قىرعىزستاننىڭ ورىنباسار زۇڭليى جۇڭگو جاقتىڭ قىرعىزستاننىڭ ەمدەۋ – دەنساۋلىق ساقتاۋ ىستەرىنە قولداۋ كورسەتكەنىنە راقىمەت ايتتى
2024.04.28 16:42 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى گۋان جيان – ۋ 4 – ايدىڭ 27 – كۇنى بيشكەكتەن حابارلايدى. قىرعىزستاننىڭ ورىنباسار زۇڭليى بايسالوۆ 4 – ايدىڭ 26 – كۇنى بيشكەكتە جۇڭگو جاقتىڭ ۇزاق ۋاقىتتان بەرى قىرعىزستاننىڭ ەمدەۋ – دەنساۋلىق ساقتاۋ ىستەرىنە قولداۋ كورسەتكەنىنە جانە كومەكتەسكەنىنە راقىمەت ايتىپ، قىرعىزستاننىڭ جۇڭگو جاقپەن ەكى ەل اراسىنداعى ۇرپاقتان – ۇرپاققا جالعاسقان دوستىقتى ۇزدىكسىز تەرەڭدەتۋدى، قىرعىزستان مەن جۇڭگو قارىم – قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋدى قالايتىنىن بىلدىرگەن.
قىرعىزستاندىق تۋما جۇرەك اۋرۋىنا شالدىققان بالالاردىڭ جۇڭگودا تەگىن وپەراتسيا جاساتقاننان كەيىن قىرعىزستانعا قايتىپ ورالعاندىعىن قارسى الۋ سالتى سول كۇنى بيشكەكتە وتكىزىلىپ، بايسالوۆ پەن جۇڭگونىڭ قىرعىزستاندا تۇراتىن باس ەلشىسى دۋ دىۋىن سالتقا قاتىناستى.
دۋ دىۋىن مىنانى ءبىلدىردى: اتالعان نىسان جۇڭگو حالقىنىڭ قىرعىزستان حالقىنا دەگەن تەرەڭ دوستىعىن تولىق ايگىلەدى. قازىر قىرعىزستان مەن جۇڭگونىڭ قارىم – قاتىناسى تاريحتاعى ەڭ جاقسى مەزگىلدە تۇر، ەكى جاق ”ءبىر بەلدەۋ، ءبىر جولدى“ بىرگە كوركەيتۋدى ۇزدىكسىز تەرەڭدەتۋدە، ەمدەۋ – دەنساۋلىق ساقتاۋ سالاسىنداعى سەلبەستىك جەتىستىكتەرى مول. جۇڭگو جاق قىرعىزستان جاقپەن بىرگە قۇلشىنىپ، جۇڭگو مەن قىرعىزستان تاعدىرلاس ورتاق تۇلعاسىن قالىپتاستىرۋدى ىلگەرىلەتۋدى، ەكى ەل حالقىنا باقىت جاراتۋدى قالايدى.
ۇعىسۋعا قاراعاندا، تۋما جۇرەك اۋرۋىنا شالدىققان قىرعىزستاندىق 10 بالاعا جۇڭگودا تەگىن وپەراتسيا جاساۋ نىسانىن قىرعىزستان زۇڭتۇڭىنىڭ حانىمى قور قوعامى مەن جۇڭگو حىنان ولكەلىك كوكىرەك اۋرۋلارى ەمحاناسى بىرگە اتقارعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
