سۇي ماۋحۋدىڭ پارا الۋ دەلوسىنا ءبىرىنشى سوت اشىلدى!
2024.04.26 15:11 كەلۋ قاينارى : حالىق تورابى
2024 – جىلى 4 – ايدىڭ 25 – كۇنى، لياۋنيڭ ولكەسى شىنياڭ قالالىق ورتا دارەجەلى حالىق سوت مەكەمەسى ورتالىق كوميتەت بىرلىكساپ ءبولىمىنىڭ بۇرىنعى ورىنباسار باستىعى، مەملەكەتتىك ءدىن ىستەرى مەكەمەسىنىڭ بۇرىنعى باستىعى سۇي ماۋحۋدىڭ پارا الۋ دەلوسىنا ءبىرىنشى اشىق سوت اشتى.
شىنياڭ قالالىق حالىق پروكۋراتۋراسى بىلاي دەپ الەۋمەتتىك ايىپتاما بەردى: 2007 - جىلدان 2023 – جىلعا دەيىن ايىپكەر سۇي ماۋحۋ يۇننان ولكەلىك پارتكوم ۇيىمداستىرۋ ءبولىمىنىڭ ورىنباسار باستعى، ليجياڭ قالالىق پارتكومنىڭ شۋجيى، يۇننان ولكەسىنىڭ ورىنباسار ولكە باستىعى قاتارلى مىندەتتەرىندەگى قولايلىلىقتاردان جانە قىزمەت ۇقىعى نەمەسە ورنى قالىپتاستىرعان قولايلى شارت - جاعدايدان پايدالانىپ، باسقالارعا قۇرىلىستى كوتەرەگە الۋ، اقشاسىن اجىراتىپ بەرۋ، كادرلاردى مىندەتكە تاعايىنداۋ قاتارلى جاقتاردا پايدا جەتكىزىپ، زاڭسىز قابىلداعان مال - مۇلكى حالىق اقشاسىنا سىندىرعاندا جالپى 10 ميلليون 430 مىڭ يۋان بولعان. پروكۋراتۋرا ورگاندارى پارا الۋ قىلمىسى بويىنشا سۇي ماۋحۋدىڭ قىلمىستىق ىستەر جاۋاپكەرشىلىگىن قۋزاستىرۋدى ۇسىنىس ەتتى.
سوتتا پروكۋراتۋرا ورگاندارى قاتىستى دالەل - سىپاتتاردى كورسەتتى، ايىپكەر سۇي ماۋحۋ مەن ونىڭ اقتاۋشىلارى فاكت كورسەتتى، شاعىم ايتۋشى مەن اقتاۋشى ەكى جاق سوتتىڭ باسقارۋىندا تولىق پىكىر ايتتى، سۇي ماۋحۋ ەڭ سوڭعى ءسوزىن سويلەپ ءارى سوتتا قىلمىسىن تانىپ، وكىنەتىندىگىن ءبىلدىردى. ەڭ سوڭىندا سوت ءۇزىلىس جاساعاندىعىن، ۇكىمدى ارتىنان شىعاراتىندىعىن جاريالادى.
حالىق قۇرىلتايى ۋاكىلدەرىنەن، ساياسي كەڭەس مۇشەلەرىنەن جانە قوعامنىڭ ءار سالاسىنداعى بۇقارادان 30 دان استام ادام سوت تەرگەۋىن سىرتتاي تىڭدادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
