سىرتقى ىستەر مينيسترلىگىنىڭ مالىمدەمەشىسى ا ق ش – نىڭ مەملەكەت ىستەرى حاتشىسى بلينكەننىڭ جۇڭگونىڭ تايۋان ءوڭىرىنىڭ دۇنيە جۇزىلىك دەنساۋلىق ساقتاۋ ۇيىمىنىڭ ماجىلىسىنە قاتىناسۋى تۋرالى مالىمدەمەسى جونىندە ءتىلشىنىڭ سۇراۋىنا جاۋاپ قايتاردى
2024.05.06 14:46 كەلۋ قاينارى : حالىق تورابى
سۇراۋ: ا ق ش – نىڭ مەملەكەت ىستەرى حاتشىسى بلينكەن 5 – ايدىڭ 1 – كۇنى مالىمدەمە جاريالاپ: ا ق ش دۇنيە جۇزىلىك دەنساۋلىق ساقتاۋ ۇيىمىن تايۋاندى باقىلاۋشى مۇشە سالاۋاتىمەن دۇنيە جۇزىلىك دەنساۋلىق ساقتاۋ ۇيىمىنىڭ بيىلعى ماجىلىسىنە قاتىناسۋعا ۇسىنىس ەتۋگە بارىنشا شابىتتاندىرادى، _ دەگەن. جۇڭگو جاق وسى جونىندە قانداي پىكىر بىلدىرەدى؟
جاۋاپ: ا ق ش جاقتىڭ قاتىستى مالىمدەمەسى ءبىر جۇڭگو پرينسيبىنە جانە جۇڭگو مەن ا ق ش اراسىنداعى ءۇش رەتكى بىرلەسكەن مالىمدەمەگە اۋىر دارەجەدە قايشى كەلەدى، جۇڭگو جاق بۇعان قاتاڭ نارازىلىق ءبىلدىرىپ، باتىل قارسى تۇرادى.
دۇنيە جۇزىندە تەك ءبىر عانا جۇڭگو بار، تايۋان — جۇڭگو تەرريتورياسىنىڭ ايرىلماس ءبىر بولىگى. تايۋان ءوڭىرىنىڭ دۇنيە جۇزىلىك دەنساۋلىق ساقتاۋ ۇيىمىن قامتىعان حالىقارالىق ۇيىمداردىڭ قيمىلىنا قاتىناسۋى جونىندە جۇڭگو جاقتىڭ مايدانى دايەكتى ءارى ايقىن، اتاپ ايتقاندا، ءسوزسىز، ءبىر جۇڭگو پرينسيبى بويىنشا ءبىرجاقتى ەتۋ كەرەك، سونىمەن بىرگە، بۇل بىرلەسكەن مەملەكەتتەر ۇيىمىنىڭ 2758 – ءنومىرلى قاۋلىسى مەن دۇنيە جۇزىلىك دەنساۋلىق ساقتاۋ ۇيىمى ءماجىلىسىنىڭ 25.1 – ءنومىرلى قاۋلىسىندا تۇراقتاندىرىلعان ءتۇبىرلى پرينسيپ. دەموكراتيانى ىلگەرىلەتۋ پارتياسىنىڭ بيلىك باسىنداعىلارى توڭمويىندىقپەن ”تايۋاندى دەربەستەندىرۋ“ سىندى بولشەكتەۋشىلىك مايدانىندا قاسارىستى، وسىنىڭ سالدارىنان تايۋان ءوڭىرى دۇنيە جۇزىلىك دەنساۋلىق ساقتاۋ ۇيىمىنىڭ ماجىلىسىنە قاتىناسۋداعى ساياسي نەگىزىنەن ايرىلدى. ا ق ش جاقتىڭ قاتىستى مالىمدەمەسى جۇرتتى الجاستىرۋ، ءىس جۇزىندە ”تايۋاندى دەربەستەندىرۋ“ سىندى بولشەكتەۋشى قيمىلدى ىرقىنا جىبەرۋ جانە قولداۋ بولىپ تابىلادى.
تايۋان ماسەلەسى — جۇڭگونىڭ وزەكتى مۇددەسىنىڭ ىشىندەگى وزەكتى مۇددەسى، جۇڭگو مەن ا ق ش قارىم – قاتىناسىندا اتتاپ وتۋگە بولمايتىن قىزىل سىزىق. ءبىز ا ق ش جاقتى ءبىر جۇڭگو پرينسيبىنە جانە جۇڭگو مەن ا ق ش اراسىنداعى ءۇش رەتكى بىرلەسكەن مالىمدەمەگە قاتاڭ بويسۇنۋعا، حالىقارالىق زاڭ مەن حالىقارالىق قارىم – قاتىناستاردىڭ نەگىزدىك ولشەمىنە بويسۇنۋعا، ا ق ش – نىڭ مەملەكەت باسشىسىنىڭ ”تايۋاندى دەربەستەندىرۋگە“ قولداۋ كورسەتپەۋ، ”ەكى جۇڭگو“، ”ءبىر جۇڭگو، ءبىر تايۋان“ ايتىلىمىنا قولداۋ كورسەتپەۋ قاتارلى ۋادەلەرىن ءىس جۇزىندىك ارەكەت بارىسىندا تياناقتاندىرۋعا، دۇنيە جۇزىلىك دەنساۋلىق ساقتاۋ ۇيىمىنىڭ ءماجىلىسىن جەلەۋ ەتىپ، تايۋانعا قاتىستى ماسەلەنى دابىرالاماۋعا، ”تايۋاندى دەربەستەندىرۋگە “ ۇرىنعان بولشەكتەۋشى كۇشتەرگە قاتە سيگنال بەرمەۋگە قۋزايدى.
ءبىر جۇڭگو پرينسيبى حالىقارالىق قوعامنىڭ جاپپاي قولداۋىنا يە بولعان، ول جۇرت قالاۋى، اۋقىم بەتالىسى، ونى مويىنداماۋعا بولمايدى، وعان كەدەرگىلىك جاساۋعا كەلمەيدى. تايۋاندى ”دويبى تاسى“ ەتىپ، ”تايۋان ارقىلى جۇڭگونى تەجەۋگە“ ۇرىنۋ، ءسوزسىز، حالىقارالىق قوعامنىڭ قاتاڭ قارسىلىعىنا ۇشىرايدى، ساتسىزدىكپەن تىنارى داۋسىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
