4 - ايدىڭ 26 - كۇنىنەن 29 - كۇنىنە دەيىن وڭتۇستىك، سولتۇستىك شينجياڭنىڭ باتىس بولەگىنىڭ ءىشىنارا جەرلەرىندە نوسەر جاۋادى
بۇكىل شينجياڭنىڭ اۋا تەمپەراتۋراسى سولتۇستىكتەن وڭتۇستىككە قاراي 5 تە 8 سەلتسي گرادۋس تومەندەيدى
2024.04.26 15:26 كەلۋ قاينارى : حالىق تورابى
ءتىلشىنىڭ شينجياڭ اۋا رايى ستانسياسىنان ۇعىسۋىنشا، مەجەمەن 4 - ايدىڭ 26 - كۇنىنەن 29 - كۇنىنە دەيىن وڭتۇستىك، سولتۇستىك شينجياڭنىڭ قيىس باتىس بولەگىنىڭ ءىشىنارا جەرلەرىندە نوسەر جاۋىپ، تاۋلى وڭىرلەردە جاۋىن - شاشىن مولشەرى ارتادى، بۇكىل شينجياڭنىڭ باسىم كوپ بولەگىنىڭ تەمپەراتۋراسى سولتۇستىكتەن وڭتۇستىككە قاراي 5 تە 8 سەلتسي گرادۋس تومەندەيدى. تارباعاتاي ايماعىنىڭ سولتۇستىك بولەگىنىڭ، التاي ايماعىنىڭ، سانجى وبلىسىنىڭ شىعىسىنىڭ ءىشىنارا جازىق وڭىرلەرىندە قىراۋ ۇسىگى جۇرەدى.
الدىن الا مالىمەتتە كورسەتىلۋىنشە، 4 - ايدىڭ 26 - كۇنى ىلە وزەنى اڭعارىندا، تيانشان تاۋلى رايونىنىڭ ءىشىنارا جەرلەرىندە نوسەر (قار) نەمەسە قالىڭ نوسەر (قالىڭ قار) جاۋادى؛ 4 - ايدىڭ 27 - كۇنىنەن 29 - كۇنىنە دەيىن قىزىلسۋ قىرعىز اۆتونوميالى وبلىسىنىڭ ءبىر ءبولىم وڭىرلەرىندە جانە قاشقار ايماعىنىڭ وڭتۇستىك بولەگى، اقسۋ ايماعىنىڭ باتىس بولەگى قاتارلى جەرلەردىڭ ءىشىنارا وڭىرلەرىندە نوسەر جاۋادى. شينجياڭ اۋا رايى ستانسياسى مىنانى ەسكەرتتى: جوعارىداعى وڭىرلەردە قىسقا ۋاقىتتىق كۇشتى جاۋىن ـ شاشىن، ناجاعايلى بوران جانە بۇرشاق سياقتى كۇشتى كونۆەكسيالىق اۋا رايىنىڭ تۋىلۋ مۇمكىندىگى ءبىرشاما زور، ساقتانۋدى كوشەيتۋ كەرەك ءارى بۇرشاقتان جاساندى جولمەن ساقتانۋ قىزمەتىن ويداعىداي ىستەۋ كەرەك.
جاڭبىردىڭ جاۋۋىنا ىلەسىپ، 4 – ايدىڭ 26 – كۇنى تاڭەرتەڭنەن 27 – كۇنى ءتۇن جارىمىنا دەيىن تارباعاتاي ايماعىنىڭ سولتۇستىگى، التاي ايماعى، سانجى وبلىسىنىڭ شىعىسىنداعى ءىشىنارا جازىق رايونداردىڭ ەڭ تومەنگى تەمپەراتۋراسى نولدەن تومەن 3 تە 2 گرادۋسقا دەيىن تۇسەدى، ۇقساماعان دارەجەدە قىراۋ ۇسىگى جۇرەدى؛ سولتۇستىك شينجياڭنىڭ باسقا جەرلەرىنىڭ، قۇمىل قالاسىنىڭ سولتۇستىگىندەگى جازىق رايونداردىڭ ەڭ تومەنگى تەمپەراتۋراسى 2 دە 5 سەلتسي گرادۋس تومەندەيدى، تاۋلى رايونداردا نولدەن تومەن 12 دە نولدەن تومەن 5 سەلتسي گرادۋسقا دەيىن تومەندەيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
