ءتوراعا شي جينپيڭ ەۆروپاداعى 3 ەلدە ساپاردا بولادى
سىرتقى ىستەر مينيسترلىگىنىڭ مالىمدەمەشىسى ناقتى ورنالاستىرۋ مەن ساپاردا ءۇمىت كۇتىپ وتىرعان ىستەر جونىندە تانىستىرۋ جاسادى
2024.04.30 15:54 كەلۋ قاينارى : حالىق تورابى
«حالىق گازەتى»، 4 - ايدىڭ 29 - كۇنى، بەيجيڭ (تىلشىلەر حان شياۋميڭ، لي انچي). فرانسيا رەسپۋبليكاسىنىڭ زۇڭتۇڭى ماكروننىڭ، سەربيا رەسپۋبليكاسىنىڭ زۇڭتۇڭى ۋچيچتىڭ، ۆەنگريانىڭ زۇڭتۇڭى شۋيۋكتىڭ جانە زۇڭليى ورباننىڭ ۇسىنىسى بويىنشا، مەملەكەت ءتوراعاسى شي جينپيڭ 5 - ايدىڭ 5 – كۇنىنەن 10 – كۇنىنە دەيىن جوعارىداعى 3 ەلدە مەملەكەتتىك ساپاردا بولادى.
4 - ايدىڭ 29 - كۇنى سىرتقى ىستەر مينيسترلىگىنىڭ مالىمدەمەشىسى لين جيان كەزەكتى تىلشىلەر جينالىسىندا وسى رەتكى ساپاردىڭ ناقتى ورنالاستىرۋى مەن ساپاردا ءۇمىت كۇتىپ وتىرعان ىستەر جونىندە ىشكەرىلەي تانىستىرۋ جاسادى
”بۇل رەتكى ساپار − تاياۋداعى 5 جىلدان بەرگى جۇڭگونىڭ مەملەكەت باسشىسىنىڭ ەۆروپاعا تۇڭعىش ساپارى، جۇڭگونىڭ فرانسيامەن، سەربيامەن، ۆەنگريامەن قارىم - قاتىناسىن، سونداي - اق جۇڭگو - ەۆروپا قارىم - قاتىناسىنىڭ جالپى تۇلعالىق دامۋىن ىلگەرىلەتۋدە ماڭىزدى مانگە يە، سونداي - اق دۇنيە ءجۇزىنىڭ بەيبىت دامۋىنا جاڭا قوزعاۋشى قۋات ۇستەيدى“ دەدى لين جيان.
ول بىلاي دەدى: فرانسيا − جاڭا جۇڭگومەن تۇڭعىش رەت باس ەلشى دارەجەلى ديپلوماتيالىق قارىم - قاتىناس ورناتقان باتىستاعى ءىرى ەل، جۇڭگو - فرانسيا قارىم - قاتىناسى ۇزاق ۋاقىت جۇڭگو – باتىس ەلدەرى قارىم - قاتىناسىنىڭ الدىڭعى لەگىندە ءجۇردى. تاياۋ جىلداردان بەرى ءتوراعا شي جينپيڭ مەن ماكرون زۇڭتۇڭنىڭ ستراتەگيالىق جەتەكشىلىگىندە، جۇڭگو - فرانسيا قارىم - قاتىناسى تاماشا دامۋ بەتالىسىن ساقتادى، ەكى ەلدىڭ ستراتەگيالىق قارىم - قاتىناسى ناتيجەلى بولدى، ناقتى سەلبەستىگى سۇبەلى تابىستارعا قول جەتكىزدى، گۋمانيتارلىق اۋىس - كۇيىسى اناعۇرلىم تەرەڭدەپ، حالىقارالىق جانە وڭىرلىك ىستەردە تاماشا قارىم - قاتىناستى، سەلبەستىكتى ساقتادى.
”ساپار كەزىندە ءتوراعا شي جينپيڭ ماكرون زۇڭتۇڭمەن كەڭەس وتكىزىپ، جۇڭگو - فرانسيا، جۇڭگو - ەۆروپا قارىم - قاتىناسى، سونداي - اق ورتاق كوڭىل ءبولىپ وتىرعان حالىقارالىق جانە وڭىرلىك تولعاقتى ماسەلەلەر جونىندە ىشكەرىلەي پىكىر اۋىستىرادى. ەكى ەلدىڭ مەملەكەت باسشىلارى سىرت جەرلەرگە بارىپ قيمىل وتكىزەدى“. لين جيان بىلاي دەدى: ءتوراعا شي جينپيڭنىڭ وسى رەتكى فرانسياعا ساپارى − جۇڭگونىڭ مەملەكەت باسشىسىنىڭ اراعا 5 جىل سالىپ فرانسيادا تاعى دا مەملەكەتتىك ساپاردا بولۋى، جۇڭگو مەن فرانسيانىڭ ديپلوماتيالىق قارىم - قاتىناس ورناتقانىنىڭ 60 جىلدىعىمەن تۇسپا – تۇس كەلىپ وتىر، بۇل ەكى ەل قارىم - قاتىناسى جونىنەن بۇرىنعىعا مۇراگەر بولىپ، كەيىنگىگە جول اشۋدا، بولاشاققا بەت الۋدا ماڭىزدى مانگە يە. جۇڭگو جاق فرانسيا جاقپەن بىرگە وسى رەتكى ساپاردى وراي ەتىپ، تاڭداۋلى داستۇردەن جازباي، بولاشاققا بەلسەنە بەت الىپ، ساياسي سەنىمدىلىكتى اناعۇرلىم بەكەمدەپ، ىنتىماقتى، سەلبەستىكتى كۇشەيتىپ، جۇڭگو مەن فرانسيانىڭ جاپپاي ستراتەگيالىق سەرىكتەستىك قارىم - قاتىناسىنىڭ تىڭ ساتىعا كوتەرىلۋىن ىلگەرىلەتىپ، جۇڭگو - ەۆروپا قارىم - قاتىناسىنىڭ اقاۋسىز، ورنىقتى دامۋىنا تىڭ قوزعاۋشى كۇش قوسىپ، دۇنيە ءجۇزىنىڭ بەيبىتشىلىگىن، ورنىقتىلىعىن جانە دامۋىن، العا باسۋىن جەبەۋگە تىڭ ۇلەس قوسۋدى ءۇمىت ەتەدى.
لين جيان مىنانى ءبىلدىردى: سەربيا − جۇڭگونىڭ ورتا، شىعىس ەۆروپا وڭىرىندەگى تۇڭعىش جاپپاي ستراتەگيالىق سەرىكتەستىك قارىم – قاتىناس ورناتقان ەلى، ەكى ەلدىڭ مىزعىماس دوستىعى تەرەڭ. تاياۋ جىلداردان بەرى ءتوراعا شي جينپيڭ مەن ۋچيچ زۇڭتۇڭنىڭ ستراتەگيالىق جەتەكشىلىگىندە، جۇڭگو - سەربيا قارىم - قاتىناسى جوعارى دەڭگەيلى اينالىمدى ساقتادى، ەكى جاق ءبىر - ءبىرىنىڭ وزەكتى مۇددەسى مەن ءجىتى قاداعالاپ وتىرعان كەلەلى ىستەرىن باتىل قولدادى، ەكى ەلدىڭ ساياسي ءوزارا سەنىمدىلىگى بەكەمدەلىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدا سۇبەلى تابىستارعا قول جەتكىزىپ، كوپ جاقتى سالادا تىعىز سايكەستى. جۇڭگو - سەربيا قارىم - قاتىناسىنىڭ ىشكەرىلەي دامۋى ەكى ەلدىڭ جانە ەكى ەل حالىقتارىنىڭ ءتۇبىرلى جانە ۇزاق بولاشاقتىق مۇددەسىنە ۇيلەسەدى، حالىقارالىق ادىلدىك پەن ادىلەتتىلىكتى قورعاۋعا، ءوڭىردىڭ جانە دۇنيە ءجۇزىنىڭ بەيبىتشىلىگى مەن ورنىقتىلىعىن جەبەۋگە ءتيىمدى.
”ساپار كەزىندە ءتوراعا شي جينپيڭ ۋچيچ زۇڭتۇڭمەن كەڭەس وتكىزىپ، جۇڭگو - سەربيا قارىم - قاتىناسى جانە ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە ىشكەرىلەي پىكىر اۋىستىرىپ، جۇڭگو - سەربيا قارىم - قاتىناسىنىڭ ورنىن جوعارىلاتۋ جونىندە ىزدەنىس جاساپ، ەكى ەل قارىم - قاتىناسىنىڭ بولاشاق دامۋىنا ايقىن بەتالىس كورسەتەدى“. لين جيان بىلاي دەدى: وسى رەتكى ساپار − ءتوراعا شي جينپيڭنىڭ 8 جىلدان كەيىن سەربياعا تاعى دا ساپارلاي بارۋى، جۇڭگو - سەربيا قارىم - قاتىناسىنىڭ ساپاسىن، دارەجەسىن جوعارىلاتۋدا ماڭىزدى بەلەستىك مانگە يە. جۇڭگو جاق سەربيا جاقپەن بىرگە وسى رەتكى ساپاردى وراي ەتىپ، ەكى ەلدىڭ مىزعىماس دوستىعىن ونان ارى بەكەمدەپ، ساياسي سەنىمدىلىكتى تەرەڭدەتىپ، ناقتى سەلبەستىكتى كەڭەيتىپ، جۇڭگو - سەربيا قارىم - قاتىناسىنىڭ تاريحي تىڭ پاراعىن اشىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تىڭ دا اناعۇرلىم زور ۇلەس قوسۋدى ءۇمىت ەتەدى.
لين جيان مىنانى ءبىلدىردى: ۆەنگريا − ورتا، شىعىس ەۆروپا وڭىرىندەگى ماڭىزدى مەملەكەت، جۇڭگو جاقتىڭ ”ءبىر بەلدەۋ، ءبىر جولدى“ بىرگە قۇرۋدى جانە جۇڭگو - ورتا، شىعىس ەۆروپا ەلدەرى سەلبەستىگىن ىلگەرىلەتۋىندەگى ماڭىزدى سەلبەستىك سەرىگى. تاياۋ جىلداردان بەرى ەكى ەل باسشىلارىنىڭ ستراتەگيالىق جەتەكشىلىگىندە جۇڭگو - ۆەنگريا قارىم - قاتىناسى جوعارى دەڭگەيدە دامىدى، ەكى ەلدىڭ جوعارى جىكتەگىلەرىنىڭ بارىس - كەلىسى جيىلەپ، ساياسي سەنىمدىلىگى ۇزدىكسىز تەرەڭدەپ، ءار سالاداعى سەلبەستىگى تىڭعىلىقتى ىلگەرىلەپ، سۇبەلى تابىستارعا قول جەتكىزىپ، ەكى ەل حالىقتارىنا شىنايى پايدا جەتكىزدى. جۇڭگو مەن ۆەنگريا − ءبىر - ءبىرىنىڭ جان - جاقتى ستراتەگيالىق سەرىگى، ءوز ەلدەرىنىڭ مەملەكەت جاعدايىنا ۇيلەسەتىن دامۋ ىستەرىن باتىل ىلگەرىلەتۋدە، ءداستۇرلى دوستىقتى تەرەڭدەتۋ، ءوزارا ءتيىمدى سەلبەستىكتى كۇشەيتۋ ەكى جاقتىڭ ورتاق مۇددەسىنە ۇيلەسەدى، ءوڭىردىڭ، ءتىپتى، دۇنيە ءجۇزىنىڭ بەيبىتشىلىگىن، ورنىقتىلىعىن جانە گۇلدەنۋىن قورعاۋعا ءتيىمدى.
”شۋيۋك زۇڭتۇڭ، وربان زۇڭلي ءتوراعا شي جينپيڭدى ۆەنگرياعا ساپارلاي بارۋعا بىرگە ۇسىنىس ەتتى، بۇل ۆەنگريا جاقتىڭ وسى رەتكى ساپارعا ايرىقشا ءمان بەرەتىنىن جانە شىنايى ءۇمىت ارتىپ وتىرعانىن تولىق ايگىلەيدى. وسى رەتكى ساپار كەزىندە ءتوراعا شي جينپيڭ شۋيۋك زۇڭتۇڭمەن، وربان زۇڭليمەن جەكە - جەكە كەزدەسىپ، كەڭەس وتكىزىپ، جۇڭگو - ۆەنگريا قارىم - قاتىناسى جانە ورتاق كوڭىل ءبولىپ وتىرعان ماسەلەلەر جونىندە ىشكەرىلەي پىكىر اۋىستىرادى“. لين جيان بىلاي دەدى: بيىل − جۇڭگو مەن ۆەنگريانىڭ ديپلوماتيالىق قارىم - قاتىناس ورناتقانىنىڭ 75 جىلدىعى، وسى رەتكى بەلەستىك ساپار ەكى جاقتى قارىم - قاتىناستىڭ تىڭ ساتىعا كوتەرىلۋىن ىلگەرىلەتىپ، جۇڭگو مەن ۆەنگريانىڭ دوستىق سەلبەستىگىنە تىڭ داستان اشىپ، جۇڭگو - ەۆروپا قارىم - قاتىناسىنىڭ دامۋىنا تىڭ قوزعاۋشى كۇش قوسىپ، اۋمالى - توكپەلى دۇنيە جۇزىنە اناعۇرلىم كوپ ورنىقتىلىق جانە وڭ ەنەرگيا ۇستەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
