ۇرىمجىدە ءبىر قارت 30 مىڭ يۋان قارجى قوسساڭىز، سول ايدا ءبىر ميلليون يۋان تابىسقا يە بولاسىز دەگەنگە ءشۇباسىز سەنىپ قالعان
حالىق ساقشىلارى وتباسىنا بارىپ كەڭەس بەرىپ، الدامكوستىكتى اشىپ تاستادى
2024.04.26 14:17 كەلۋ قاينارى : حالىق تورابى
انار بۇلت \ شينجياڭ گازەتىنىڭ ءتىلشىسى ياڭ بين حابارلايدى. 4 – ايدىڭ 24 – كۇنى ءۇرىمجى قالاسى سايباق رايونى حۋانۋەي جولى ساقشى بولىمشەسى 65 جاستاعى جاڭ ليدى (وزگەرتىلگەن ەسىم) تەلەكوم مەن ينتەرنەتتەن پايدالانعان الدامكوستەرگە سەنبەۋگە ءناسيحاتتاپ، ونىڭ 30 مىڭ يۋان اقشاسىن امان الىپ قالدى.
4 – ايدىڭ 24 – كۇنى، حۋەنۋەي جولى ساقشى بولىمشەسىنىڭ قاراستىلىعىنداعى تۇرعىن ساقشى بولىمشەسىنەن كومەك سۇراپ، اناسىنىڭ الدامكوستىككە جولىققان بولۋى مۇمكىن ەكەنىن، قارسى جاققا 30 مىڭ يۋان اقشا جوتكەيمىن دەپ قاسارىسىپ العانىن ايتادى.
ءاسىلى جاڭ ليدى دوسى الاڭ ءبيىن بيلەيتىندەردىڭ ۋيشين توبىنا قوسقان ءارى وعان ”اۋىلداستار قورى“ دەگەن APP تى تانىستىرعان، قارسى جاق وعان بۇل نىسانعا قارجى قوسسا، جوعارى سومادا تابىسقا يە بولاتىنىن ايتقان. جاڭ لي الدامكوستىك كۇماندىسى ”چىن ۋەيۋەي“ ەسىمدى قىزمەتكەردىڭ جەتەكشىلىگىندە قىزمەتكەردىڭ ۋيشين ءنومىرىن قوسىپ، كەسكىندى ”ساباقتاردى“ تىڭداعان. قارسى جاق ودان ۋيشينداعى سويلەسكەن ەستەلىكتەردى ءوشىرۋدى، وتباسىنداعىلار مەن ساقشىلارعا ايتپاۋدى تالاپ ەتكەن، اۋەلى ءبىر كۇندە 30 مىڭ يۋان جوتكەسە، سول ايدىڭ 26 – كۇنى وعان پوچتا ارقىلى بانكە كارتوچكاسىن سالاتىنىن ءارى ءبىر ميلليون يۋان تابىس بولەتىنىن ايتادى.
ءدال وسى كەزدە جاڭ ليدىڭ قىزى اناسىن كورگەلى كەلگەن، ول قالىپسىز جاعدايدى بايقاعان سوڭ، الەۋمەتتىك اۋماقتاعى وسى وتباسىنى مىندەتىنە العان كادردەن كومەك سۇرايدى. مىندەتىنە العان كادر مەن الەۋمەتتىك اۋماق شۋجيى تالاي رەت كەڭەس بەرسە دە، جاڭ لي العان بەتىنەن قايتپايدى، سونىمەن ولار قوعام حاۋىپسىزدىگى ورگاندارىنان كومەك سۇرادى.
حالىق ساقشىسى جاعدايدى بىلگەن سوڭ، زاڭعا قاتىستى بىلىمدەردى ءتۇسىندىرۋ جانە الدامكوستىكتىڭ تاسىلدەرىن ەگجەي – تەگجەيلى بايانداۋ ارقىلى جاڭ ليگە ”اۋىلداستار قورىنىڭ“ ينتەرنەت ارقىلى الدامكوستىك ىستەيتىن ۇيىم ەكەنىن ۇعىندىرادى. باستابىندا جاڭ لي بۇل نىسانعا ءشۇباسىز سەنگەنىمەن، حالىق ساقشىلارى جاڭ ليمەن حابارلاسقان قىزمەتكەرمەن بەينە كەسكىن ارقىلى سويلەسكەن كەزدە، ونىڭ شيكىلىگى شىعىپ قالعاندىقتان، جاڭ لي اقىرى جاعدايدى اڭعارىپ، ەكونوميكالىق زيان شەگۋدەن ساقتاندى.
ءۇرىمجى قالالىق قوعام حاۋىپسىزدىگى مەكەمەسى سايباق رايوندىق قوعام حاۋىپسىزدىگى بولىمشە مەكەمەسى الدامكوستىككە قارسى ۇگىت جۇرگىزۋ مەن كەڭەس بەرۋ قىزمەتىن ۇزدىكسىز كۇشەيتىپ، بۇقارانىڭ ءومىرى مەن مال – مۇلكىنىڭ حاۋىپسىزدىگىنە كەپىلدىك ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
