شاعىن تۇيىندەرگە نازار . ءتوراعا شي جينپيڭنىڭ ەۆروپاعا ساپارى
”بۇرسىگۇنگى قيمىلعا اسىعامىن، كورىنىس، ءسوز جوق، كوركەم بولادى“
«حالىق گازەتىنىڭ» تىلشىلەرى دۋ شاڭزى، ۋاڭ جوۋ
2024.05.06 16:32 كەلۋ قاينارى : حالىق تورابى
ۋاقىتى: سول جەر ۋاقىتى 5 - ايدىڭ 5 – كۇنى تۇستەن كەيىن
كۇن ءتارتىبى: ءتوراعا شي جينپيڭ پاريجگە بارىپ، فرانسياداعى مەملەكەتتىك ساپارىن باستاۋى
پاريج ورلي اۋەجايىندا سەبەزگى جاڭبىر جاۋىپ تۇر. ۇشاق باسپالداعىنىڭ استىندا تۇرعان فرانسيانىڭ زۇڭليى اتار قادامىن ءجىتى باسىپ الدىعا شىعىپ، الىستان كەلگەن جۇڭگولىق سيلى قوناقتاردى قىزۋ قارسى الدى.
جۇڭگو مەن فرانسيانىڭ ديپلوماتيالىق قارىم - قاتىناس ورناتقانىنىڭ 60 جىلدىعىنا تۇسپا – تۇس كەلگەندىكتەن، ءتوراعا شي جينپيڭ مەن حانىمىنىڭ ازيا - ەۆروپا ۇلى قۇرلىعىنان ەندەي وتكەن وسى رەتكى ساپارىنا فرانسيا كوپ ءۇمىت ارتۋدا.
”سالەمەتسىز بە!“ دەدى اتار زۇڭلي حانزۋ تىلىندە.
ءتوراعا شي جينپيڭ كۇلىمسىرەي ونىمەن قول الىسىپ امانداسىپ، ”بۇل ارانىڭ تەمپەراتۋراسى بەيجيڭگە وتە جاقىن كەلەدى ەكەن“ دەدى.
جاسىل جەلەك جامىلىپ، قۇستارى سايراعان كوكتەمنىڭ سوڭى مەن جازدىڭ باسى − فرانسيانىڭ تاماشا مەزگىلى.
”بۇرسىگۇنى اۋا رايى جاقسى بولسا ەكەن دەپ ارماندايمىن“. اتار زۇڭلي ءوز تىلەگىن ءبىلدىرىپ جاتىر، ”بۇرسىگۇنگى قيمىلعا اسىعامىن، كورىنىس، ءسوز جوق، كوركەم بولادى“.
تاياۋ جىلداردان بەرى جۇڭگو مەن فرانسيا مەملەكەت باسشىلارىنىڭ بارىس - كەلىسى جيىلەي ءتۇستى. پرەفەكتۋراداعى كەشكى اڭگىمە، يۇييۋانداعى شاي سۇحباتى، سۇڭيۋان كەزدەسۋى جۇڭگو مەن فرانسيانىڭ ديپلوماتيا تاريحىندا تاماشا ەستەمە قالدىردى. بۇل جولى فرانسيانىڭ زۇڭتۇڭى ماكرون كونە دوسىن قانداي ەرەكشە ورنالاستىرۋمەن كۇتىپ الار ەكەن؟ بىرنەشە كۇننىڭ الدىندا، ”كەڭەستەن سىرت، ەكى ەل مەملەكەت باسشىلارى سىرت جەرلەرگە بارىپ قيمىل وتكىزەدى“ دەگەن حابار تارالعاندا، دۇنيە ءجۇزى ءۇمىت كۇتەتىندەرىن اڭعارتتى.
تىڭداپ وسى اراعا كەلگەندە ءتوراعا شي جينپيڭ ىقىلاستى بەينەدە: ”دەن قويا ورنالاستىرعاندارىڭىزعا راقىمەت!“ دەدى.
قىزىل كىلەمدى بويلاپ جۇرە اڭگىمەلەستى.
”جۇڭگوعا بارعان با ەدىڭىز؟“
”پارلامەنت مۇشەسى بولعان كەزىمدە بارعانمىن“. اتار زۇڭلي حانزۋ تىلىندە انىق سويلەپ تۇر: ”مەن ءبىر جىل حانزۋ ءتىلىن ۇيرەنگەنمىن“.
”الگىندە ’نىنحاۋ‘ (سالەمەتسىز بە) دەگەن ءسوزدى وتە ولشەمدى ايتتىڭىز. ءتوراعا شي جينپيڭ وعان كۇلىمسىرەي: ”جۇڭگوعا كەلىپ ارالاۋىڭىزدى، كورۋىڭىزدى قارسى الامىن“ دەدى.
بەيجيڭ مەن پاريجدىڭ ارالىعى 8000 كيلومەتردەن اسادى، ءبىراق ءبىرىن - ءبىرى تۇسىنسە، ءبىر - بىرىنە جاقىندىق تانىتسا، الىس تا ەمەس.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
