تى قاماقتا 5 اي جۇمىس ىستەتۋ، 6 اي كەشەۋىلدەتىپ اتقارۋ جازاسىنا ۇكىم ەتكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
