جۇڭگو مەن رەسەي اراسىنداعى ءىرى ينجەنەريا جىل سوڭىنان بۇرىن وندىرىسكە قوسىلادى
2024.05.06 14:45 كەلۋ قاينارى : حالىق تورابى
5 – ايدىڭ 3 – كۇنى، جياڭسۋ ولكەسى نانتۇڭ قالاسىنداعى جۇڭگو مەن رەسەي اراسىنداعى تابيعي گاز قۇبىرىنىڭ شىعىس جەلىسىندەگى مەڭگەرۋشى سيپاتتاعى شەشۋشى ينجەنەريا — چاڭجياڭنان قالقان قۇرىلىم ارقىلى وتكىزۋ ينجەنەرياسىنىڭ قۇبىر توسەۋ جۇمىسى ورىندالىپ، نەگىزگى تۇلعالىق ينجەنەريانىڭ قۇرىلىسى جاپپاي اياقتاعان.
جۇڭگو مەن رەسەي اراسىنداعى تابيعي گاز قۇبىرىنىڭ شىعىس جەلىسىندەگى چاڭجياڭنان قالقان قۇرىلىم ارقىلى وتكىزۋ ينجەنەرياسى تۋنەلىنىڭ ۇزىندىعى شامامەن 10.226 كيلومەتر، قۇبىردى ورنالاستىرۋ تەرەڭدىگىنىڭ ەڭ تەرەڭ جەرى وزەن بەتىنەن 60 مەتردەن استام تەرەڭدىكتە، تۋنەلدىڭ ىشكى جاعىنىڭ ديامەترى 6.8 مەتر بولىپ، قازىر دۇنيە جۇزىندەگى مۇناي مەن تابيعي گاز سالاسىنداعى ءبىر باعىتتاعى قالقان قۇرىلىمدى قازۋ ارالىعى ەڭ ۇزاق، كومۋ تەرەڭدىگى ەڭ تەرەڭ، اۋىزىنىڭ ديامەترى ەڭ ۇلكەن، قۇرىلىس جۇرگىزۋ شارت – جاعدايى ەڭ كۇردەلى بولعان مۇناي – تابيعي گاز قۇبىرىن وزەننەن قالقان قۇرىلىم ارقىلى وتكىزۋ ينجەنەرياسى سانالادى.
چاڭجياڭنان قالقان قۇرىلىم ارقىلى وتكىزۋ ينجەنەرياسى — جۇڭگو مەن رەسەي اراسىنداعى تابيعي گاز قۇبىرىنداعى مەڭگەرۋشى سيپاتتى شەشۋشى ينجەنەريا، قۇرىلىس جۇمىسى 2020 – جىلى 7 – ايدا باستالعان، 2022 – جىلى 12 – ايدىڭ 4 – كۇنى تۋنەل تۇتاستىرىلىپ، قۇبىر جەلىسى توسەلە باستاعان، مەجەمەن بيىل جىل سوڭىنان بۇرىن تۇتاستىرىلىپ، وندىرىسكە قوسىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
