جۇڭگو مەن ا ق ش ورتاق تانىمعا كەلدى
2024.04.28 16:44 كەلۋ قاينارى : حالىق تورابى
4 – ايدىڭ 26 – كۇنى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترلىگىنىڭ مينيسترى ۋاڭ ي بەيجيڭدە ا ق ش – نىڭ مەملەكەت ىستەرى حاتشىسى بلينكەنمەن كەڭەس وتكىزىپ، ەكى جاق جان – جاقتى پىكىر الماستىرۋ نەگىزىندە بەس ءتۇرلى ورتاق تانىمعا كەلگەن.
بىرىنشىدەن، ەكى جاق ەكى ەل باسشىلارىنىڭ نۇسقاۋى بويىنشا جۇڭگو مەن ا ق ش قارىم – قاتىناسىن ۇزدىكسىز ورنىقتىرۋعا جانە دامىتۋعا قوسىلادى. ەكى جاق سان – فرانسيسكو كەڭەسىنەن بەرگى جۇڭگو مەن ا ق ش – نىڭ ءار سالاداعى كەڭەسى مەن سەلبەستىگىنىڭ بەلسەندى ىلگەرىلەۋشىلىككە قول جەتكىزگەنىن تۇراقتاندىرادى، ەكى ەل باسشىلارىنىڭ سان – فرانسيسكودا قول جەتكىزگەن ماڭىزدى ورتاق تانىمىن جەدەل تياناقتاندىرۋعا قوسىلادى.
ەكىنشىدەن، ەكى جاق جوعارى دارەجەلىلەر ارا بارىس – كەلىس پەن ءار دارەجەلىلەر بويىنشا قارىم – قاتىناستى ساقتاۋعا قوسىلادى. ديپلوماتيا، ەكونوميكا، فينانس، ساۋدا قاتارلى سالالاردا قالپىنا كەلتىرىلگەن جانە جاڭادان ورناتىلعان كەڭەسۋ مەحانيزمدەرىنىڭ رولىن ۇزدىكسىز ساۋلەلەندىرەدى. ەكى ەل ارمياسى اراسىنداعى بارىس – كەلىستى ۇزدىكسىز ورىستەتەدى. جۇڭگو مەن ا ق ش – نىڭ ەسىرتكىگە تيىم سالۋ، كليمات وزگەرىسى، جاساندى زەردە قاتارلى سالالارداعى سەلبەستىگىن ىشكەرىلەي ىلگەرىلەتەدى.
ۇشىنشىدەن، ەكى جاق جۇڭگو مەن ا ق ش ۇكىمەتتەرى اراسىنداعى جاساندى زەردەگە قاتىستى كەڭەستىڭ العاش رەتكى ءماجىلىسىن اشۋدى جاريالادى؛ جۇڭگو مەن ا ق ش قارىم – قاتىناسىنىڭ جەتەكشى پرينسيپتەرى تۋرالى كەڭەسۋدى ۇزدىكسىز ىلگەرىلەتەدى؛ جۇڭگو مەن ا ق ش اراسىنداعى جاڭا كەزەكتى ازيا – تىنىق مۇحيت ىستەرى كەڭەسىن، جۇڭگو مەن ا ق ش اراسىنداعى تەڭىز – مۇحيت ىستەرى كەڭەسىن وتكىزەدى؛ جۇڭگو مەن ا ق ش – نىڭ كونسۋلدىق ىستەر تۋرالى كەڭەسىن ۇزدىكسىز ورىستەتەدى. جۇڭگو مەن ا ق ش – نىڭ ەسىرتكىگە تيىم سالۋ قىزمەتى گرۋپپاسىنىڭ جوعارى دارەجەلى ءمانساپتىلار ءماجىلىسىن اشادى. ا ق ش جاق جۇڭگونىڭ كليمات وزگەرىسى ىستەرىنە قاتىستى ەرەكشە ۋاكىلەتتى ەلشىسى ليۋ جىنميننىڭ ا ق ش – نا ساپارلاي بارۋىن قارسى الادى.
تورتىنشىدەن، ەكى جاق ەكى ەل اراسىنداعى گۋمانيتارلىق اۋىس – كۇيىستى كەڭەيتۋ جاعىندا شارا قولدانىپ، ستۋدەنتتەردىڭ ءبىر – بىرىنە بارىپ وقۋىن قارسى الادى، 5 – ايدا جۇڭگونىڭ شي – ان قالاسىندا وتكىزىلەتىن جۇڭگو مەن ا ق ش اراسىنداعى ساياحات سالاسىنداعى جوعارى دارەجەلىلەردىڭ 14 – رەتكى كەڭەسىن ويداعىداي وتكىزەدى.
بەسىنشىدەن، ەكى جاق حالىقارالىق جانە وڭىرلىك قولامتالى ماسەلەلەر جونىندە كەڭەسۋدى ۇزبەيدى، ەكى جاقتىڭ ەرەكشە ۋاكىلەتتى ەلشىلەرى بايلانىستى كۇشەيتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
