جۇڭگو جاقتىڭ ۇيىرمەسى ا ق ش – نا بارىپ، كليمات وزگەرىسى تۋرالى كەڭەس وتكىزەدى
2024.05.07 14:32 كەلۋ قاينارى : حالىق تورابى
جۇڭگو اقپارات تورابىنىڭ 5 – ايدىڭ 7 – كۇنى بەرگەن حابارى. ەكولوگيالىق ورتانى قورعاۋ مينيسترلىگىنىڭ رەسمي ميكروبلوگىنىڭ حابارلاۋىنشا، جۇڭگو مەن ا ق ش جاقتىڭ كەڭەسىپ بەكىتۋى بويىنشا، جۇڭگونىڭ كليمات وزگەرىسى ىستەرىنە جاۋاپتى ەرەكشە ۋاكىلەتتى ەلشىسى ليۋ جىنمين 5 – ايدىڭ 7 – كۇنىنەن 16 – كۇنىنە دەيىن ۇيىرمە باستاپ ا ق ش – نا بارىپ، ا ق ش زۇڭتۇڭىنىڭ حالىقارالىق كليمات ساياساتى جاعىنداعى جوعارى دارەجەلى اقىلشىسى پودەستامەن كەڭەس وتكىزەدى. ەكى جاق ەكى ەل باسشىلارىنىڭ ورتاققا كەلگەن تانىمىن جەتەكشى ەتىپ، «كليمات داعدارىسىنا سەلبەسە توتەپ بەرۋدى كۇشەيتەتىن ساۋلەلى مەكەن جونىندەگى مالىمدەمە» قاتارلى ەكى جاقتىڭ ورتاق تانىمىن توڭىرەكتەي وتىرىپ، جۇڭگو مەن ا ق ش – نىڭ كليمات وزگەرىسى جاعىنداعى سەلبەستىكتەرىندە ناقتى جەتىستىكتەرگە قول جەتكىزۋدى ىلگەرىلەتۋ قاتارلى جاقتاردا ىشكەرىلەي پىكىر الماستىرادى. ەرەكشە ۋاكىلەتتى ەلشى ليۋ جىنمين وسى جولى بىرلەسكەن مەملەكەتتەر ۇيىمىنداعى قاتىستى جاقتارمەن، سونداي – اق ، ا ق ش – نىڭ قاتىستى جەرگىلىكتى ۇكىمەت ورىندارىمەن جانە كەڭەس بەرۋ قۇرىلىمدارى قاتارلىلارمەن كليمات وزگەرىسى قاتارلى تاقىرىپتار جونىندە كەڭەس وتكىزەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
