«شي جينپيڭ ەل باسقارۋ جونىندەنىڭ» اراب تىلىندەگى باسىلىمىن تانىستىرۋ ءماجىلىسى كايردە وتكىزىلدى
2024.04.28 16:18 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 26 - كۇنى، كاير. «شي جينپيڭ ەل باسقارۋ جونىندەنىڭ» اراب تىلىندەگى باسىلىمىن تانىستىرۋ ءماجىلىسى 4 - ايدىڭ 24 - كۇنى ەگيپەتتىڭ استاناسى كايردە وتكىزىلدى، جۇڭگو مەن اراب ەلدەرىنىڭ ءار سالا ۋاكىلدەرىنەن 100 دەن استام ادام ماجىلىسكە قاتىناستى.
ەگيپەتتىڭ بۇرىنعى زۇڭليى ايسام شەراف مىنانى ءبىلدىردى: «شي جينپيڭ ەل باسقارۋ جونىندە» حالىقارالىق قوعامعا جۇڭگونىڭ بولاشاعىن ايقىن سۋرەتتەپ، جۇڭگو ۇلگىسىندەگى وسىزامانداندىرۋدىڭ تاجىريبەلەرىمەن تيتتەي دە جاسىرماي ءبولىستى، بۇل وقىرمانداردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن اناعۇرلىم دۇرىس تۇسىنۋىنە، جۇڭگونىڭ قازىرگى ساياساتىن تۇسىنۋىنە سەپتىگىن تيگىزىپ، سەنىمدى، سۇيىكتى، قاستەرلى جۇڭگونىڭ حالىقارالىق وبرازىن ايگىلەدى.
اراب ەلدەرى وداعىنىڭ كومەكشى باس حاتشىسى قۇسايىن حانداۆي ارناۋ سوزىندە مىنانى ءبىلدىردى: «شي جينپيڭ ەل باسقارۋ جونىندەدە» جۇڭگونىڭ قاراپايىم دا كلاسسيكالىق شىعارمالارى، ۇزاق ءارى جاڭا ەل باسقارۋ ۇستانىمى قامتىلعان، بۇكىل دۇنيە ءجۇزى كولەمىندە ۇلگى دەۋگە بولادى.
اراب باسپا ساۋداگەرلەرى قوعامىنىڭ ءتوراعاسى مۇحاممەد ريشاد بىلاي دەپ قارادى: «شي جينپيڭ ەل باسقارۋ جونىندەنى» وقۋ ارقىلى اراب وقىرماندارى ءتوراعا شي جينپيڭنىڭ ساياسي كوزقاراسىن، يدەيالىق نازارياسىن جانە ەل باسقارۋ جالپى جوباسىن جان - جاقتى، جۇيەلى ءتۇسىنىپ، ادامزاتتىڭ تاعدىرلاس ورتاق تۇلعاسىن قۇرۋدىڭ جانە جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ باي مازمۇنىن جانە ماڭىزدى قۇنىن تەرەڭ تۇسىنەدى.
جۇڭگو شەتەل تىلدەرى مەكەمەسىنىڭ باستىعى دۋ جانيۋان تانىستىرۋ ماجىلىسىندە مىنانى ءبىلدىردى: «شي جينپيڭ ەل باسقارۋ جونىندە» دۇنيە ءجۇزىنىڭ جۇڭگونى تۇسىنۋىندەگى ”يدەيالىق تەرەزە“ دەپ قارالىپ كەلەدى، بۇل − ءار ەل وقىرماندارىنىڭ جاڭا داۋىردەگى جۇڭگونىڭ ەل باسقارۋ جالپى جوباسىن، جۇڭحۋا ۇلتىنىڭ وسى زامانعى وركەنيەتىن تۇسىنۋىندەگى بەدەلدى وقۋلىق. ءتوراعا شي جينپيڭنىڭ ماڭىزدى پايىمداۋىندا حالىقتى بارىنەن جوعارى قويۋ قۇن بەتالىسى قامتىلىپ، مەملەكەتتى جونگە سالۋ بارىسىندا حالىقتى وزەك ەتكەن دامۋ يدەياسى ايگىلەندى؛ جۇڭگو ۇلگىسىندەگى وسىزامانداندىرۋدىڭ ىشكى لوگيكاسىن اشىپ كورسەتىپ، وركەندەپ كەلە جاتقان ەلدەردىڭ وسىزاماندانۋ جولىن قاراستىرۋىنا ۇلگى كورسەتىپ، وي سالدى.
جۇڭگونىڭ ەگيپەتتە تۇراتىن باس ەلشىسى لياۋ ليچياڭ ارناۋ سوزىندە مىنانى ءبىلدىردى: «شي جينپيڭ ەل باسقارۋ جونىندە» − جۇڭگو ۇلگىسىندەگى وسىزامانداندىرۋدىڭ باعدارناماسى، جۇڭگونىڭ ءىرى ەلدىك جاۋاپكەرلىگىن سەزىنۋدىڭ اسىل كىتابى، جۇڭگو كوسەمدەرىنىڭ ادامگەرشىلىك قۇدىرەتىن اڭعارتاتىن تەرەزە. ءتوراعا شي جينپيڭنىڭ كورەگەندىككە تولى ءبىر قىدىرۋ جاڭا ۇستانىمدارى، جاڭا باستامالارى جۇڭگونىڭ بەيبىت دامۋ جولىمەن جۇرۋدەي بەرىك بەكىمىن ايگىلەپ، جۇڭگونىڭ دامۋى دۇنيە جۇزىنە باقىت جاراتادى دەيتىن شىنايى تىلەكتى ءبىلدىردى.
تانىستىرۋ ءماجىلىسىن جۇڭگو شەتەل تىلدەرى مەكەمەسى، جۇڭگونىڭ ەگيپەتتە تۇراتىن باس ەلشىحاناسى ۇيىمداستىردى، شەتەل تىلدەرى باسپاسى، جۇڭگو شەتەل تىلدەرى مەكەمەسى باتىس ەۆروپا جانە افريكا تاراتۋ ورتالىعى («بۇگىنگى جۇڭگو» جۋرنال مەكەمەسى) ۇستىنە الىپ وتكىزدى، ەگيپەتتىڭ حيكمەت مادەنيەت كاسىبى توبى سەلبەسىپ وتكىزدى، ەگيپەتتىڭ «نەگىزگى ەرەجە گازەتى» اقپارات قۇرالدارىنىڭ سەلبەستىگىنە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
