2024 – جىلى 3 - ايدا بۇكىل ەل بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساعان 7859 ماسەلە تەكسەرىپ ءبىر جاقتى ەتىلدى
2024.04.29 14:16 كەلۋ قاينارى : حالىق تورابى
4 – ايدىڭ 28 – كۇنى، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ – تەكسەرۋ كوميتەتى 2024 – جىلى 3 – ايداعى بۇكىل ەل بويىنشا تەكسەرىپ ءبىر جاقتى ەتىلگەن، ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساعان ماسەلەلەردى جيناقتاۋ جاعدايىن جاريالادى. اتالعان ايدا بۇكىل ەل بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساعان 7859 ماسەلە تەكسەرىپ ءبىر جاقتى ەتىلدى، 10 مىڭ 855 ادامعا سىن - تاربيە بەرىلدى جانە ءبىر جاقتى ەتىلدى، مۇنىڭ ىشىندە 7 مىڭ 450 ادامعا پارتيا ءتارتىبى، اكىمشىلىك ءتارتىپ جازاسى بەرىلدى، بۇل ءۇرتىس 127 - ايدا جاريالانعان اي سايىنعى ساندى مالىمەت.
تەكسەرىپ ءبىر جاقتى ەتىلگەن ماسەلەلەردىڭ تۇرىنەن قاراعاندا، مىندەت اتقارىپ، جاۋاپكەرشىلىكتى ادا ەتۋ، ەكونوميكالىق، قوعامدىق دامۋعا جانە ەكولوگيالىق ورتانى قورعاۋعا قىزمەت وتەۋ جاعىندا جاۋاپكەرشىلىك ارقالاماۋ، ءىس تىندىرماۋ، بەتالدى ىستەۋ، جالعان ىستەۋ، جوعارى ساپالى دامۋعا اۋىر ىقپال جاساۋ جاعىندا، 3 ـ ايدا جيىنى 2809 ماسەلە تەكسەرىپ ءبىر جاقتى ەتىلگەن، سول ايدا تەكسەرىپ ءبىر جاقتى ەتىلگەن فورماشىلدىق، تورەشىلدىك ماسەلەسى جالپى سانىنىڭ %88.8 ىن ۇستاعان. 3 – ايدا تەكسەرىپ ءبىر جاقتى ەتىلگەن، بەلگىلەمەگە قايشى ايگىلى، باعالى، ەرەكشە ونىمدەر مەن تارتۋ – تارالعى قابىلداۋ، اقشا الۋ، بەلگىلەمەگە قايشى ءىشىپ – جەۋ، بەلگىلەمەگە قايشى تۇردە قوسىمشا قاراجات نەمەسە يگىلىك بۇيىمدارىن تاراتۋ سىندى 3 ءتۇرلى ماسەلە جەكە - جەكە سول ايدا تەكسەرىپ ءبىر جاقتى ەتىلگەن راقاتقۇمارلىق، استا - توك ىسىراپشىلدىق ماسەلەسىنىڭ %47.2 ىن، %21.6 ىن، %13.0ىن ۇستادى.
تەكسەرىپ ءبىر جاقتى ەتۋ دارەجەسىنەن قاراعاندا، 3 – ايدا، بۇكىل ەل بويىنشا ايماق، مەڭگەرمە دارەجەلى باسشى كادرلار ماسەلەسىنەن 86 سى، اۋدان، باسقارما دارەجەلى باسشى كادرلار ماسەلەسىنەن 619 ى، اۋىل، ءبولىم دارەجەلى جانە ودان تومەن دارەجەلى كادرلار ماسەلەسىنەن 7154 ى تەكسەرىپ ءبىر جاقتى ەتىلدى. مۇنىڭ ىشىندە اۋىل، ءبولىم دارەجەلى جانە ودان تومەن دارەجەلى كادرلار ماسەلەسى تەكسەرىپ ءبىر جاقتى ەتىلگەن ماسەلە جالپى سانىنىڭ %91.0 ىن ۇستادى.
”1- مامىر“ دەمالىسى تاياپ قالدى، ءار دارەجەلى ءتارتىپ تەكسەرۋ، باقىلاۋ – تەكسەرۋ ورگاندارى ”شەشۋشى از ساندىلاردى“، ءتۇيىندى ورىنداردى، كورنەكتى ماسەلەلەردى ءجىتى قاداعالاپ، اشىق – جاسىرىن تەكسەرۋدى، باقىلاۋ- تەكسەرۋدى كۇشەيتىپ، بايقالعان ”ءتورت بۇرىس ستيل“ ماسەلەلەرىنىڭ دەرەكتەرىن تەرەڭ قازىپ، ەگجەي ـ تەگجەيلى تەكسەرىپ، تىزگىنىن تارتپاعان، تارتىپكە قاسارىسا قايشىلىق جاساعان ارەكەتتەردى قاتاڭ، اۋىر ءبىر جاقتى ەتۋ كەرەك. مەرەكەدەن بۇرىن پاكتىك تاربيەسى ەسكەرتۋىن كۇشەيتىپ، بۇكىل پارتيادا ورىستەتىلگەن پارتيا ءتارتىبىن ۇيرەنۋ تاربيەسىن وراي ەتىپ، جەر ـ جەردىڭ، تاراۋلاردىڭ ستيل، ءتارتىپ، ۇيرەنۋ تاربيەسىن كۇشەيتۋىن ىلگەرىلەتىپ، دەلو مىسالدارى بويىنشا ساقتاندىرۋدى كۇشەيتىپ، ەرەجەگە، تارتىپكە بويسۇنۋ تانىمىن ساناعا ۇيالاتىپ، پارتيالى كادرلاردى مەرەكەنى دۇرىس وتكىزۋگە جەتەكتەۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
