كۋبا جاي پاسپورتى بار جۇڭگو ازاماتتارىنا ۆيزاسىز بارۋعا بولاتىندىعىن جاريالادى
2024.05.06 16:16 كەلۋ قاينارى : حالىق تورابى
شينحۋا اگەنتتىگىنىڭ 5 – ايدىڭ 5 - كۇنى حاۋانادان بەرگەن حابارى. كۋبا سىرتقى ىستەر مينيسترلىگى 5 – ايدىڭ 5 – كۇنى رەسمي تورابىندا حابارلاندىرۋ جاريالاپ بىلاي دەدى: كۋبا ۇكىمەتى جاي پاسپورتىمەن شەكارادان كىرەتىن، كۋبانى باسىپ وتەتىن ءارى ايالداعان ۋاقىتى 90 كۇننەن اسپايتىن جۇڭگو ازاماتتارىنا ۆيزاسىز كىرۋ ساياساتىن اتقارۋدى ۇيعاردى.
حابارلاندىرۋدا بىلاي دەلىندى: بۇل قاراردىڭ ماقساتى ساياحات كاسىبىنىڭ دامۋىن كۇشەيتىپ، جولاۋشىلاردىڭ بارىس - كەلىسىنە قولايلىلىق تۋدىرىپ، ەكى ەل حالقىنىڭ اۋىس - ٴتۇيىسىن جەبەۋگە ۇلەس قوسۋ.
حابارلاندىرۋدا بىلاي دەلىندى: شەكارادان كىرگەن كۇننەن باستاپ كۋبانىڭ شەكاراسىنىڭ ىشىندە 90 كۇننەن استام ۋاقىت تۇراتىن جۇڭگو ازاماتتارى سايكەستى ۆيزا الۋدى ءوتىنىش ەتۋى كەرەك.
حابارلاندىرۋدا مىنالار تولىقتاندى: كۋباعا كەلىپ قىزمەت ىستەۋ، ۇيرەنۋ، قونىستانۋ، اقپاراتتىق حابارمەن شۇعىلدانۋ سياقتى جۇمىستارىمەن كەلگەن جۇڭگو ازاماتتارى كۋباعا كىرۋدەن بۇرىن سايكەستى ۆيزا الۋدى ءوتىنىش ەتۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
